Health: స్వచ్ఛమైన గాలితో శరీరానికి పోషకాలు కూడా: వివరాలివే..

స్వచ్ఛమైన గాలిలో ఆక్సిజనే కాక పోషకాలు కూడా ఉంటాయి. గాలిలోని పోషకాలతో శరీరానికి కొన్ని రకాల విటమిన్లు అందుతాయని తాజాగా ఓ అధ్యయనంలో తేలింది.

గాలిలోని పోషకాలను ఎయిరోన్యూట్రియెంట్స్ అని అంటారు. వీటివల్ల శరీరానికి పోషకాలు అందుతాయి. ఈ విషయాన్ని ‘అడ్వాన్స్ ఇన్ న్యూట్రిషన్, సైంటిస్ట్’ ప్రచురితమైన ఓ అధ్యయం వెల్లడించింది. 

ఎయిరోన్యూట్రియెంట్లలో కొన్ని రకాల మినరల్స్, విటమిన్లు ఉంటాయి. స్వచ్ఛమైన గాలిలో అయోడిన్, జింక్, మ్యాంగనీస్ సహా కొన్ని విటమిన్లు కూడా ఉంటాయి. 

థైరాయిడ్ తగ్గడంలో అయోడిన్ తోడ్పడుతుంది. మెదడుకు జింక్ మేలు చేస్తుంది. ఎముకల దృఢత్వానికి మ్యాంగనీస్ తోడ్పడుతుంది. 

ఊపిరితిత్తుల్లో అనేక సున్నితమైన రక్తనాళాలు ఉంటాయి. వీటి ద్వారానే ఆక్సిజన్ రక్తంలో కలుస్తుంది. ఎయిరోన్యూట్రియెంట్స్ కూడా అదే విధంగా రక్తంలో మిళితమవుతాయి. 

గాలి కాలుష్యం ఎక్కువగా ఉంటే.. అదే ఆరోగ్యాన్ని దెబ్బ తీసే ప్రమాదం ఉంటుంది. కాలుష్యం కూడా రక్తంలో ప్రవేశించి సమస్యలకు కారణం అవుతుంది. 

అందుకే వాయు కాలుష్యం ఊపితిత్తులకే కాకుండా.. పూర్తి శరీరానికి ప్రమాదకరంగా ఉంటుంది. కలుషిత గాలి పీలిస్తే.. రక్తంలో, ఇతర అవయవాల్లో కలుషితాలు పెరిగిపోతాయి.