Weight Loss: ఊబకాయం తగ్గించే దివ్యౌషధం మీ వంటింట్లోనే ఉంది..

శరీరంలో పేరుకుపోయిన కొవ్వును కరిగించడానికి దివ్యమైన ఔషధం మీ వంటింట్లో లభించే అల్లం. అల్లంతో కేవలం బరువు తగ్గడమే కాదు, ఇంకా చాలా ఆరోగ్య ప్రయోజనాలు ఉన్నాయి.

అల్లం యాంటీ ఇన్ఫ్లమేటరీ. అలాగే, ఇందులో యాంటీఆక్సిడెంట్స్ కూడా పుష్కలం.ఈ రెండూ బరువు తగ్గడంలో సహాయపడుతాయి. అల్లంతో రోగనిరోధక శక్తి కూడా పెరుగుతుంది. అల్లం గౌట్ సమస్యను తగ్గిస్తుంది. బహిష్టు నొప్పిని తగ్గిస్తుంది. అలాగే జీర్ణక్రియను మెరుగుపరుస్తుంది.

అల్లాన్ని ప్రతీరోజూ ఆహారంలో భాగం చేసుకోండి. అంతేకాదు,. బరువు తగ్గడం కోసం అల్లాన్ని వివిధరకాలుగా వినియోగించవచ్చు. 

అల్లం రసం - అల్లం రసాన్ని కొంచెం నీటిలో కలపి, ఆ నీటిని తాగవచ్చు. ఖాళీ కడుపుతో ఉదయమే దీన్ని తాగాలి. ఇది బరువు తగ్గడానికి చాలా సహాయపడుతుంది.

అల్లం పొడి - శొంఠి పొడి కాంబినేషన్ బరువు తగ్గడానికి సహాయపడుతుంది. కాబట్టి, కొద్దిగా అల్లం, శొంఠిని వేరువేరుగా ఎండబెట్టి పొడిగా చేసుకుని సిద్ధంగా ఉంచుకోండి. దీన్ని ఆహార పదార్ధాల తయారీలో వాడవచ్చు.

గోరువెచ్చని నీటిలో నిమ్మకాయ రసం, అల్లం రసం కలిపి ఉదయం ఖాళీ కడుపుతో త్రాగాలి. ఇది జీర్ణక్రియలో సహాయపడుతుంది. ఈ పానీయం బరువు తగ్గడానికి కూడా సహాయపడుతుంది.

జలుబు, దగ్గుకు అల్లం చాలా మేలు చేస్తుంది. గోరువెచ్చని నీటిలో నిమ్మరసం, అల్లం రసం, కొద్దిగా తేనెను కలిపి, ఆ నీటిని ఉదయమే  తాగాలి. ఉదయాన్నే ఈ డ్రింక్ తాగితే కొవ్వు తగ్గుతుంది. కానీ గుర్తుంచుకోండి, అల్లాన్ని కూడా అతిగా వినియోగించడం మంచిది కాదు.