Low BP: లోబీపీ వల్ల కూడా ప్రాణనష్టం.. ఈ లక్షణాలతో గుర్తించండి
Low Blood pressure: అకస్మాత్తుగా రక్తపోటు తగ్గితే (లోబీపీ వస్తే) మీకు ఎలా తెలుస్తుంది? శరీరం మైకం, చెమట, అలసట సంకేతాలను చూపిస్తుంది. తక్షణ చికిత్స అందితే పరిస్థితి చేయి దాటిపోకుండా ఉంటుంది.
తక్కువ రక్తపోటు (లోబీపీ) కారణంగా ప్రాణాలు కోల్పోతున్న ఉదంతాలు ఇటీవలి కాలంలో అధిక సంఖ్యలో నమోదవుతున్నాయి. బీపీ పడిపోవడానికి కారణం ఏంటి, ఏం చేయాలో వైద్యుల సలహాలు ఇక్కడ తెలుసుకోండి.
ట్రెండింగ్ వార్తలు
శరీర అవయవాలు సరిగ్గా పనిచేయడానికి తగినంత రక్తం, ఆక్సిజన్ అందుకోలేనప్పుడు ఇది సంభవిస్తుంది. ఇది చాలా తీవ్రమైన పరిస్థితి. వెంటనే చికిత్స చేయించాల్సి ఉంటుంది.
లో బీపీ అంటే
రక్తపోటు మీ శరీరంలో రక్త ప్రసరణపై ఆధారపడి ఉంటుంది. సాధారణ రక్తపోటు 120/80 mmHg ఉండాలి. అప్పుడు సమస్య ఉండదు. శరీర ప్రసరణ సక్రమంగా ఉంటుంది. మన భౌతిక లక్షణాలు కూడా సహజంగానే ఉంటాయి. కానీ సాధారణ రక్తపోటు కంటే తక్కువ రక్తపోటును తక్కువ రక్తపోటు (లో బీపీ) లేదా హైపోటెన్షన్ అంటారు. 90/60 mmHg లేదా అంతకంటే తక్కువ రక్తపోటు స్థాయి లోబీపీగా పరిగణిస్తారు.
లోబీపీ లక్షణాలు
ఆకస్మిక మైకము లోబీపీ యొక్క ప్రధాన లక్షణాలలో ఒకటి. నిరంతర తలనొప్పి కూడా లోబీపీకి సూచన కావొచ్చు. తక్కువ ఆక్సిజన్ స్థాయి కారణంగా ఒక్కోసారి అపస్మారక స్థితి ఏర్పడవచ్చు. మెడ మీద గట్టిగా పట్టుకున్నట్లు అనిపిస్తుంది. ఆ ప్రాంతంలో క్రమరహితమైన నొప్పి కూడా రావొచ్చు. అకస్మాత్తుగా ఊపిరి ఆడకపోవటం, శ్వాస తీసుకోవడంలో ఇబ్బంది వంటి పరిస్థితి కూడా కనిపిస్తుంది. ఇందులోని మరో లక్షణం ఏమిటంటే, శరీరం ఒక్కసారిగా చెమటలు పట్టడం, శరీరంలో వేడి జ్వరంలా పెరిగిపోవడం, అలసిపోయినట్లుగా కుప్పకూలిపోవడం సంభవిస్తుంది. హృదయ స్పందన రేటు పెరుగుతుంది. సక్రమంగా గుండె కొట్టుకోకపోవడం వల్ల అలసట కనిపిస్తుంది. ఆహారం జీర్ణం కాక వికారంగా అనిపిస్తుంది. వాంతులు, వికారం, విపరీతమైన అలసట వల్ల ఏమీ చేయలేని పరిస్థితి ఏర్పడుతుంది. లోబీపీ ఉంటే మూత్ర విసర్జన కూడా తగ్గుతుంది.
లోబీపీ ఉంటే ఏం చేయాలి
లో బీపీ అకస్మాత్తుగా జరగదు. శరీరంలో ఏ సమస్య వచ్చినా బీపీ తగ్గుతుంది. ఇది డీహైడ్రేషన్ మరియు గుండె సంబంధిత సమస్యలను కూడా కలిగిస్తుంది. రక్తస్రావం అయ్యే అవకాశాన్ని కొట్టిపారేయలేము. శరీరంలోని ఏ భాగంలో అయినా మార్పులు సంభవిస్తే రక్తప్రసరణలో తేడా వచ్చి బీపీ పడిపోతుంది. మితిమీరిన ఆలోచనలు, ఒత్తిడితో కూడిన జీవితం బీపీలో హెచ్చుతగ్గులు ఉంటాయి. మధుమేహం వల్ల కూడా ఇది జరగవచ్చు. అలాంటప్పుడు తగిన చికిత్సను ఎట్టి పరిస్థితుల్లోనూ నిర్లక్ష్యం చేయరాదని కావేరీ హృదయ్ మల్టీ స్పెషాలిటీ హాస్పిటల్ అధినేత డాక్టర్ జి.ఆర్.చంద్రశేఖర్ చెబుతున్నారు.
రక్తపోటులో ఆకస్మిక తగ్గుదలకు సరైన చికిత్స అవసరం. ఆ సమయంలో స్వీయ చికిత్స కంటే ఆసుపత్రిని సందర్శించడం మంచిది. ఒక గంటలోపు ఆసుపత్రికి రావడం వల్ల ప్రమాదకర పరిణామాలను నివారించవచ్చు. అక్కడ లో బీపీకి కారణాన్ని గుర్తించి చికిత్స అందిస్తారు. లోబీపీ లక్షణాలు కనిపించడం ప్రారంభించినప్పుడు ఒకవేళ మీ జీవనశైలి అస్తవ్యస్తంగా ఉంటే సరిచేసుకోవాలి. తగిన పోషకాహారం, తగినంత నిద్ర, తేలికపాటి వ్యాయామాలు తప్పనిసరిగా గుర్తించాలి. ఏవైనా వ్యసనాలు ఉంటే వాటిని విడిచిపెట్టాలి.
