Sperm Count: మీ బరువుకు స్పెర్మ్ కౌంట్ తగ్గడానికి సంబంధం ఉందా? మగవారు ఎప్పుడు జాగ్రత్తగా ఉండాలి

సంతానోత్పత్తి చుట్టూ ఎన్నో సమస్యలు, అపోహలు ఉన్నాయి. పురుషుల్లో పునరుత్పత్తి సమస్యలు పెరుగుతున్నాయి. ది జర్నల్ ఆఫ్ న్యూరోసైన్స్ అధ్యయనం ప్రకారం ఊబకాయం అనేది పురుష సంతానోత్పత్తికి శత్రువు అని నిర్ధారించింది. పురుషుల ఊబకాయం సంతానోత్పత్తిని ప్రతికూలంగా ప్రభావితం చేస్తుందని, 'టెస్టోస్టెరాన్ తగ్గడం, స్పెర్మ్ కౌంట్ తగ్గడం, లిబిడో తగ్గడం'తో ముడిపడి ఉందని అధ్యయనాలు చెబుతున్నాయి.

తక్కువ టెస్టోస్టెరాన్ వల్ల

ఎలుకలపై చేసిన ప్రయోగంలో అధిక కొవ్వు ఆహారాన్ని ఎలుకలకు ఇచ్చారు. ఆ తరువాత చేసిన పరిశోధనలో ఇది మెదడు కనెక్షన్లలో దీర్ఘకాలిక మార్పులకు కారణమవుతుందని కనుగొన్నారు. స్థూలకాయం ఆహారం, పునరుత్పత్తి రెండింటినీ నియంత్రించే మెదడు సర్క్యూట్ల మధ్య కమ్యూనికేషన్ ను బలహీనపరుస్తుందని అధ్యయనం చెబుోతంది. ఇది పురుషులలో ఊబకాయం, పునరుత్పత్తి సమస్యల మధ్య సంబంధాన్ని వివరిస్తుంది.

స్థూలకాయం పురుషులలో టెస్టోస్టెరాన్ తగ్గిస్తుందని అందరికీ తెలిసినప్పటికీ, ఇది కండర ద్రవ్యరాశి, జ్ఞానం, పునరుత్పత్తి ఆరోగ్యం వంటి వివిధ విధులను ప్రభావితం చేస్తుంది. తక్కువ టెస్టోస్టెరాన్ స్థాయిలు, స్పెర్మ్ కౌంట్ తగ్గడం, పేలవమైన స్పెర్మ్ నాణ్యతతో బాధపడుతున్న స్థూలకాయ పురుషులలో మెదడులో ఎన్నో మార్పులకు కారణం అవుతుంది.

ఊబకాయం వల్ల మెదడు పునరుత్పత్తి వలయంలో గణనీయమైన మార్పులు సంభవించాయని పరిశోధకులు కనుగొన్నారు. ఊబకాయం బారిన పడిన ఎలుకలలో టెస్టోస్టెరాన్ స్థాయిలు తగ్గడానికి, స్పెర్మ్ కౌంట్ తగ్గడానికి దారితీసింది. ఇదే మనుషుల్లో కూడా జరుగుతుంది.

జాతుల మనుగడకు అవసరమైన పునరుత్పత్తి పనితీరును నియంత్రించే సెల్యులార్ యంత్రాంగాలను గుర్తించడమే ఈ పరిశోధన లక్ష్యమని బయోమెడికల్ సైన్సెస్ అధ్యయనకర్తలు చెబుతున్నారు.

వంధ్యత్వంతో పోరాడుతున్న వ్యక్తులకు ఈ పరిశోధన ఎంతో ముఖ్యమైనది. ప్రస్తుతం, ప్రపంచంలో ప్రతి ఎనిమిది జంటలలో ఒకరు వంధ్యత్వాన్ని అనుభవిస్తున్నారు. పిల్లలను కలిగి ఉండటానికి సహాయక పునరుత్పత్తి సాంకేతికత అవసరం. అంతరించిపోతున్న జాతుల మనుగడకు కూడా ఇది చాలా ముఖ్యం, ఆధునిక వ్యవసాయ పద్ధతుల కారణంగా వ్యవసాయ జంతువులు వంధ్యత్వానికి ఎక్కువగా గురవుతాయి. మానవులు, జంతువులలో పెరుగుతున్న వంధ్యత్వ రేటుకు దోహదం చేసే పరిస్థితులను తగ్గించడానికి కొత్త చికిత్సలు కనిపెట్టడానికి ఇలాంటి అధ్యయనాలు ఉపయోగపడతాయి.

అధిక బరువు బారిన పడకుండా ఉంటే స్పెర్మ్ కౌంట్ తగ్గకుండా ఉంటుంది. ఎప్పుడైతే పొట్ట భాగంలో కొవ్వు పేరుకుపోతుందో అప్పుడు పిల్లలు పుట్టే అవకాశాలు తగ్గిపోతూ ఉంటాయి. కాబట్టి శరీరంలో కొవ్వును ఎంతగా తగ్గించుకుంటే అంత మంచిది.

వీటిని తినండి

స్పెర్మ్ కౌంట్ పెరగడానికి కొన్ని రకాల ఆహారాలను కచ్చితంగా తినాలి. చేపలు అధికంగా తీసుకుంటే మంచిది. వాల్ నట్స్, చియా సీడ్స్, అవిసె గింజలు తింటూ ఉండాలి. ఒమెగా 3 ఫ్యాటీ ఆమ్లాలు అధికంగా ఉండే ఆహారాన్ని తినడం అలవాటు చేసుకోండి. ఇవన్నీ కూడా గర్భధారణ అవకాశాలను పెంచుతాయి.