Foot Pain Exercises : మీ పాదాలలో నొప్పిని తగ్గించేందుకు సింపుల్ వ్యాయామాలు-simple exercises to control your foot pain know in details ,లైఫ్‌స్టైల్ న్యూస్
తెలుగు న్యూస్  /  Lifestyle  /  Simple Exercises To Control Your Foot Pain Know In Details

Foot Pain Exercises : మీ పాదాలలో నొప్పిని తగ్గించేందుకు సింపుల్ వ్యాయామాలు

Anand Sai HT Telugu
Mar 24, 2024 05:30 AM IST

Foot Pain Exercises : మన శరీరం మొత్తం బరువును మన పాదాలు భరిస్తాయి. పాదాలలో బెణుకు లేదా నొప్పి అవకాశం ఎక్కువగా ఉంటుంది. వీటి నుంచి బయటపడేందుకు కొన్ని టిప్స్ పాటించాలి.

పాదాలకు వ్యాయామాలు
పాదాలకు వ్యాయామాలు (Unsplash)

మీ పాదాలలో నొప్పి అంటే మీరు వెంటనే వైద్య సహాయం తీసుకోవాలని కాదు. మీరు ఇంటి నుండి కొన్ని సాధారణ ఫుట్ వ్యాయామాలు చేయవచ్చు. దాని ద్వారా ఆ సమస్యలను సులభంగా నయం చేసుకోవచ్చు. అలా చేస్తే మీరు నొప్పి నుంచి బయటపడతారు. మీ మెుత్తం ఆరోగ్యంలో పాదాలు కూడా ముఖ్యమైన పాత్రను పోషిస్తాయి. వాటిని కూడా ఆరోగ్యంగా చూసుకోవడం మీ బాధ్యత.

మీ పాదాలలో నొప్పి ఉంటే కచ్చితంగా చిన్న చిన్న వ్యాయామాలు చేయాలి. లేదంటే తర్వాత పెద్ద సమస్యగా మారే అవకాశం ఉంది. వీలైనంత వరకూ చిన్న వ్యాయామాలు మీ పాదాలను కాపాడుతాయి. నొప్పి నుంచి ఉపశమనం కలిగిస్తాయి.

మీ పాదాలు, కాలి వేళ్లు బలంగా ఉండాలంటే కార్ల్ వ్యాయామం చేయాలి. మీరు ఈ సాధారణ వ్యాయామంతో చాలా ప్రయోజనాలు పొందుతారు. మొదట కుర్చీపై కూర్చోండి. రెండు పాదాలను నేలపై ఉంచాలి. పాదాల కింద టవల్‌ని వేయాలి. ఇప్పుడు ఆ భాగాన్ని మీ కాలి వేళ్ళతో గట్టిగా పట్టుకుని, మీకు దగ్గరగా లాగండి. అదే వ్యాయామం కొన్ని సార్లు చేయండి.

మీ పాదాల క్రింద బంతిని రోలింగ్ చేయడం వలన మీ పాదాలలో నొప్పి, దృఢత్వం నుండి ఉపశమనం పొందవచ్చు. మొదట కుర్చీపై కూర్చుని మీ పాదాలను నేలపై ఉంచండి. మీరు గోల్ఫ్ బాల్ లేదా టెన్నిస్ బాల్ లేదా క్రికెట్ బాల్ మీ పాదాల కింద ఉంచుకోవచ్చు. ఇప్పుడు బంతిపై ఒక అడుగు వేసి నెమ్మదిగా రోల్ చేయండి. బంతిని నేలపై కాలితో బాగా రుద్దేలా చేయాలి. ఇప్పుడు పాదం మార్చండి. ఈ వ్యాయామాన్ని కొన్ని సార్లు పునరావృతం చేయండి.

మొదట నిటారుగా నిలబడండి. కాలి వేళ్లను భూమిలోకి గట్టిగా నొక్కండి. మీకు వీలైనంత వరకు చీలమండలను మాత్రమే ఎత్తండి. అయితే శరీరం మొత్తం బరువు కాలి వేళ్లపై ఉండేలా చూసుకోవాలి. కొన్ని సెకన్ల పాటు అదే వ్యాయామ స్థితిలో ఉండి, ఆపై సాధారణ స్థితికి చేరుకోండి. అదే వ్యాయామం పునరావృతం చేయండి. ఈ వ్యాయామం మీ కాలి, మీ పాదాల పై భాగాలలో దృఢత్వాన్ని తగ్గిస్తుంది.

ముందుగా ఒక కుర్చీపై కూర్చుని, రెండు పాదాలను నేలపై ఉంచండి. మడమలను నేలపై నొక్కి, పాదాలను కొన్ని సెకన్ల పాటు నిటారుగా ఉంచాలి. కాలి వేళ్లను నేలకి తాకే వరకు వంచండి. అదే స్థితిలో 5 సెకన్లు ఉండవచ్చు. తర్వాత సాధారణ స్థితికి చేరుకోండి. అదే వ్యాయామం పునరావృతం చేయండి.

కాలి మడమలకు కూడా వ్యాయామం చేయాలి. మడమ మీద నిలబడండి. మోకాళ్లు నిటారుగా ఉండేలా చూసుకోవాలి. ఇప్పుడు నెమ్మదిగా మడమలను 5 సెకన్ల పాటు పైకి కిందకు ఎత్తండి. తర్వాత మెల్లగా సాధారణ స్థితికి చేరుకోవాలి. ఈ వ్యాయామం 12 సార్లు చేయవచ్చు. ఈ వ్యాయామం మడమలోని కండరాలను బలపరుస్తుంది. ఇది పాదాల నొప్పిని కూడా తగ్గిస్తుంది. పైన చెప్పిన వ్యాయామాలు మీ పాదాలకు మంచిది.