Chanakya Niti Telugu : బంధం బలంగా ఉండాలంటే చాణక్యుడు చెప్పిన సూత్రాలివే

చాణక్యుడి సూత్రాలు నేటికీ అంతే అర్థవంతంగా ఉన్నాయి. ఎన్నో ఏళ్లు గడిచినా ఆచార్య చాణక్యుడి మాటలు ఇప్పటికీ పాటించేవారు ఉన్నారు. ఒక వ్యక్తి తన జీవితంలో చాణక్య సూత్రాలను అనుసరిస్తే చాలా రకాల సమస్యలను ఎదుర్కోవచ్చు, వాటి నుండి విముక్తి పొందవచ్చు. కావాల్సిందల్లా మీకు ధైర్యం. చాణక్యుడి చెప్పిన మాటలు పాటిస్తే మీరు కచ్చితంగా జీవితంలో మంచి పొజిషన్ వెళ్తారు.

చాణక్య నీతి ప్రకారం అందరితో సత్సంబంధాలు కలిగి ఉన్న వ్యక్తి ఎలాంటి పరిస్థితినైనా సులభంగా అధిగమిస్తాడు. ఎవరి జీవితంలోనైనా మంచి సంబంధాలు చాలా ముఖ్యమైనవి, మంచి వ్యక్తులతో సంబంధాలను ఎప్పుడూ పాడు చేసుకోవద్దు. సంబంధాల గురించి చాణక్య నీతి చెప్పే విషయాలను పాటించండి.

ఒక వ్యక్తి అందరికీ నచ్చడం అంత సులభం కాదు. ఎందుకంటే ప్రతీ వ్యక్తికి ఒక్కో విధమైన ఆలోచన విధానం ఉంటుంది. దానిప్రకారం ఇతరులకు నచ్చకుండా ఉండవచ్చు. అయితే ఏదైనా బంధాన్ని కుయుక్తితో నిర్మించుకోకూడదు. అబద్ధాలు, మోసంతో నిర్మించబడిన సంబంధాలు కొనసాగవు. త్వరలో అటువంటి సంబంధంలో నిజం బయటకు వస్తుంది. దీని కారణంగా సంబంధం విచ్ఛిన్నమవుతుంది. అందువల్ల సంబంధం ఎల్లప్పుడూ ప్రేమ, నమ్మకంపై నిర్మించబడాలి. అప్పుడే జీవితాంతం ఉంటుంది.

చాణక్య సూత్రాల ప్రకారం వాక్కులో మధురంగా, ప్రవర్తనలో సౌమ్యంగా ఉండే వ్యక్తి అందరికీ ఇష్టమైనవాడు. మధురమైన మాటలకు అత్యంత కఠినమైన మనసులను కూడా మార్చే శక్తి ఉంది. ప్రవర్తన ఎల్లప్పుడూ సరిగ్గా ఉండాలి. అందరితో మధురంగా మాట్లాడాలి. కోపంతో మాట్లాడితే సంబంధం పాడవుతుంది. మిమ్మల్ని ఎంతగానో ప్రేమించిన వ్యక్తి కూడా మీ పక్కకు రారు.

అహంకారం అనేది చాలా చెడ్డ గుణం. ఇది మంచి సంబంధాన్ని కూడా విచ్ఛిన్నం చేయడానికి ఎక్కువ సమయం పట్టదు. ఈ ఒక్క కారణంగానే చాలా సంబంధాలు తెగిపోతాయి. చాణక్య నీతి ప్రకారం, ఒక వ్యక్తి ఎప్పుడూ గర్వపడకూడదు. అది సంబంధాన్ని విచ్ఛిన్నం చేస్తుంది. బంధంలో కొన్నిసార్లు తగ్గి ఉండాలి. ఒకరికి ఒకరు విలువ ఇచ్చిపుచ్చుకోవాలి. నేనే ఎక్కువ అనే అహంకారం వస్తే.. తర్వాత మీరు ఎంత ప్రయత్నించినా బంధం నిలవదు.

పరస్పర గౌరవం ఉన్నంత వరకు ఏదైనా సంబంధం బాగుంటుంది. ప్రతి సంబంధంలో గౌరవాన్ని కాపాడుకోవడం చాలా ముఖ్యం. కోపంతో ఒకరి మనోభావాలను ఎప్పుడూ గాయపరచవద్దు. అహంకారాన్ని వదిలిపెట్టి.. అందరినీ గౌరవించే వ్యక్తికి అందరి మద్దతు లభిస్తుంది. మీకంటే చిన్నవాళ్లైనా వారికి గౌరవం ఇస్తేనే వారు మీకు గౌరవం ఇస్తారు. ఆ బంధం ఎక్కువ రోజులు నిలుస్తుంది. ఇలా చాణక్య నీతి బంధం గురించి చాలా విషయాలు చెప్పింది. ఆచార్య చాణక్యుడు చెప్పిన ఈ మాటలు పాటిస్తే జీవితంలో సంతోషంగా ఉండొచ్చు.