PBKS IPL 2025 Players List: ఐపీఎల్ 2025 వేలంలో ఐదుగురి కోసం కోట్లు కుమ్మరించిన పంజాబ్ కింగ్స్.. చౌకగా దొరికేసిన హిట్టర్

ఐపీఎల్ 2025 మెగా వేలంలో పంజాబ్ కింగ్స్ ఫ్రాంఛైజీ ఆటగాళ్ల కోసం స్వేచ్ఛగా కోట్లాది రూపాయల్ని కుమ్మరించేసింది. ఐపీఎల్ 2024లో కోల్‌కతా నైట్‌రైడర్స్ జట్టుని విజేతగా నిలిపిన కెప్టెన్ శ్రేయాస్ అయ్యర్ కోసం ఏకంగా రూ. 26.75 కోట్లు వెచ్చించింది. అలానే భారత స్పిన్నర్ యుజ్వేంద్ర చాహల్ (రూ.18 కోట్లు), ఆస్ట్రేలియా హిట్టర్లు మార్కస్ స్టోయినిస్ (రూ.11 కోట్లు), గ్లెన్ మాక్స్వెల్ (రూ.4.2 కోట్లు)లను పంజాబ్ కొనుగోలు చేసింది. ఇక డెత్ ఓవర్ల స్పెషలిస్ట్ బౌలర్ అర్షదీప్ సింగ్ కోసం ఏకంగా రూ.18 కోట్లు వెచ్చించడం అందర్నీ ఆశ్చర్యపరిచింది.

వాస్తవానికి గ్లెన్ మాక్స్‌వెల్ రూ.10-15 కోట్లు ధర పలుకుతాడని అంతా ఊహించారు. కానీ.. పంజాబ్ కింగ్స్‌కి కేవలం రూ.4.2 కోట్లకే అతను దక్కాడు. అలానే మార్కస్ స్టాయినిస్‌ను జట్టులోకి తీసుకోవడం ద్వారా.. అటు బౌలింగ్, బ్యాటింగ్‌లోనూ జట్టుకి ఉపయోగపడతాడు. చాహల్‌ ఐపీఎల్‌లో గత మూడేళ్లుగా తిరుగులేనిరీతిలో రాణిస్తున్నాడు. శ్రేయాస్ అయ్యర్‌ను తొలుత వేలంలోకి వదిలేసిన కోల్‌కతా నైట్‌రైడర్స్.. చాలా బాధపడిపోతూ ఆర్టీఎం కార్డుని ప్రయోగించింది. కానీ.. పంజాబ్ కింగ్స్ వెనక్కి తగ్గలేదు.

వేలంలో పంజాబ్ కింగ్స్ కొనుగోలు చేసిన ప్లేయర్లు

• శ్రేయాస్ అయ్యర్ (రూ.26.75 కోట్లు)
• మార్కస్ స్టోయినిస్ (రూ.11. కోట్లు)
• గ్లెన్ మాక్స్వెల్ (4.20 కోట్లు)
• యుజ్వేంద్ర చాహల్ (రూ.18 కోట్లు)
• అర్షదీప్ సింగ్ (రూ.18 కోట్లు)
• నేహాల్ వధేరా (రూ.4.2కోట్లు)
• వైశాక్ విజయ్ కుమార్ (రూ. 1.8 కోట్లు)
• యశ్ ఠాకూర్ (1.6 కోట్లు)
• హర్‌ప్రీత్ బరార్ (రూ.1.5 కోట్లు)
• విష్ణు వినోద్ (రూ.96 లక్షలు 
   

పంజాబ్ కింగ్స్ ఫ్రాంఛైజీ రిటెన్ చేసుకున్న ఆటగాళ్లు

• శశాంక్ సింగ్ (రూ.5.5 కోట్లు)
• ప్రభ్‌సిమ్రాన్ సింగ్ (రూ.4 కోట్లు)
  
  ఐపీఎల్ 2025 మెగా వేలంలో రూ.88 కోట్లని ఖర్చు చేసిన పంజాబ్ కింగ్స్ ఫ్రాంఛైజీ.. రిటెన్షన్ కోసం రూ.9.5 కోట్లు ఇప్పటికే ఖర్చు చేసేసింది. దాంతో ఇక ఆ ఫ్రాంఛైజీ వద్ద మిగిలిన ఉన్న డబ్బు రూ.22.5 కోట్లు. ఇంకా 13 మంది ప్లేయర్లను కొనుగోలు చేయాల్సి ఉంది.