Harish Shankar: హరీష్ శంకర్ చెబితేనే ఆ హీరోయిన్‌ను తీసుకున్నాం: రవితేజ మిస్టర్ బచ్చన్ నిర్మాత
TG Vishwa Prasad About New Heroine Bhagyashri Borse: డైరెక్టర్ హరీష్ శంకర్ చెప్పడం వల్లే కొత్త హీరోయిన్‌గా భాగ్యశ్రీ బోర్సెను తీసుకున్నాం అని మిస్టర్ బచ్చన్ మూవీ నిర్మాత టీజీ విశ్వప్రసాద్ తెలిపారు. రవితేజ నటించిన మిస్టర్ బచ్చన్ ఆగస్ట్ 15న రిలీజ్ కానున్న సందర్భంగా సినీ విశేషాలు చెప్పారు.
Mr Bachchan Harish Shankar Bhagyashri Borse: మాస్ మహారాజా రవితేజ, మాస్ డైరెక్టర్ హరీష్ శంకర్ కాంబినేషన్‌లో వస్తున్న సినిమా మిస్టర్ బచ్చన్. బ్లాక్ బస్టర్ హిందీ మూవీ రైడ్‌కు రీమేక్‌గా మిస్టర్ బచ్చన్ సినిమా తెరకెక్కిందని టాక్. ఇదిలా ఉంటే, ఈ సినిమాను పీపుల్ మీడియా ఫ్యాక్టరీ బ్యానర్‌పై నిర్మాత టీజీ విశ్వ ప్రసాద్ నిర్మించారు.
ఈ సినిమాలో మాస్ మహారాజా రవితేజకు జోడిగా భాగ్యశ్రీ బోర్సే నటించగా.. మిస్టర్ బచ్చన్ ఆగస్టు 15న స్వాతంత్ర్య దినోత్సవం రోజున విడుదల కానుంది. ఈ నేపథ్యంలో నిర్మాత టీజీ విశ్వ ప్రసాద్ విలేకరుల సమావేశంలో సినిమా విశేషాలని పంచుకున్నారు.
రవితేజ, మీ కాంబినేషన్‌లో ఇది మూడో సినిమా. ధమాకా రేంజ్‌లో సక్సెస్ అవుతుందని భావిస్తున్నారా?
-రవితేజ గారితో సిరిస్ అఫ్ మూవీస్ చేస్తాం. హరీష్ శంకర్‌తో కొంతకాలంగా ట్రావెల్ అవుతున్నాం. రవితేజ గారు, హరీష్‌లది వెరీ క్రేజీ కాంబినేష్. ఇందులో అన్ని కమర్షియల్ ఎలిమెంట్స్ ఉన్నాయి. ఎంటర్టైన్మెంట్, మాస్, యాక్షన్ ఎపిసోడ్స్ పరంగా మిస్టర్ బచ్చన్ ధమాకా ప్లస్‌లా ఉంటుంది. ఇది కంప్లీట్ మాస్ ఎంటర్‌టైనర్ మూవీ.
ఆగస్ట్ 15కి రావాలని ముందే అనుకున్నారా?
-సినిమా స్టార్ట్ చేసిన్నపుడే మే, జూన్‌లోగ పూర్తి చేయాలనేది ప్లాన్. రిలీజ్ డేట్ అన్నది షెడ్యుల్ ప్రకారం ప్లాన్ ఇవ్వాలని అనుకున్నాం. ఒరిజినల్‌గా ఆగస్ట్ 9 రిలీజ్ డేట్ అనుకున్నాం. అయితే మా సాంగ్స్ షూటింగ్ పూర్తి కాకపోవడంతో మొదట్లో డేట్ ఇవ్వలేదు. పుష్ప స్లాట్ క్లియర్ అవ్వడంతో ఆగస్ట్ 15 ది బెస్ట్ అని డేట్ ఇవ్వడం జరిగింది.
-ఆగస్ట్ 15కి రెండు పెద్ద సినిమాలు మిస్టర్ బచ్చన్, డబుల్ ఇస్మార్ట్ ఉన్నాయి. అయితే, ఈ రెండికి ఎలాంటి ప్రాబ్లమ్ ఉండదు. రెండింటికి బెటర్ అవుట్‌పుట్ ఈ సీజన్‌లో వస్తుంది. లాంగ్ వీకెండ్ ప్లస్ అవుతుంది.
మిస్టర్ బచ్చన్ మీరు అనుకున్న బడ్జెట్‌లో అయిందా?
-రవితేజ గారు, హరీష్ శంకర్ గారి క్రేజీ కాంబినేషన్‌లో వచ్చే సినిమా ఎంత గ్రాండ్‌గా ఉండాలో అంత గ్రాండ్‌గా తీశాం. మేము అనుకున్న బడ్జెట్టే అయింది.
హీరోయిన్‌గా కొత్త అమ్మాయిని తీసుకోవడానికి కారణం?
-ఇట్స్ డైరెక్టర్స్ కాల్. భాగ్యశ్రీ బోర్సే చాలా చక్కగా పెర్ఫార్ చేశారు.
డైరెక్టర్ హరీష్ శంకర్ చెప్పడం వల్లే కొత్త హీరోయిన్‌గా భాగ్యశ్రీని తీసుకున్నట్లు నిర్మాత టీజీ విశ్వప్రసాద్ చెప్పిన మాటలు ఉన్నాయి. ఈ ఇంటర్వ్యూలో ఇంకా సినీ విశేషాలను పంచుకున్నారు నిర్మాత టీజీ విశ్వప్రసాద్.
రవితేజ గారితో మరో సినిమా చేసే ప్లాన్ ఉందా?
-ఒక నెంబర్ అంటూ అనుకోలేదు. రవితేజ గారితో కంటిన్యూగా వర్క్ చేస్తూనే ఉంటాను.
మిక్కీ జే మేయర్ మ్యూజిక్ గురించి?
-మిక్కీ, హరీష్‌కి ఎక్స్ ట్రార్డినరీ సింక్ ఉంది. వాలిద్దరూ కూర్చుని సినిమాని ఎలాంటి మ్యూజిక్ కావాలో అంత గ్రాండ్ అవుట్ పుట్ తీసుకొచ్చారు. పాటలకి చాలా మంచి రెస్పాన్స్ వస్తోంది.
