Revanth Reddy : రేవంత్ రెడ్డిని ప్రజలు ఎందుకు నమ్మారు?

revanth reddy

paragraph

ఎవరు ఔనన్నా.. కాదన్నా.. తెలంగాణ అసెంబ్లీ ఎన్నికల ఫలితాల్లో(Telangana Assembly Election Results) కాంగ్రెస్ పార్టీకి గొప్ప విజయం అందించారు ప్రజలు. ఇందులో రేవంత్ రెడ్డి(Revanth Reddy) పాత్ర చాలా కీలకం. అసలు తెలంగాణలో ఎక్కడికో వెళ్లిన కాంగ్రెస్ పార్టీని.. అధికారంలోకి తీసుకొచ్చేందుకు రేవంత్ చేసిన ప్రయత్నాలు చాలానే ఉన్నాయి. ఉనికి పోయిందనుకున్న పార్టీకి ఊపిరి పోయడంలో రేవంత్ రెడ్డితోపాటుగా మరికొందరు నేతలు కీలకంగా వ్యవహరించారు. కాంగ్రెస్ పార్టీని నమ్మాలని జనాలకు చెప్పడంలో సక్సెస్ అయ్యారు. ఇంతకీ కాంగ్రెస్ పార్టీతోపాటుగా రేవంత్ రెడ్డిని ప్రజలు నమ్మడానికి కారణాలు ఏంటి?

కాంగ్రెస్ పార్టీ అనగానే.. మెుదట గుర్తుకు వచ్చేది.. అంతర్గత స్వేచ్ఛ. పార్టీలో ఎవరి మీద అయినా.. ఎవరైనా ఇష్టం వచ్చినట్టుగా కామెంట్స్ చేస్తూ ఉంటారు. రేవంత్ రెడ్డికి టీపీసీసీ పగ్గాలు రావడంతో చాలా మంది నేతల మనోభావాలు దెబ్బతిన్నాయి. కొందరు పార్టీని వీడి కూడా బయటకు వెళ్లారు. అయితే వారిని సముదాయించడంలో రేవంత్ రెడ్డి సక్సెస్ అయ్యారు. తనదైన స్ట్రాటజీతో కదిలారు. కోమటిరెడ్డి లాంటి కీలక నేతలు పార్టీని వదిలి వెళ్లినా.. మళ్లీ తిరిగి వస్తే.. వారితో సఖ్యత మెయింటెన్ చేశారు రేవంత్ రెడ్డి.

పార్టీలోని నేతలు కామెంట్స్ చేసినా రేవంత్ రెడ్డి సరిగా స్పందిచారు. గొడవలు వద్దు అన్నట్టుగానే ఉండటంతో కింది స్థాయి నేతల్లోనూ నమ్మకం కుదిరింది. దీంతో అప్పటికే బలమైన క్యాడర్ ఉన్న కాంగ్రెస్ పార్టీకి జోష్ వచ్చింది. మరోవైపు టీడీపీలో రేవంత్ రెడ్డి పని చేయడం కూడా కలిసి వచ్చింది. టీడీపీకి ఉన్న క్యాడర్ కూడా రేవంత్ రెడ్డికి సపోర్ట్ చేసింది. ఎందుకంటే ఈ ఎన్నికల్లో టీడీపీ బరిలో నిలవలేదు. ఇది గతంలో ఆ పార్టీలో పని చేసిన రేవంత్ రెడ్డికి కలిసి వచ్చింది.

అయితే అన్నింటికంటే ముఖ్యమైనది ఏంటంటే ప్రభుత్వ వ్యతిరేకతను రేవంత్ రెడ్డి చక్కగా పట్టుకోగలిగారు. బీజేపీ పుంజుకుంటున్న సమయంలో కాంగ్రెస్ వైపు గాలి తిరిగేలా చేశారు. బీజేపీ-బీఆర్ఎస్ రహస్య దోస్తులు అని చెప్పడంతో సఫలమయ్యారు. ఫలితంగా జనాలు కూడా ఈ విషయాన్ని నమ్మారు. కార్యకర్తలకు భరోసా ఇవ్వడంలో రేవంత్ సక్సెస్ అయ్యారనే చెప్పాలి. దీంతో కాంగ్రెస్ పార్టీకి కార్యకర్తలు క్షేత్రస్థాయిలో సైన్యంలా పని చేశారు.

రేవంత్ రెడ్డి మేనియా కంటే ప్రభుత్వం వ్యతిరేకత కాంగ్రెస్ పార్టీకి ఎక్కువగా కలిసి వచ్చింది. పదేళ్లుగా అధికారంలో ఉన్న బీఆర్ఎస్ పార్టీపై జనాల్లో బాగా వ్యతిరేకత పెరిగిపోయింది. ఈ విషయాన్ని సరిగా క్యాచ్ చేసిన రేవంత్ రెడ్డి.. తెలంగాణ ఇచ్చిన పార్టీకి అధికారం ఇవ్వడంటూ జనంలోకి బాగా తీసుకెళ్లారు. దీంతో జనాలకు కాంగ్రెస్ పార్టీ మీద నమ్మకం పెరిగింది.

మరోవైపు మన ప్రభుత్వం వచ్చిన తర్వాత దొరల పాలన అంతం చేద్దామంటూ సామాన్యులకు దగ్గర అయ్యే ప్రయత్నం బలంగా చేశారు రేవంత్. అంతేకాదు.. నేరుగా సీఎం కేసీఆర్‍ను ఢీ కొట్టేందుకు కామారెడ్డి బరిలో నిలిచారు. దీంతో ప్రజలు కాంగ్రెస్ పార్టీతోపాటుగా రేవంత్ రెడ్డి మీద కూడా నమ్మకం పెంచుకున్నారు. ప్రజల తరఫున రేవంత్ చేసిన కొన్ని ఆందోళనలు కూడా ఆయనకు జనాలను దగ్గర చేసింది.

అయితే రాష్ట్రమంతా కాంగ్రెస్ పార్టీ హవా కనిపించినా.. గ్రేటర్ హైదరాబాద్‍లో మాత్రం పెద్దగా ప్రభావం చూపించలేకపోయింది. హస్తం గాలి ఇక్కడ పని చేయలేదనే చెప్పాలి. గ్రేటర్ ప్రజలు బీఆర్ఎస్‍కు మద్దతుగా నిలిచారు. కాంగ్రెస్ పార్టీని తిరస్కరించారు. ఇటు ప్రభుత్వ వ్యతిరేక ఓటు, అటు ప్రజలు మార్పు కోరుకోవడం.., రేవంత్ రెడ్డికి బాగా కలిసి వచ్చింది.

TS Elections Results 2023 : కారు దిగి కాంగ్రెస్ కు పట్టం కట్టిన ప్రజలు, తెలంగాణ తుది ఫలితాలు ఇవే!

<ul><li>TS Elections Results 2023 : తెలంగాణ అసెంబ్లీ ఎన్నికల ఫలితాల్లో కాంగ్రెస్ 64 స్థానాలు, బీఆర్ఎస్ 39, బీజేపీ 8, ఎంఐఎం 7, సీపీఐ 1 స్థానంలో విజయం సాధించాయి.</li></ul>

Revanth Reddy : తెలంగాణ సీఎంగా రేవంత్ రెడ్డి- డిప్యూటీ సీఎంలు భట్టి, సీతక్క-రేపే ప్రమాణ స్వీకారం?

<ul><li>Revanth Reddy : కాంగ్రెస్ ఎమ్మెల్యేలు సీఎల్పీ నేతగా రేవంత్ రెడ్డిని ఎంపిక చేయనున్నారు. రేపు సాయంత్రం సీఎంగా రేవంత్ రెడ్డి ప్రమాణ స్వీకారం చేసే అవకాశం ఉంది.</li></ul>

Telangana DGP : తెలంగాణ కొత్త డీజీపీగా రవిగుప్తా నియామకం

<ul><li>Telangana DGP : తెలంగాణ నూతన డీజీపీగా రవిగుప్తాను ఎన్నికల సంఘం నియమించింది. ఈ మేరకు ఉత్తర్వులు జారీ అయ్యాయి.</li></ul>

KTR : ఈ ఓటమి స్పీడ్ బ్రేకర్ మాత్రమే, రెట్టింపు వేగంతో తిరిగి వస్తాం- కేటీఆర్

<ul><li>KTR : తెలంగాణ ప్రజలు ఇచ్చిన తీర్పును స్వాగతిస్తున్నామని కేటీఆర్ అన్నారు. ప్రతిపక్ష పాత్రంలో ప్రజల తరఫున పోరాడతామన్నారు.</li></ul>

<ul><li>Revanth Reddy : తెలంగాణ ఎన్నికల ఫలితాల్లో కాంగ్రెస్ పార్టీ విజయం ఖాయమైపోయింది. అయితే ఈ ఎన్నికల్లో కీలకంగా వ్యవహరించిన వ్యక్తి టీపీసీసీ అధ్యక్షుడు రేవంత్ రెడ్డి. కాంగ్రెస్ పార్టీని, ఆయనను ప్రజలు చాలా నమ్మారని చెప్పాలి.</li></ul>

Janasena Election Result : తెలంగాణలో పవన్ పార్టీ అట్టర్ ఫ్లాప్.. జనసేనకు డిపాజిట్ గల్లంతు

janasena in telangana

పవన్ కల్యాణ్ జనసేన పార్టీ(Pawan Kalyan Janasena Party).. బీజేపీతో కలిసి తెలంగాణలో పోటీ చేసింది. 8 స్థానాల్లో పోటీ చేసిన ఆ పార్టీకి ఆశించిన స్థాయిలో ఫలితం రాలేదు. తెలంగాణ అసెంబ్లీ ఎన్నికల్లో(Telangana Assembly Elections) జనసేనకు గట్టి ఎదురుదెబ్బ తగిలింది. పవన్ మేనియా కూడా ఇక్కడ పని చేయలేదు. జనాలు గట్టిగా తిరస్కరించారు. కిందటిసారి ఏపీలో ఎదురైనటువంటి పరిస్థితే.. తెలంగాణలో ఈసారి జనసేన ఎదుర్కోవలసి వచ్చింది.

చాలా రోజుల నుంచి తెలంగాణలో పోటీ చేయాలా వద్దా అనే ఆలోచనలో ఉన్న జనసేనకు బీజేపీ తోడైంది. పొత్తుతో కలిసి పవన్ కల్యాణ్ పార్టీ పోటీ చేసింది. పోటీ చేసిన జనసేన అభ్యర్థుల డిపాజిట్ కూడా గల్లంతైంది. అదే బీజేపీ పార్టీ 9 స్థానాల్లో గెలిచే దిశగా కొనసాగుతోంది. జనసేన పార్టీకి డిపాజిట్ కూడా దక్కకపోవడంతో జనసైనికులు తీవ్ర నిరాశలో ఉన్నారు.

కోదాడ - మేకల సతీశ్ రెడ్డి, తాండూర్-నేమూరి శంకర్ గౌడ్, ఖమ్మం-మిర్యాల రామకృష్ణ, కొత్తగూడెం-లక్కినేని సురేందర్ రావు, అశ్వారావుపేట(ఎస్టీ)-ముయబోయిన ఉమాదేవి, వైరా(ఎస్టీ)-సంపత్ నాయక్, నాగర్ కర్నూల్-వంగల లక్ష్మణ్ గౌడ్, కూకట్‍పల్లి-ముమ్మారెడ్డి ప్రేమ్ కుమార్.. పోటీ చేశారు.

అయితే ఈ అభ్యర్థులు జనసేన టికెట్ తీసుకుని పోటీ చేసినా.. ఫలితం లేదు. కూకట్‍పల్లిలో అయినా జనసేన ప్రభావం చూపిస్తుందని చాలా మంది అనుకున్నా్రు. కానీ అలాంటిదేమీ లేకుండా పోయింది. మూడో స్థానంలో నిలిచింది. ఈ 8 స్థానాల్లో జనసేన గెలుపు ఓటములను ప్రభావితం చేస్తుందని కొంతమంది అనుకున్నారు. కానీ ఎలాంటి లాభం లేకుండా పోయింది. కూకట్ పల్లి మినహా 7 చోట్ల కనీసం డిపాజిట్ కూడా దక్కించుకోలేదు. నిజానికి కూకట్‍పల్లిలో సెటిలర్స్ ఎక్కువగా ఉన్నారు. దీంతో ఈ స్థానంపై పవన్ కల్యాణ్ ఆశలు పెట్టుకున్నారు. కానీ కాంగ్రెస్ జోరులోనూ బీఆర్ఎస్ అభ్యర్థి మాధవరం కృష్ణారావు గెలిచారు.

బీజేపీతో కలిసి బరిలోకి దిగినా.. తెలంగాణ ప్రజలు జనసేనను పట్టించుకోలేదు. 8 స్థానాల్లోనూ ఆ పార్టీ ఎదురుదెబ్బ చూడాల్సి వచ్చింది. ఎనిమిది స్థానాల్లో గెలిచి కింగ్ మేకర్ అవ్వాలనుకున్న జనసేన పార్టీ ఆశలు అడియాశలయ్యాయి. దీంతో జనసైనికులు కాస్త నిరాశతో ఉన్నారు. ఏపీ ఎన్నికల్లో అయినా నిర్ణయాత్మక పాత్ర పోషించాలని అనుకుంటున్నారు.

నిజానికి జనసేన అధినేత పవన్ కల్యాణ్(Pawan Kalyan).. తెలంగాణలోనూ తమ పార్టీకి ఓటు బ్యాంక్ ఉందని గతంలో చెప్పారు. తెలంగాణలో కమిటీలు కూడా వేశారు. ఒంటరి పోరుకు సిద్ధమన్నారు. 25 అసెంబ్లీ స్థానాల్లో బలమైన ఓటు బ్యాంక్ ఉందన్నారు. కానీ ఫలితాల్లో మాత్రం పవన్ కల్యాణ్ మాటలు కనిపించడం లేదు. దీంతో పవన్ కల్యాణ్ జనసేన పార్టీ తెలంగాణలో అట్టర్ ఫ్లాప్ అయిందని ట్రోలింగ్ నడుస్తోంది.

<ul><li>Janasena Telangana Election Result : తెలంగాణ గడ్డ మీద పుట్టిన జనసేన పార్టీ.. ఏపీ రాజకీయాల్లో కీలకంగా వ్యవహరిస్తోంది. ఈసారి తెలంగాణ అసెంబ్లీ ఎన్నికల్లోనూ పోటీ చేసింది. అయితే ఆ పార్టీని మాత్రం జనం ఘోరంగా తిరస్కరించారు.</li></ul>

Sugar test Mistakes : షుగర్ టెస్ట్ చేసేప్పుడు ఈ 6 తప్పులు చేయకూడదు

diabetes sugar test

మధుమేహం వచ్చిన తర్వాత మీ రక్తంలో చక్కెరను అదుపులో ఉంచుకుంటే, మీరు ఇతరులలాగే ఆరోగ్యకరమైన జీవితాన్ని గడపవచ్చు. మధుమేహ వ్యాధిగ్రస్తులు క్రమం తప్పకుండా రక్త పరీక్షలు చేయించుకోవాలి, కాబట్టి రక్త పరీక్షలు చేసేటప్పుడు సరైన ఫలితాలను పొందడానికి ఈ తప్పులు చేయవద్దు.

చాలా మంది షుగర్ టెస్ట్ చేసేటప్పుడు చేతులు కడుక్కోరు. మంచి పరీక్ష ఫలితం పొందడానికి, మీరు సబ్బు, వేడి నీటితో మీ చేతులను కడుక్కోవాలి. ఆపై ఆరబెట్టి, ఆపై రక్త పరీక్ష చేయాలి.

షుగర్ బ్లడ్ టెస్ట్ చేసేటప్పుడు ఒక వేలును మాత్రమే ఉపయోగించవద్దు. మీరు ఒక వేలు మాత్రమే గుచ్చుకుంటే, అది చాలా నొప్పిని కలిగిస్తుంది. కాబట్టి వివిధ వేళ్లను గుచ్చడం ద్వారా షుగర్ టెస్ట్ చేయండి.

గడువు ముగిసిన లేదా సరిగ్గా నిల్వ చేయని స్ట్రిప్‌లను ఉపయోగించడం సరైన ఫలితాలను ఇవ్వదు. అలాగే లాన్సెట్ పదును కోల్పోతుంది. దీనిపై శ్రద్ధ వహించండి.

మీరు గ్లూకోజ్ మీటర్‌ని సరిగ్గా ఉపయోగించకపోతే, మీరు సరైన ఫలితం పొందలేరు. దానిని ఎలా ఉపయోగించాలో మీకు తెలిస్తేనే మీకు సరైన ఫలితం వస్తుంది. లేకపోతే డాక్టర్ సహాయం తీసుకోండి.

కొంతమంది తిన్న అరగంట లేదా గంట తర్వాత రక్త పరీక్ష చేస్తారు. ఇది సరైన ఫలితాన్ని ఇవ్వదు. మీరు ఏదైనా తిన్నట్లయితే, రెండు గంటలు వేచి ఉండి, ఆపై పరీక్షించండి.

రక్త పరీక్షను ఎప్పుడైనా చేయవద్దు. ఉదయం లేదా రాత్రి పడుకునే ముందు రక్తపరీక్ష చేయించుకుంటేనే రక్తంలో షుగర్ ఎంత ఉందో కచ్చితంగా తెలుసుకోవచ్చు.

మనం తినే ఆహారంలో చక్కెర స్థాయి ఎక్కువ అయితే మధుమేహం వస్తుంది. అది కంట్రోల్ చేసే సామర్థ్యం శరీరానికి లేకుంటే మధుమేహంలోకి వస్తుంది. మనం తినే ఆహారం ద్వారా శరీరానికి అందే చక్కెర కాలేయంలో నిల్వ ఉంటుంది. మనం భౌతికంగా శ్రమిస్తే.. శరీరానికి అవసరమైన శక్తి చక్కెర్ ద్వారా లభిస్తుంది. కాలేయంలో ఉండే చక్కెర శరీరానికి అందుతుంది. కాలేయం సామర్థ్యాన్ని మించి.. చక్కెరలను నిల్వ ఉంచలేదు. అదనంగా వచ్చే చక్కెరలను మూత్రం ద్వారా బయటకు పంపేస్తుంది. తరచుగా మూత్రం వస్తే.. అది మధుమేహానికి సూచన అని గుర్తుంచుకోవాలి.

కొవ్వు పదార్థాలు ఎక్కువగా ఉండే ఆహారం తీసుకోవడం, శరీరక శ్రమ తగ్గడం వలన చిన్న వయసులోనే మధుమేహం వస్తుంది. సరైన వేళల్లో భోజనం, నిద్ర లేకపోవడం వంటి వాటితో కూడా ఈ సమస్యను ఎదుర్కోవాలి. వంశపారంపర్యంగా కూడా టైప్ 2 మధుమేహం వస్తుంది.

Bedtime Skincare: పడుకునే ముందు ఈ స్కిన్‌కేర్ రొటీన్ ఫాలో అవ్వండి.. చర్మం మెరిసిపోతుంది..

bedtime skincare routine

Bedtime Skincare: పడుకునే ముందు చర్మ సంరక్షణ కోసం కొన్ని జాగ్రత్తలు తీసుకోవాలి. ఈ 7 టిప్స్ పాటిస్తే మెరిసే చర్మం మీ సొంతమవుతుంది. అవేంటో తెల్సుకోండి.

Bay Leaf Tea: సాయంత్రం పూట బిర్యానీ ఆకులతో టీ.. ప్రయోజనాలెన్నో..

bay leaf tea

Bay Leaf Tea: బిర్యానీ ఆకు మసాలా కోసమే కాదు.. దాంతో టీ కూడా చేసుకుని తాగొచ్చు. దానివల్ల అనేక ఆరోగ్య ప్రయోజనాలున్నాయి. దాని తయారీ ఎలాగో, లాభాలేంటో తెల్సుకోండి.

Build Confidence In Kids: పిల్లల్ని అత్యంత ఆత్మ విశ్వాసంతో పెంచడం ఎలాగంటే..

parenting tips

Build Confidence In Kids: పిల్లల్లో ఆత్మవిశ్వాసం పెంచే విషయంలో తల్లిదండ్రుల పెంపకం పాత్ర కీలకం. దానికోసం పేరెంట్స్ తీసుకోవాల్సిన జాగ్రత్తలేంటో తెలుసుకోండి.

Spices For Heart Health: రోజూ వంటలో ఈ వంటింటి మసాలాలు వాడితే.. గుండె ఆరోగ్యం భద్రం..

kitchen spices for heart health

Spices For Heart Health: రోజూవారీ వంటల్లో వాడే కొన్ని మసాలాలు గుండె ఆరోగ్యాన్ని మెరుగుపరుస్తాయి. అవేంటో తెల్సుకుని రోజూ కొద్దిమొత్తంలో అయినా వాడే ప్రయత్నం చేస్తే ఆరోగ్యం మనసొంతం.

<ul><li>Sugar test Mistakes Telugu : షుగర్ టెస్ట్ చేసే సమయంలో చాలా మంది కొన్ని రకాల తప్పులను చేస్తారు. వీటి ద్వారా సరైన ఫలితాలు రావు. ఎలాంటి తప్పులు చేయకూడదో ఇప్పుడు తెలుసుకుందాం..</li></ul>

Telangana Assembly Election Result 2023 Social Media Reaction Live Updates : రేవంత్ రెడ్డి సంచలన ప్రకటన

Congress party wins in telangana

కాంగ్రెస్ పార్టీ తెలంగాణ అసెంబ్లీ ఎన్నికల ఫలితాల్లో దూకుడుగా వెళ్తోంది. ఇప్పటికే చాలా స్థానాల్లో విజయం సాధించింది. మరికొన్ని స్థానాల్లో ఆధిక్యం కొనసాగుతోంది. దీంతో సోషల్ మీడియాలో బీఆర్ఎస్ పార్టీకి వ్యతిరేకంగా విపరీతంగా పోస్టులు పెడుతున్నారు నెటిజన్లు. మరోవైపు కాంగ్రెస్ పార్టీకి, రేవంత్ రెడ్డి శుభాకాంక్షలు చెబుతున్నారు.

కాంగ్రెస్ పార్టీకి ప్రముఖులు శుభాకాంక్షలు చెబుతున్నారు. సోషల్ మీడియా వేదికగా వేదికగా పలువురు అభినందిస్తున్నారు. అయితే రేవంత్ రెడ్డినే సీఎం చేయాలని చాలా మంది పోస్టులు పెడుతున్నారు. సోనియా గాంధీ బర్త్ డేకు రేవంత్ రెడ్డి గిఫ్ట్ ఇచ్చారని అంటున్నారు.

తెలంగాణ ప్రజలంతా కలిసి కాంగ్రెస్‌ను గెలిపించారు.. రాష్ట్రంలో కాంగ్రెస్‌ ప్రభుత్వాన్ని ఏర్పాటు చేయబోతోంది.. పార్టీ గెలవడంలో కార్యకర్తల పాత్ర ఎంతో ఉంది.. రాహుల్‌, ప్రియాంక నేతృత్వంలో ప్రచారం బాగా జరిగింది.. కాంగ్రెస్‌ ఇచ్చిన హామీలను నెరవేరుస్తుంది-థాక్రే

భారత్‌ జోడో యాత్ర ద్వారా రాహుల్‌ స్ఫూర్తి నింపారు.. నేను, సీఎల్పీ నేత భట్టి విక్రమార్క కలిసి పార్టీని ముందుకు నడిపించాం.. సీనియర్‌ నాయకులందరి సహకారంతో కాంగ్రెస్‌ విజయం సాధించింది.. మానవ హక్కులను కాపాడటంలో కాంగ్రెస్‌ ముందు ఉంటుంది.. ప్రజలకు ఇచ్చిన 6 గ్యారంటీలను అమలు చేస్తాం, సీపీఐ, సీపీఎం, టీజేఎస్‌లతో కలిసి ముందుకు వెళ్తాం. కొత్త ప్రభుత్వ ఏర్పాటులో బీఆర్ఎస్‌ సహకరిస్తుందని ఆశిస్తు్న్నాం-రేవంత్‌రెడ్డి

సచివాలయం గేట్లు అందరికి తెరుచుకుంటాయి.. ప్రగతి భవన్‌.. డాక్టర్‌ బీఆర్ అంబేద్కర్‌ భవన్‌గా మారుతుంది.. ప్రగతి భవన్‌ కాదు.. ఇకపై అది ప్రజా భవన్‌.. ఏ సమస్యలు వచ్చినా నైతికంగా అండగా ఉన్న రాహుల్‌ గాంధీకి ప్రత్యేక కృతజ్ఞతలు-రేవంత్‌ రెడ్డి

తెలంగాణ ఎన్నికల ఫలితాలపై ఆర్జీవీ సంచలన ట్వీట్ చేశారు. చాలా రోజుల తర్వాత కాంగ్రెస్ గెలవడంపై సోనియా, రాహుల్ కు అభినందనలు చెప్పారు. తెలంగాణకు కాబోయే సీఎం రేవంత్ రెడ్డి అంటూ ట్వీట్ చేశారు.

తెలంగాణ అసెంబ్లీ ఎన్నికల ఫలితాలపై కేటీఆర్ స్పందించారు. వరుసగా రెండు పర్యాయాలు ప్రభుత్వాన్ని ఇచ్చిన తెలంగాణ ప్రజలకు కృతజ్ఞతలు తెలిపారు. 'ఈరోజు ఫలితం గురించి బాధపడలేదు, కానీ అది మాకు ఆశించిన స్థాయిలో లేకపోవడంతో నిరాశ చెందాం. తిరిగి పుంజుకుంటాం. ఎన్నికల్లో విజయం సాధించిన కాంగ్రెస్ పార్టీకి అభినందనలు. మీకు శుభం జరగాలని కోరుకుంటున్నాను' అని కేటీఆర్ ట్వీట్ చేశారు.

తెలంగాణ అసెంబ్లీ ఎన్నికల ఫలితాల్లో కాంగ్రెస్ పార్టీ దూసుకెళ్తోంది. దీంతో సోషల్ మీడయాలో రేవంత్ రెడ్డికి పెద్ద ఎత్తున శుభాకాంక్షలు చెబుతున్నారు. దొరల పాలనకు వ్యతిరేకంగా రేవంత్ రెడ్డి పోరాడం చాలా గొప్పదని అంటున్నారు. తెలంగాణకు కాబోయే సీఎం రేవంత్ రెడ్డి అని సోషల్ మీడియాలో పోస్టులు పెడుతున్నారు.

కాంగ్రెస్‌కు తెలంగాణ‌లో ఇదే అతి పెద్ద గెలుపు

<ul><li>తెలంగాణ ప్రాంతంలో కాంగ్రెస్‌కు ఇదే అతిపెద్ద గెలుపు. నాటి నుంచి నేటి వరకు కాంగ్రెస్ గెలుపోటములపై విశ్లేషణ.</li></ul>

సీఎం కుర్చీ ఎవరిది? రేవంత్‌కు పగ్గాలు దక్కుతాయా?

who will be the cm for telangana

<ul><li>తెలంగాణ అసెంబ్లీ ఎన్నికల్లో కాంగ్రెస్ విజయం ఖరారైంది. ఇక ఆ పార్టీ నుంచి సీఎం కుర్చీ ఎవరికి దక్కనుంది? అధిష్టానం రేవంత్‌కే మొగ్గుచూపుతుందా?&nbsp;</li></ul>

ప్రభుత్వ వ్యతిరేకతే బీఆర్ఎస్ పుట్టి ముంచింది.. ఈ 8 అంశాలే కారణం

telangana assembly elections

<ul><li>తెలంగాణ అసెంబ్లీ ఎన్నికల్లో అధికార పార్టీ ఓడిపోవడానికి కారణాలు ఇక్కడ తెలుసుకోండి.</li></ul>

Medchal Crime : అద్దె ఇంట్లో డ్రగ్స్ తయారీ, సోషల్ మీడియా ద్వారా విక్రయం-సూరారంలో ముఠా అరెస్ట్

<ul><li>Medchal Crime : సూరారంలో ఓ ఇల్లు అద్దెకు తీసుకుని డ్రగ్స్ తయారు చేస్తు్న్న ముఠాను పోలీసులు అరెస్టు చేశారు. నిందితుల నుంచి రూ.50 లక్షల విలువ చేసే డ్రగ్స్ స్వాధీనం చేసుకున్నారు.</li></ul>

<ul><li>Telangana Assembly Election Result 2023 Social Media Reaction : తెలంగాణలో కాంగ్రెస్ పార్టీ స్పష్టమైన మెజార్టీతో దూసుకెళ్తోంది. 60కి పైగా స్థానాల్లో హస్తం జోరు చూపిస్తోంది. దీంతో సోషల్ మీడియాలో పెద్ద ఎత్తున కాంగ్రెస్ పార్టీకి శుభాకాంక్షలు వెల్లువెత్తుతున్నాయి.</li></ul>

BRS Party : బీఆర్ఎస్ పార్టీ ఓటమికి ప్రధాన కారణాలివే

తెలంగాణ అసెంబ్లీ ఎన్నికల ఫలితాలు(Telangana Assembly Election Result) ఆసక్తిని రేపుతున్నాయి. ఎగ్జిట్ పోల్స్ చెప్పినట్టుగానే కాంగ్రెస్ పార్టీ ఆధిక్యం దిశగా దూసుకెళ్తోంది. అధికార బీఆర్ఎస్ పార్టీని ప్రజలు స్పష్టంగా తిరస్కరించారు. చాలా చోట్ల బీఆర్ఎస్ అభ్యర్థులకంటే కాంగ్రెస్ పార్టీ అధిక మెజార్టీతో ఉంది. నిరుద్యోగుల్లో వ్యతిరేకత, రైతులు, ఉద్యోగులు.., ఇలా చాలా వర్గాల నుంచి మద్దతు పొందడలో గులాబీ పార్టీ విఫలమైంది. దీంతో కాంగ్రెస్ పార్టీకి ప్లస్ అయింది.

నిరుద్యోగుల విషయంలో బీఆర్ఎస్ పార్టీ చాలా నష్టపోయింది. వారిని మెప్పించడంలో కేసీఆర్ విఫలమయ్యారు. ఉద్యోగాలు వస్తాయని హామీ ఇచ్చిన ప్రభుత్వం.. సరిగా నెరవేర్చలేకపోయింది. ఈ విషయాన్ని ప్రతిపక్షాలు సైతం జనంలోకి బాగా తీసుకెళ్లాయి. నోటిఫికేషన్ల విషయంలోనూ గందరగోళం నెలకొనడం, టీఎస్పీఎస్సీ పేపర్ లీక్, గ్రూప్స్ వాయిదా, సరిగ్గా ఎన్నికలకు ముందు నిరుద్యోగిని ప్రవళిక ఆత్మహత్య చేసుకోవడం.. నిరుద్యోగుల్లో కోపానికి కారణమైంది.

బీఆర్ఎస్ ఎమ్మెల్యే టికెట్స్ కేటాయింపుల్లోనూ స్ట్రాటజీ ప్లే చేయడంలో విఫలమైంది. గతంలో పీకే లాంటి రాజకీయ వ్యూహకర్తతో భేటీ సమయంలోనూ ఈ విషయం చర్చకు వచ్చింది. దాదాపు 40కిపైగా అభ్యర్థులను మార్చాల్సి ఉండేది. కానీ కేసీఆర్ మెుండి ధైర్యంతో ముందుకు వెళ్లారు. సిట్టింగులపై ఉన్న వ్యతిరేకత కాంగ్రెస్ పార్టీకి ప్లస్ అయింది. కింది స్థాయి నేతల అరాచకాలు కూడా పార్టీకి గట్టి దెబ్బ తగిలేలా చేసిందనె చెప్పొచ్చు.

హుజురాబాద్ ఉప ఎన్నిక సందర్భంగా తీసుకొచ్చిన దళిత బంధు విషయంలోనూ ప్రభుత్వం వ్యతిరేకత ఎదుర్కోవలసి వచ్చింది. ఎందుకంటే ఈ పథకంలో నేతలు ఎక్కువగా తలదూర్చారు. కావాల్సిన వాళ్లకే ఇప్పించుకున్నారు. దీంతో మిగిలిన వారిలో ఆగ్రహానికి కారణమైంది.

కాళేశ్వరం లాంటి ప్రాజెక్టు విషయంలోనూ బీఆర్ఎస్ పార్టీ వ్యతిరేకతను ఎదుర్కోవలసి వస్తుంది. దేశం మెుత్తం కాళేశ్వరం ప్రాజెక్టు గురించి గొప్పగా చెప్పుకుంటుందని బీఆర్ఎస్ సర్కారు చెప్పుకొచ్చింది. తెలంగాణలో నీటి కరవు ఉండకూడదని పేర్కొంది. కానీ ఇందులో అవినీతి ఎక్కువగా జరిగిందని ప్రతిపక్షాలు జనంలోకి తీసుకెళ్లడంలో సక్సెస్ అయ్యయాయి. అంతేకాదు ఎన్నికల ముందు ఈ ప్రాజెక్టులోని మేడిగడ్డ బ్యారేజ్ కుంగిపోవడం కూడా గులాబీ పార్టీకి మైనస్ అయింది.

ఇక ముఖ్యంగా చెప్పుకోవాల్సిన మరో విషయం ఏంటంటే.. డబుల్ బెడ్రూం ఇళ్లు. బీఆర్ఎస్ ప్రభుత్వం ఏర్పడిన తర్వాత ఈ పథకం గురించి గొప్పగా చెప్పింది. కానీ హైదరాబాద్ లాంటి పట్టణాల్లో మాత్రమే.. కొన్ని చోట్ల ఈ పథకం అమలైంది. క్షేత్రస్థాయిలోకి వెళితే.. పెద్దగా కనిపించలేదు. కొన్ని చోట్ల ఇచ్చినా.. జనాలు మాత్రం వాటితో సంతృప్తి చెందలేదు. ఇది కూడా ఆగ్రహానికి కారణమైంది.

ధరణి పోర్టల్‍ ద్వారా ఏదో చేయాలనుకుంది ప్రభుత్వం. కానీ దీని కారణంగా ప్రభుత్వంపై వ్యతిరేకత పెరిగింది. ధరణి పోర్టల్ తో చాలామంది రైతులు నష్టపోయారు. భూస్వాములకే ఇది ఎక్కువగా ఉపయోగపడిందని విమర్శలు పెద్ద ఎత్తున ఉన్నాయి. ఇందులో చాలా లొసుగులు ఉన్నాయని ప్రతిపక్షాలు విమర్శలు చేశాయి. ఈ విషయం జనాల్లోకి బాగా వెళ్లింది.

ఇసుక మాఫియాపై కూడా జనాల్లో వ్యతిరేకత ఉంది. సిరిసిల్లలో జరిగిన ఘటన అప్పట్లో సంచలనమైంది. ఆ తర్వాత కూడా ఇసుక దందా యథేచ్ఛగా సాగింది. కొన్ని ఊర్లలో ఈ ఇసుక దందా కారణంగా రోడ్లు అధ్వానంగా మారాయి. ప్రభుత్వాన్ని తిట్టడం మెుదలుపెట్టారు జనాలు.

దళిత బంధు తరహాలో బీసీ బంధు ప్రవేశపెడతామన్న విషయం పెద్దగా సక్సెస్ కాలేదు. ఇది మాటల వరకే పరిమితమయ్యే సరికి జనాలు కూడా బీఆర్ఎస్ పార్టీని లైట్ తీసుకున్నారు.

అమరవీరుల కుటుంబాల్లోనూ గులాబీ పార్టీపై చాలా వ్యతిరేకత వచ్చింది. కొంతమందిని మాత్రమే దగ్గరకు తీసుకోవడం, చాలామందికిని పట్టించుకోకపోవడం బీఆర్ఎస్ పార్టీకి మైనస్ అయిందనే చెప్పవచ్చు. ఈ విషయాన్ని ప్రతిపక్షాలు జనాల్లోకి సరిగా తీసుకెళ్లాయి.

తెలంగాణ అంటే కుటుంబ పాలన అనే విధంగా జనాల్లోకి వెళ్లింది. కేసీఆర్, కేటీఆర్, హరిష్ రావు, కవిత, సంతోష్.. తప్ప వేరేవారు కనిపించకపోవడం కూడా బీఆర్ఎస్ కు పెద్ద దెబ్బ. ఎమ్మెల్యేలకు స్వేచ్ఛ లేకపోవడం కూడా ప్రజ ఆగ్రహానికి కారణమైంది.

ఇంకో ముఖ్యమైన విషయం ఏంటంటే.. తెలంగాణ రాష్ట్ర సమితిని.. భారత రాష్ట్ర సమితిగా మార్చడం కూడా కలిసి రాలేదు. తెలంగాణ ఆత్మగౌరవం అంటూ టీఆర్ఎస్ పార్టీ ఏర్పడింది. కానీ దేశ రాజకీయాలంటూ కేసీఆర్ బీఆర్ఎస్‍గా మార్చడంతో గ్రాఫ్ పడిపోయింది.

బీజేపీతో రహస్య ఒప్పందం ఉందని కూడా జనాలకు అర్థమైంది. ఎన్నికల ముందు బీజేపీ రాష్ట్ర అధ్యక్షుడిని మార్చడం, ఎన్నికల ప్రచారంలో బీజేపీ బీఆర్ఎస్ మీద పెద్దగా మాటల దాడి చేయకపోవడంతో ప్రజలు.. బీఆర్ఎస్-బీజేపీ ఒక్కటేనని అనుకున్నారు. ఈ విషయాన్ని కాంగ్రెస్ పార్టీ సరిగా జనాల్లోకి తీసుకెళ్లింది. ఇలా చాలా కారణాలతో బీఆర్ఎస్ పార్టీ అధికారం కోల్పోవలసి వచ్చింది.

<ul><li>Telangana Assembly Election Result: తెలంగాణ అసెంబ్లీ ఎన్నికల ఫలితాల్లో కాంగ్రెస్ పార్టీ జోరు చూపిస్తోంది. బీఆర్ఎస్ పార్టీకి గట్టి షాక్ తగిలింది. గులాబీ పార్టీ ఓడిపోవడానికి పలు కారణాలు ఉన్నాయి.</li></ul>

White Lung Syndrome : వైట్ లంగ్ సిండ్రోమ్ అంటే ఏంటి? లక్షణాలివే

White Lung Syndrome

White Lung Syndrome Symptoms : అమెరికాలోని ఒహియోలో ఇటీవలి నెలల్లో దాదాపు 150 న్యుమోనియా కేసులు నమోదయ్యాయి. ప్రపంచ ఆరోగ్య సంస్థ నివేదిక ప్రకారం, ఈ కేసులు పిల్లలలో మాత్రమే ఎక్కువగా ఉన్నాయి. రోగుల సగటు వయస్సు 8 సంవత్సరాలుగా ఉంది. ఆగస్టు నుంచి ఇప్పటి వరకు చాలా కేసులు నమోదవగా, ఈ అంశం ఇప్పుడు ప్రపంచ వ్యాప్తంగా భయాందోళనలకు గురి చేస్తోంది. కోవిడ్ మహమ్మారి వంటి మరో విపత్తు భయంతో చాలా మంది భయపడుతున్నారు. చైనాలోనూ ఇలాంటి కేసులు ఉన్నాయని అంటున్నారు.

ఈ వ్యాధిని వైట్ లంగ్ సిండ్రోమ్ అని పిలుస్తారు. చైనా ప్రభుత్వం అనేక వ్యాధుల కలయికగా ప్రకటించింది. ఈ వ్యాధులలో ఇన్‌ఫ్లుఎంజా, SARS-CoV-2 (Covid-19), RSV, మైకోప్లాస్మా న్యుమోనియా ఉన్నాయి. చైనాలోని బీజింగ్‌లో ఇలాంటి కేసులు ఎక్కువగా ఉన్నాయి. బీజింగ్‌లోని పిల్లల ఆసుపత్రిలో చాలా మంది పిల్లలు చేరారు. పిల్లల ఆసుపత్రులలో శ్వాసకోశ వ్యాధి కేసులపై చైనా ప్రభుత్వం నుండి మరింత సమాచారాన్ని కోరింది ప్రపంచ ఆరోగ్య సంస్థ.

చైనాలో రహస్యమైన న్యుమోనియా వ్యాప్తి అనేక మందిని భయపెడుతుంది. ఆరోగ్య సంస్థలు దేనికైనా సిద్ధంగా ఉండాలని ప్రభుత్వాలను హెచ్చరిస్తున్నాయి. ఇటీవలి నివేదికల ప్రకారం, వైట్ లంగ్ సిండ్రోమ్ ప్రపంచవ్యాప్తంగా విస్తరిస్తోంది.

వైట్ లంగ్ సిండ్రోమ్ అనేది తెల్లటి పాచెస్ కనిపించడం ద్వారా న్యుమోనియా తీవ్రమైన రూపాన్ని తెలుపుతుంది. ఈ పదం ఒక నిర్దిష్ట వ్యాధిని సూచిస్తున్నప్పటికీ, ఇది వాస్తవానికి అనేక వ్యాధుల లక్షణాలతో ఉంటుందని గమనించాలి. వైట్ లంగ్ సిండ్రోమ్ నిర్దిష్ట లక్షణాలు వ్యక్తిని బట్టి మారుతూ ఉంటాయి. అయితే కొన్ని సాధారణ లక్షణాలు ఉన్నాయి.

దగ్గు : ఇది సాధారణంగా పొడి దగ్గు, ఇది చాలా నిరంతరంగా ఉంటుంది.

జ్వరం : ఇది తేలికపాటి నుండి ఎక్కువ వరకు ఉంటుంది.

శ్వాస తీసుకోవడంలో ఇబ్బంది : ఇది తీవ్రంగా ఉంటుంది. ఈ సమస్య వచ్చినట్లయితే మీరు వెంటనే వైద్యుడిని సంప్రదించాలి.

ఛాతీ నొప్పి : ఇది కాస్త ఉండవచ్చు. శ్వాస తీసుకోవడంతో తీవ్రమవుతుంది.

అలసట : ఇది తీవ్రమైనది. రోజువారీ కార్యకలాపాలను నిర్వహించడం కష్టతరం చేస్తుంది.

<h3>చికిత్స</h3>వైట్ లంగ్ సిండ్రోమ్ చికిత్స దాని వ్యక్తుల ఆరోగ్య పరిస్థితిపై ఆధారపడి ఉంటుంది. కొన్ని సందర్భాల్లో యాంటీ బాక్టీరియల్ లేదా యాంటీవైరల్ మందులను తీసుకోవచ్చని వైద్యులు చెబుతున్నారు. మరింత తీవ్రమైన సందర్భాల్లో, ఆక్సిజన్ థెరపీ లేదా కృత్రిమ శ్వాసక్రియ అవసరం కావచ్చు. ఈ చిట్కాలను అనుసరించడం ద్వారా మీరు వైట్ లంగ్ సిండ్రోమ్, ఇతర శ్వాసకోశ వ్యాధుల నుండి మిమ్మల్ని మీరు రక్షించుకోవచ్చు.

<ul><li>White Lung Syndrome In Telugu : కొన్ని కొత్త కొత్త వ్యాధులు జనాలను భయపెడుతుంటాయి. తాజాగా వైట్ లంగ్ సిండ్రోమ్‍పై ఎక్కువగా చర్చ జరుగుతోంది. ఇంతకీ ఈ వ్యాధి ఏంటి? లక్షణాలు ఎలా ఉంటాయి?</li></ul>

Barrelakka Election Result : బాధలో బర్రెలక్క.. సోషల్ మీడియా వరకే పరిమితమైన జోష్!

Barrelakka Sirisha

తెలంగాణ అసెంబ్లీ ఎన్నికల(Telangana Assembly Election) సందర్భంగా ఎక్కువగా మారుమోగిన పేరు బర్రెలక్క అలియాస్ కర్నె శిరీష(Karne Sirisha). ప్రభుత్వం నొటిఫికేషన్స్ వేయడం లేదంటూ.. అందుకే బర్రెలు కొనుక్కున్నానని ఓ వీడియో చేశారు. ఆ తర్వాత బాగా వైరల్ అయింది. దీంతో ఆమెపై కేసు కూడా నమోదైంది. కోర్టుల చుట్టూ తిరుగుతూ ఉంది. మానసికంగా ఎన్నో ఇబ్బందులు ఎదుర్కొంది. దీంతో ఆమెకు సన్నిహితుల నుంచి వచ్చిన సలహా.. అసెంబ్లీ ఎన్నికల్లో నామినేషన్ వేయమని.

అయితే ఆమె ధైర్యంగా నామినేషన్ వేసి.. జనంలోకి వెళ్లింది. గెలుపుపై ధీమా వ్యక్తం చేసింది. కొందరు ఎన్ఆర్ఐలు సైతం ఆమెకు మద్దతు ఇచ్చారు. ఆర్థిక సాయం చేశారు. తెలంగాణలోని చాలా ప్రాంతాల నుంచి కొంతమంది వెళ్లి.. ఆమెకు సపోర్ట్ ఇచ్చారు. సోషల్ మీడియాలో మాత్రం విపరీతమైన బజ్ క్రియేట్ అయింది. కొల్లాపూర్ నుంచి బర్రెలక్క(Kollapur Barrelakka) గెలుస్తుందనేంతగా ప్రచారం జరిగింది. కానీ రియాలిటీలోకి వచ్చేసరికి మాత్రం పరిస్థితి వేరుగా ఉంది. బర్రెలక్క గెలుపు అనేది మాత్రం చాలా కష్టం.

ఈసారి ఎన్నికల్లో పలువురు స్వతంత్ర అభ్యర్థులు జోరుగా ప్రచారం చేశారు. బర్రెలక్క మాత్రం అందరికంటే ఎక్కువగా హాట్ టాపిక్ అయ్యారు. ప్రధాన పార్టీల అభ్యర్థులు కూడా కంగారు పడాల్సిన పరిస్థితి ఏర్పడింది. ఈ క్రమంలోనే బర్రెలక్క తమ్ముడిపై దాడి జరిగింది. దీనిని అందరూ ఖండించారు. ఆమె గెలుస్తుందనే భయంతోనే ఇలా చేస్తున్నారని తెలంగాణలో చాలా మంది మండిపడ్డారు.

ప్రచారంలోనూ ఎక్కడా తగ్గకుండా నిరుద్యోగుల తరఫున వేసిన నామినేషన్ అని చెప్పుకొచ్చారు కర్నె శిరీష అలియాస్ బర్రెలక్క. కానీ ఫలితాలు చూసేసరికి మాత్రం వేరేలా ఉంది. ముందుగా జరిగిన పోస్టల్ బ్యాలెట్ ముందు వరుసలోనే నిలిచారు. తర్వాత ఫలితాల్లో మాత్రం చాలా వెనక ఉన్నారు. కాంగ్రెస్ నుంచి బరిలోకి దిగిన మాజీ మంత్రి జూపల్లి కృష్ణరావు దూసుకెళ్లారు.

నిజానికి కొల్లాపుర్ నియోజకవర్గంలో బీఆర్ఎస్, కాంగ్రెస్, బీజేపీ ప్రత్యర్థుల కంటే బర్రెలక్కకు ఎక్కువ పాపులారిటీ వచ్చింది. కానీ అవి ఓట్ల రూపంలో మాత్రం రాలేదు. బయటి నియోజకవర్గాల నుంచి మాత్రమే ఎక్కువ మంది మద్దతు ఇచ్చారు. సొంత నియోజకవర్గంలో బర్రెలక్కకు సరైన మద్దతు లభించలేదు. దీంతో ఆమె అభిమానులు భాదను వ్యక్తం చేస్తున్నారు. నిజానికి బర్రెలక్క నామినేషన్‍తో చాలామందిలో చైతన్యం వచ్చింది. కానీ ఓట్లు దగ్గరకు వచ్చేసరికి మాత్రం.. తారుమారైంది.

ఈ నియోజకవర్గంలో గతంలో స్వతంత్ర అభ్యర్థులుగా పోటీ చేసి గెలిచిన వారూ ఉన్నారు. 1967లో నర్సింహారెడ్డి, 1972లో రంగదాసు, 2004లో జూపల్లి కృష్ణారావు గెలిచారు. కానీ బర్రెలక్కకు మాత్రం అదృష్టం కలిసి వచ్చినట్టుగా కనిపించడం లేదు. వచ్చే ఎన్నికల్లో ఆమె పోటీలో ఉంటందో.. లేదో చూడాలిక..

<ul><li>Barelakka Election Result : రాజకీయాలు వేరు.. సోషల్ మీడియాలో వచ్చిన ఫేమ్ వేరు అని మరోసారి నిరూపితమైంది. నిరుద్యోగుల తరఫున కొల్లాపూర్ నియోజకవర్గంలో నామినేషన్ వేశారు బర్రెలక్క. ఆమెకు చాలా మంది మద్దతు తెలిపారు. కానీ రియాలిటీ వేరుగా ఉంది.</li></ul>

Telangana Assembly Elections : గ్రేటర్ హైదరాబాద్‍ పరిధిలో బీఆర్ఎస్ పార్టీ ముందంజ..

Telangana Assembly Elections

తెలంగాణ అసెంబ్లీ ఎన్నికల ఫలితాలు ఆసక్తిని రేపుతున్నాయి. కాంగ్రెస్ పార్టీ జోరు మీద ఉంది. మ్యాజిగ్ ఫిగర్ కంటే ఎక్కువ స్థానాల్లో దూసుకెళ్తోంది. బీఆర్ఎస్ కచ్చితంగా గెలుస్తాం అనుకున్న స్థానాల్లోనూ వెనకంజలోనే ఉంది. కొన్ని నియోజకవర్గాల్లో మాత్రం బీఆర్ఎస్ ముందు వరుసలో కొనసాగుతోంది. ఇక హైదరాబాద్ విషయం చూసుకుంటే.. కారు జోరు నడుస్తోంది. హైదరాబాద్ పరిధిలోని నియోజకవర్గాల్లో అత్యధిక స్థానాల్లో గులాబీ పార్టీ హవా నడుస్తోంది.

హైదరాబాద్ పరిధిలోని స్థానాల్లో బీఆర్ఎస్ పార్టీ 9, ఎంఐఎం 6, కాంగ్రెస్ ఒక స్థానంలో ముందంజలో ఉంది. ముషీరాబాద్, అంబర్ పేట్, జూబ్లీహిల్స్, సనత్ నగర్, గోషామహల్, సికింద్రాబాద్, కంటోన్మెంట్, నియోజకవర్గాల్లో గులాబీ పార్టీ ముందు వరుసలో ఉంది. మూడో రౌండ్ ముగిసేసరికి ఖైరతాబాద్‍లో బీజేపీ అభ్యర్థి రామచంద్రారెడ్డి ముందులో వరుసలో ఉన్నారు.

నిజానికి హైదరాబాద్ పరిధిలో ఓటర్లు ఓటు వేసేందుకు పెద్దగా ఆసక్తి చూపలేదు. చాలా తక్కువ పోలింగ్ నమోదైంది. హైదరాబాద్ జిల్లాలో పోలింగ్ శాతం 46.56 మాత్రమే ఉంది. ఇది 2018లో గత అసెంబ్లీ ఎన్నికల సమయంలో నమోదైన 50.31 శాతం కంటే తక్కువ.

హైదరాబాద్ పరిధిలోని నియోజక వర్గాల్లోని పెద్ద సంఖ్యలో పోలింగ్ స్టేషన్‌ ఉన్నా.. ఓటర్లు ఓటు వేసేందుకు ఇంట్రస్ట్ చూపించలేదు. దీనిపై సోషల్ మీడియాలోనూ పెద్ద ఎత్తున విమర్శలు వచ్చాయి. హాలీడే ఇచ్చింది ఓటు వేసేందుకు ఎంజాయ్ చేసేందుకు కాదంటూ మీమ్స్ వచ్చాయి. హైదరాబాద్ లో నివసిస్తున్న వారు దూర ప్రాంతాలకు వెళ్లి.. ఓటు వేస్తున్నారని, ఇక్కడ ఉన్న వాళ్లకు ఏమైందని చాలా మంది విమర్శించారు.

హైదరాబాద్ లో ఓటింగ్ శాతం చూసుకుంటే.. అంబర్‌పేట్‌లో 50.52, బహదూర్‌పురా - 44.86, చాంద్రాయణగుట్టలో 45, చార్మినార్‌లో 41.45, గోషామహల్‌లో 54.93, జూబ్లీహిల్స్‌లో 45.2, కార్వాన్‌లో 46.50, మలక్‌పేట్‌లో 46.50 - సనత్‌నగర్ - 50.74, సికింద్రాబాద్ - 49.60 శాతంగా నమోదైంది. మెుత్తంగా 50 శాతం కూడా ఇక్కడ పోలింగ్ జరగలేదు. ఇది పార్టీల గెలుపుపై ప్రభావం ఎక్కువగా చూపింది.

<ul><li>Telangana Assembly Election Results : తెలంగాణ అసెంబ్లీ ఎన్నికల ఫలితాల ఓట్ల లెక్కింపు కొనసాగుతోంది. ఎగ్జిట్ పోల్స్ చెప్పినట్టుగానే రాష్ట్ర వ్యాప్తంగా కాంగ్రెస్ జోరు నడుస్తోంది. అయితే హైదరాబాద్‍లో మాత్రం బీఆర్ఎస్ పార్టీ ముందంజలో ఉంది.</li></ul>

Weight Loss With Dosa : దోస తింటే సులువుగా బరువు తగ్గొచ్చని తెలుసా?

Weight Loss With Dosa

రుచితో ఆరోగ్యాన్ని మిళితం చేసే ఆహారంలో దోస ఒకటి. దోస అనేది చాలా ప్రసిద్ధి చెందిన వంటకం. వివిధ ఆరోగ్య ప్రయోజనాలు కలిగేలా దోసను జాగ్రత్తగా తయారుచేసినప్పుడు బరువు తగ్గించే ప్రయాణంలో చాలా సహాయకారిగా ఉంటుంది. అధిక బరువు తగ్గాలనుకునే వారికి దోస ఎలా గొప్ప ఎంపికగా ఉంటుందో మీరు తెలుసుకోవచ్చు.

దోసలో సహజంగా కేలరీలు తక్కువగా ఉంటాయి, బరువు తగ్గే సమయంలో కేలరీల తీసుకోవడం తగ్గించాలనే లక్ష్యంతో ఉండే వ్యక్తులకు ఇది గొప్ప ఎంపిక.

బియ్యం, మినపప్పుతో తయారు చేయబడిన దోస, గ్లూటెన్ సెన్సిటివిటీ ఉన్నవారికి సహజంగా గ్లూటెన్ రహితంగా ఉంటుంది. అయితే ఇది తేలికగా, మెత్తగా ఉంటుంది.

మినపప్పు, దోస పిండి ప్రధాన పదార్థం, శరీరంలోని ప్రోటీన్ కంటెంట్‌ను పెంచుతుంది. బరువు తగ్గే సమయంలో కండరాల బలాన్ని కాపాడుకోవడానికి ప్రోటీన్ ముఖ్యమైనది.

తక్కువ నూనెను ఉపయోగించడం, ఆరోగ్యకరమైన వంట పద్ధతులను ఎంచుకోవడం లేదా ఆలివ్ ఆయిల్ వంటి గుండె-ఆరోగ్యకరమైన నూనెలను ఎంచుకోవడం ద్వారా మీరు బరువు తగ్గించే విధానాన్ని నిర్ధారించుకోవచ్చు.

దోసలో అవసరమైన పోషకాలు, బి విటమిన్లు, ఐరన్, మెగ్నీషియం వంటి ఖనిజాలు పుష్కలంగా ఉన్నాయి. ఇవి మొత్తం శ్రేయస్సుకు దోహదం చేస్తాయి.

గుండె జబ్బులు, మధుమేహంతో బాధపడేవారు తినే ఆహారాలపై ప్రత్యేక శ్రద్ధ వహించాలి. కొవ్వు తీసుకోవడం తగ్గించాలనుకునేవారికి దోస ఆరోగ్యకరమైన అల్పాహారం. అధిక స్థాయి కొవ్వు గుండె జబ్బులు, ఇతర ఆరోగ్య సమస్యల ప్రమాదాన్ని పెంచుతుంది. దోసలలో సంతృప్త కొవ్వు తక్కువగా ఉంటుంది. వాటిని ఆరోగ్యకరమైన, సురక్షితమైన అల్పాహారంగా మారుస్తుంది.

దోసలు రుచికి మాత్రమే కాకుండా మీ జీర్ణవ్యవస్థకు కూడా మంచివి. బియ్యం, మినపప్పుతో తయారు చేసిన దోస మీ శరీరం సులభంగా జీర్ణం కావడానికి సహాయపడే ఒక గొప్ప అల్పాహారం. దోస రుచి, క్యాలరీల గణనను మార్చడానికి మీరు వోట్స్ లేదా గ్రీన్ రైస్ వంటి కొన్ని ఇతర ఆరోగ్యకరమైన పదార్థాలను భర్తీ చేయవచ్చు. ఆరోగ్యకరమైన ఆహారం, దోస మిమ్మల్ని ఎక్కువసేపు నిండుగా ఉంచుతుంది.

సౌత్ ఇండియన్ ఫుడ్ ఆరోగ్యకరమైనది, రుచికరమైనది. అయితే ఇది తయారుచేసే పద్ధతిపై ఆధారపడి ఉంటుంది. ప్లెయిన్ దోసలో ఎలాంటి అదనపు స్టఫింగ్ ఉండదు. చాలా ఆరోగ్యకరమైనదిగా పరిగణిస్తారు. ఓట్స్, ఇతర ఆరోగ్యకరమైన ధాన్యాలతో చేసిన దోసలో కార్బోహైడ్రేట్లు చాలా తక్కువగా ఉంటాయి. బరువు తగ్గడానికి చాలా సహాయకారిగా ఉంటాయి.

<ul><li>Weight Loss With Dosa In Telugu : బరువు పెరగడం సులభం, బరువు తగ్గడం చాలా కష్టం. అధిక బరువు తగ్గించుకోవడానికి చాలా మంది డైటింగ్‌పై ఆధారపడతారు. బరువు తగ్గడానికి చాలా మంది ఆరోగ్యకరమైన ఇంకా రుచికరమైన ఆహారాన్ని అన్వేషిస్తున్నారు. దోసతో కూడా బరువు తగ్గుతారని తెలుసా?</li></ul>

International Day of Disabled Persons : దివ్యాంగులంటే కేవలం లబ్ధిదారులు మాత్రమే కాదు

International Day of Disabled Persons 2023

అంతర్జాతీయ దివ్యాంగుల దినోత్సవం ప్రతీ ఏడాది డిసెంబర్ మూడో తేదీన జరుపుకుంటారు. ఈ ఏడాది కూడా దివ్యాంగుల దినోత్సవాన్ని ఘనంగా నిర్వహించాలని ఐక్యరాజ్య సమితి సంకల్పించింది. ఈసారి కీలకంగా దివ్యాంగులకు సమాన అవకాశాలు, హక్కులు కల్పించి తద్వారా సమసమాజ స్థాపనలో వారిని భాగస్వామ్యం చేయడం ద్వారా సుస్థిరాభివృద్ధి లక్యాలను సాధించాలని నిర్ణయించిందని డాక్టర్. ఎం కిరణ్ కుమార్, కన్సల్టెంట్ ఆర్థోపెడిక్, మణిపాల్ హాస్పిటల్, విజయవాడ తెలిపారు.

ఐక్యరాజ్య సమితి అంచనాల ప్రకారం ప్రపంచవ్యాప్తంగా సుమారు వంద కోట్లకు పైగా ప్రజలు శారీరక వైకల్యంతో ఇబ్బంది పడుతున్నారని ప్రపంచం గణాంకాలు చెప్తున్నాయి. మన దేశంలో ఇలా వైకల్యంతో బాధపడుతున్న వారు 2021 గణాంకాల ప్రకారం 2.6 కోట్లకు పైగా ఉన్నారు. నిజానికి ఇది ఆస్ట్రేలియా దేశంలోని మొత్తం జనాభాతో సమానం అని చెప్పవచ్చు. అయితే ఇంత జనాభా ఉన్న మన దేశంలో దివ్యాంగులు ఇతరులకు ఏవిధంగా కూడా తీసిపోకుండా తమ శక్తి సామర్థ్యాలను ప్రదర్శిస్తున్నారు. ఇలాంటి క్రమంలో వారి భాగస్వామ్యం చాలా కీలకమైందని డాక్టర్ ఎం కిరణ్ కుమార్ తెలిపారు. రానున్న రోజుల్లో వారి హక్కులు, క్రియాశీలక భాగస్వామ్యాన్ని గుర్తించాల్సి అవసరం ఉందని పేర్కొన్నారు. 2030 నాటికి నిర్దేశించుకున్న సుస్థిరాభివృద్ధి లక్ష్యాలను చేరుకోవడంలో వారి సమష్ఠి పాత్ర కీలకం కానుందని అంచనా వేశారు.

'భారత్ నిర్దేశిత లక్ష్యాలను అధిరోహించడంలో దివ్యాంగుల భాగస్వామ్యం ముఖ్యమనే చెప్పాలి. గతంలో లాగా వారిని కేవలం లబ్ధిదారులుగా మాత్రమే కాకుండా కొత్త చరిత్రకు పునాది వేసే వ్యక్తులకుగా పరిగణించాలి. వారి నైపుణ్యాలను, శక్తి సామర్థ్యాలను వినియోగించుకుని పురోగతి వైపు అడుగులు వేయాలి. తద్వారా వారి ప్రముఖ్యతను నొక్కి చెప్పాలి.' అని డా. కిరణ్ కుమార్ పేర్కొన్నారు.

<h3>తోడ్పాటు అవసరం</h3>2030 నాటికి సుస్థిరాభివృద్ధి లక్ష్యాలను సాధించడంలో దివ్యాంగులకు ప్రభుత్వ తోడ్పాటు ఎంతైనా అవసరం ఉందని చెప్పాలి. వారికి కూడా ఇతరుల వలే సమానావాకాశాలు కల్పించాలి. ముఖ్యంగా మెరుగైన జీవనానికి ఎంతో కీలకం అయిన విద్యా, ఉపాధి, ఆరోగ్యం, సంరక్షణ, సాంకేతికరంగాల్లో వారికి అవకాశాలు ఉండాలి. తద్వారా దివ్యాంగుల సాధికారతకు శ్రీకారం చుట్టాలి. ఇలా చేయడం ద్వారా సమసమాజంలో గుణాత్మక మార్పుకు శ్రీకారం చుట్టిన వ్యక్తులగా నిలుస్తామని డాక్టర్ కిరణ్ చెప్పారు.

<h3>ఎవరిని దివ్యాంగులు అంటారు?</h3>దివ్యాంగులు అని అంగవైకల్యంతో బాధపడుతున్నా వారిని అంటారు. గతంలో అయితే వీరిని వికలాంగులు అని పిలిచేవారు. కానీ వైకల్యం అనేది శరీరానికి తప్ప మనసుకు కాదని గ్రహించిన భారత ప్రభుత్వం వారిని విభిన్న ప్రతిభావంతులు లేదా దివ్యాంగులు అని నామకరణం చేసింది. దివ్యాంగులు అనే పేరును ప్రధాని నరేంద్ర మోదీ 2019లో సూచించారు. అప్పటి నుంచి వారిని దివ్యాంగులు అని సంభోధిస్తున్నారు. అయితే వైకల్యం ఉన్న ప్రతీ ఒక్కరూ దివ్యాంగులా అని అంటే కచ్చతంగా కాదు. కేవలం ఎవరికి అయితే అవయవలోపం 40 శాతానికి పై బడి ఉంటుందో వారిని మాత్రమే పరిగణిస్తారు. వీరికి ప్రత్యేకంగా ఓ సర్టిఫికేట్ ను ప్రభుత్వం అందిస్తుంది.

<ul><li>International Day of Disabled Persons 2023 In Telugu : దివ్యాంగులు అంటే చాలా మందికి చిన్నచూపు. కానీ అన్నీ ఉన్నవారికంటే వారు ఏ మాత్రం తీసిపోరు. డిసెంబర్ 3 అంతర్జాతీయ దివ్యాంగుల దినోత్సవం సందర్భంగా వారి గురించి మాట్లాడుకుందాం..</li></ul>

Anand Sai