Bigg Boss Remuneration: బిగ్ బాస్ హౌజ్ నుంచి ఇవాళ నయని పావని ఎలిమినేట్.. 4 వారాల్లో ఎంత సంపాదించిందంటే?

Bigg Boss 8 Telugu Nayani Pavani Remuneration: బిగ్ బాస్ తెలుగు 8 నుంచి మరొకరు ఎలిమినేట్ అయ్యారు. బిగ్ బాస్ 8 తెలుగు తొమ్మిదో వారం ఎలిమినేషన్‌కు సంబంధించిన ప్రక్రియ ఆల్రెడీ పూర్తి అయింది. శనివారం (నవంబర్ 2) నాడు పూర్తి అయిన బిగ్ బాస్ తెలుగు 8 ఈ వారం ఎలిమినేషన్ ఎపిసోడ్‌ను ఇవాళ (నవంబర్ 3) ప్రసారం చేయనున్నారు.

ఓటింగ్ పోల్స్ ఓపెన్

ఇదిలా ఉంటే, బిగ్ బాస్ తెలుగు 8 తొమ్మిదో వారం నామినేషన్స్‌లో ఐదుగురు నామినేట్ అయిన విషయం తెలిసిందే. వారిలో గౌతమ్, యష్మీ, హరితేజ, టేస్టీ తేజ, నయని పావని బిగ్ బాస్ 8 తెలుగు 9వ వారం నామనేట్ అయ్యారు. వారికి నామినేషన్స్ ప్రక్రియ పూర్తి అయిన రోజు నుంచే ఓటింగ్ పోల్స్ ఓపెన్ అయ్యాయి.

టాప్‌లో యష్మీ

ఈ వారం మొదటి రోజు నుంచి బిగ్ బాస్ ఓటింగ్‌లో అత్యధిక ఓట్లతో యష్మీ గౌడ టాప్‌లో దూసుకుపోయింది. ఆ తర్వాత రెండో స్థానంలో గౌతమ్ కృష్ణ నిలిచాడు. ఇక మూడో స్థానంలో టేస్టీ తేజను ఉంచారు ప్రేక్షకులు. చివరి రెండు స్థానాలు, డేంజర్ జోన్ అయిన నాలుగు, ఐదు స్థానాల్లో హరితేజ, నయని పావని వరుసగా ఉన్నారు. అయితే, అన్ని రోజులు ఇలాగే ఓటింగ్ పోల్స్ నమోదు అయ్యాయి.

ఓటింగ్ తారుమారు

కానీ, ఒక్క శుక్రవారం మాత్రం ఓటింగ్ తారుమారు అయినట్లు టాక్ వినిపించింది. దాంట్లో టాప్‌లో గౌతమ్, రెండో ప్లేసులో యష్మీ, మూడో ప్లేసుకు డేంజర్ జోన్‌లో ఉన్న నయని పావని వచ్చేసినట్లు తెలిసింది. ఇక నాలుగు, ఐదు స్థానాల్లో టేస్టీ తేజ, హరితేజ ఉన్నట్లు సమాచారం అందింది. అయితే, డేంజర్ జోన్‌లో మాత్రం టేస్టీ తేజ, హరితేజ, నయని పావని ఉన్నట్లు తెలిసింది.

ఇద్దరి మధ్య ఎలిమినేషన్

అలాగే, డేంజర్ జోన్‌లో ఉన్నట్లో నయని పావని బిగ్ బాస్ నుంచి ఎలిమినేట్ అయి వెళ్లిపోయింది. బిగ్ బాస్ తెలుగు 8 తొమ్మిదో వారం ఎలిమినేషన్ ప్రక్రియ హరితేజ, నయని పావని మధ్య జరిగింది. వీరిలో హరితేజ సేవ్ అయి నయని ఎలిమినేట్ అయింది. దీనికి సంబంధించిన బిగ్ బాస్ 8 తెలుగు 9వ వారం ఎలిమినేషన్ ఎపిసోడ్‌ను ఆదివారం (నవంబర్ 3) ప్రసారం చేయనున్నారు.

గత సీజన్‌లో కూడా

అక్టోబర్ 6న వైల్డ్ కార్డ్ కంటెస్టెంట్స్‌లో ఒకరిగా ఎంట్రీ ఇచ్చింది నయని పావని. అయితే, గత సీజన్ బిగ్ బాస్ తెలుగు 7లో కూడా వైల్డ్ కార్డ్‌గా ఎంట్రీ ఇచ్చిన నయని పావని మొదటి వారమే ఎలిమినేట్ అయింది. కానీ, ఈ సీజన్‌లో నాలుగు వారాల పాటు ఆట ఆడగలిగింది. ఈ సీజన్‌లో కూడా వచ్చిన వారమే నామినేట్ కావాల్సిన నయనిని గౌతమ్ సేవ్ చేశాడు. కానీ, వచ్చిన నాలుగో వారం నయని పావని ఎలిమినేట్ అయింది.

నయని పావని రెమ్యునరేషన్

ఇక నయని పావనికి బిగ్ బాస్ తెలుగు 8లో పాల్గొన్నందుకు సుమారుగా వారానికి రూ. 1,50,000 రెమ్యునరేషన్ తీసుకున్నట్లు సమాచారం. అంటే, రోజుకు దాదాపుగా 21,428 రూపాయలు పారితోషికం తీసుకునేది నయని పావని. ఈ లెక్కన నయని పావని నాలుగు వారాలకు దాదాపుగా రూ. 6 లక్షల పారితోషికం అందుకుందని తెలుస్తోంది. అంటే, బిగ్ బాస్ తెలుగు 8 ద్వారా నాలుగు వారాల్లో నయని పావని ఆరు లక్షల రూపాయలు సంపాదించిందని సమాచారం.