SRH vs CSK tickets : ఇలా ఓపెన్​ చేస్తే- అలా అయిపోయాయి! ‘అంతా ధోనీ మహిమ’

SRH vs CSK 2024 tickets : ఈ ఐపీఎల్​ 2024లో.. ఉప్పల్​ స్టేడియంలో జరిగే సన్​రైజర్స్​ హైదరాబాద్​ వర్సెస్​ చెన్నై సూపర్​ కింగ్స్​ మ్యాచ్​కి వెళ్లాలని అనుకుంటున్నారా? అయితే.. మీకు బ్యాడ్​ న్యూస్! సోమవారం టికెట్​ బుకింగ్స్​ ఓపెన్​ అవ్వగా.. హాట్​ కేక్స్​లా అవి అమ్ముడుపోయాయి. 'అంతా ధోనీ మహిమ' అని నెటిజన్లు అంటున్నారు.

ఎస్​ఆర్​హెచ్​ వర్సెస్​ సీఎస్​కే..

ఏప్రిల్​ 5న, ఉప్పల్​ స్టేడియంలో రాత్రి 7:30 గంటలకి.. ఎస్​ఆర్​హెచ్​ వర్సెస్​ సీఎస్​కే మ్యాచ్​ జరగనుంది. మహేంద్ర సింగ్​ ధోనీని లైవ్​లో చూడాలని.. చాలా మంది ఈ మ్యాచ్​ కోసం ఎదురుచూస్తున్నారు. టికెట బుకింగ్స్​ ఎప్పుడెప్పుడు ఓపెన్​ అవుతాయా? ఎప్పుడెప్పుడు కొనాలా అని వెయిట్​ చేశారు. ఫలితంగా.. సోమవారం.. పేటీఎం ఇన్​సైడర్​ యాప్​లో టికెట్లు ఓపెన్​ అవ్వగా.. 2 గంటల్లోపే సోల్డ్​ ఔట్​ అయిపోయాయి!

టికెట్లు బుక్​ అయిన కొందరు చాలా సంతోషంతో.. ఆ వివరాలను సోషల్​ మీడియాల్లో పోస్ట్​లు చేస్తున్నారు. టికెట్లు అందని వారు.. బాధపడుతున్నారు. వీటన్నింటి మధ్య.. ట్విట్టర్​లో #SRHvsCSK ట్రెండింగ్​లోకి వచ్చింది.

SRH vs CSK tickets : ఏదిఏమైనా.. ఇతర మ్యాచ్​లతో పోల్చుకుంటే.. ఎస్​ఆర్​హెచ్​ వర్సెస్​ సీఎస్​కే మ్యాచ్​కే టికెట్లు హాట్​ కేక్స్​లా అమ్ముడుపోయాయి. ఇదంతా.. 'ధోనీకి ఉన్న క్రేజ్​' అని నెటిజన్లు అంటున్నారు.​

"ఉప్పల్​ స్టేడియం.. సీఎస్​కే ఫ్యాన్స్​ కంట్రోల్​లోకి వెళ్లబోతోంది. టికెట్లు కొన్ని గంంటల్లోనే సోల్డ్​ ఔట్​ అయ్యాయి," అని ఓ నెటిజన్​ ట్విట్టర్​లో పోస్ట్​ చేశారు.

"ఏప్రిల్​ 5న ఉప్పల్​ స్టేడియంలో మోత మోగిపోవాలి. మొదటిసారి థలా ధోనీ దర్శనం చేసుకోబోతున్నాను. టికెట్లు దొరికేశాయి," అని మరో వ్యక్తి రాసుకొచ్చారు.

"హైదరాబాద్​.. సిద్ధంగా ఉండు.. ఏప్రిల్​ 5న ధోనీ ర్యాపేజ్​కి రెడీగా ఉండు," అని మరొకరు కామెంట్​ చేశారు.

"మార్చ్​ 27న ఎస్​ఆర్​హెచ్​ వర్సెస్​ ముంబై మ్యాచ్​ ఉంది. దానికి ఇంకా టికెట్లు ఉన్నాయి. కానీ ఏప్రిల్​ 5న ఎస్​ఆర్​హెచ్​- సీఎస్​కే మ్యాచ్​కి.. బుకింగ్స్​ ఓపెన్​ అయిన వెంటనే అయిపోయాయి. అది.. ధోనీ క్రేజ్​," అని ఓ ధోనీ అభిమాని కామెంట్​ చేశారు.

ధోనీకి ఇదే చివరి ఐపీఎల్​ అవుతుందా..?

SRH vs CSK IPL 2024 tickets : ఇప్పటికే.. సీఎస్​కే కెప్టెన్సీని వదిలేసిన మహేంద్ర సింగ్​ ధోనీకి.. ఇదే చివరి ఐపీఎల్​ అవుతుందని చాలా మంది భావిస్తున్నారు. ఈ వార్తలపై ధోనీ ఇంకా ఎలాంటి కామెంట్లు చేయలేదు కానీ.. ఫ్యాన్స్​కి షాక్​ ఇవ్వడం ధోనీకి అలవాటైన విషయమే! అందుకే.. ఒకవేళ ధోనీకి ఇదే చివరి ఐపీఎల్​ అయితే.. తమ ఫేవరెట్​ క్రికెటర్​ని లైవ్​ యాక్షన్​లో చూసే చివరి ఛాన్స్​ని మిస్​ అవ్వకూడదని అతని అభిమానులు భావిస్తున్నారు. అందుకే.. ధోనీ ఎక్కడికి వెళ్లి మ్యాచ్​ ఆడినా.. ఆ స్టేడియం ఫుల్​ అయిపోతోంది. అందరు.. లెజెండరీ టీమిండియా మాజీ కెప్టెన్​ ధోనీకి సపోర్ట్​ చేస్తున్నారు.

ధోనీ.. ఐపీఎల్​ తప్ప వేరే ఏ క్రికెట్​ ఆడటం లేదన్న విషయం తెలిసిందే!