Smartphone launches in May : మే నెలలో లాంచ్కు సిద్ధంగా ఉన్న స్మార్ట్ఫోన్స్ ఇవే..!
Upcoming smartphone launches in May : గూగుల్ పిక్సెల్ 7ఏ, రియల్మీ 11 ప్రో ప్లస్తో పాటు మరికొన్ని స్మార్ట్ఫోన్స్ మే నెలలో రిలీజ్ అవ్వనున్నాయి. ఆ వివరాలు..
Upcoming smartphone launches in May : స్మార్ట్ఫోన్ ప్రేమికులకు క్రేజీ న్యూస్! మే నెలలో పలు ఆసక్తికర, డిమాండ్ ఉన్న గ్యాడ్జెట్స్ లాంచ్కానున్నాయి. గూగుల్ పిక్సెల్ నుంచి రియల్మీ వరకు.. రిలీజ్కు సన్నద్ధమవుతున్నాయి. ఆ వివరాలు ఇక్కడ తెలుసుకుందాము..
గూగుల్ పిక్సెల్ 7ఏ..
Google Pixel 7A launch : గూగుల్ ఐ/ఓ 2023 ఈవెంట్.. మే 10న జరగనుంది. ఈ ఈవెంట్లోనే పిక్సెల్ 7ఏని గూగుల్ లాంచ్ చేయనున్నట్టు తెలుస్తోంది. ఇందులో.. 90 హెచ్జెడ్ రిఫ్రెష్ రేట్తో కూడిన 6.1 ఇంచ్ అమోలెడ్ డిస్ప్లే ఉంటుందని అంచనాలు ఉన్నాయి. 64ఎంపీ సోనీ ఐఎంఎక్స్787 కెమెరా, లేటెస్ట్ టెన్సార్ జీ2 చిప్సెట్, ఆండ్రాయిడ్ 13, 4500 ఎంఏహెచ్ బ్యాటరీ వంటి ఫీచర్స్ ఉండొచ్చు. డిజైన పరంగా.. ఈ కొత్త మోడల్ గూగుల్ పిక్సెల్ 7ని పోలి ఉండే అవకాశాలే ఎక్కువగా ఉన్నాయి.
గూగుల్ పిక్సెల్ ఫోల్డ్..
Google Pixel Fold price : గూగుల్ పిక్సెల్ ఫోల్డ్ కోసం చాలా రోజులుగా ఎదురుచూపులు కొనసాగుతున్నాయి! ఈ మోడల్ను మే 10న సంస్థ లాంచ్ చేసే అవకాశం ఉంది. ఇందులో 5.8 ఇంచ్ కవర్ డిస్ప్లే, 7.69 ఇంచ్ ఇన్నర్ డిస్ప్లే స్క్రీన్స్ ఉండొచ్చు. ట్రిపుల్ రేర్ కెమెరా సెటప్తో పాటు 2 పంచ్ హోల్ సెల్ఫీ కెమెరాలు లభించే అవకాశం ఉంది. టెన్సార్ జీ2 ప్రాసెసర్ ఉండొచ్చు.
ఇదీ చదవండి :- Galaxy M14 5G: అధునాతన ఫీచర్లతో శాంసంగ్ నుంచి గెలాక్సీ M14 5G
రియల్మీ 11 ప్రో ప్లస్..
Realme 11 Pro Plus release date : 11 ప్రో సిరీస్ను మే నెలలో లాంచ్ చేయనున్నట్టు రియల్మీ సంస్థ ఇప్పటికే ప్రకటించింది. తొలుత ఇది చైనా మార్కెట్లో అందుబాటులోకి వస్తుంది. అనంతరం ఇండియాలోకి అడుగుపెడుతుంది! రియల్మీ 11ప్రో ప్లస్లో సరికొత్త డైమెన్సిటీ 7000 సిరీస్ చిప్సెట్ను ఉపయోగించే అవకాశం ఉంది. 8ఎంపీ అల్ట్రా వైడ్ కెమెరా, 200ఎంపీ ప్రైమరీ కెమెరా, మాక్రో లెన్స్ వంటివి ఉండొచ్చు. 6.7ఇంచ్ ఫుల్ హెచ్డీ+ అమోలెడ్ డిస్ప్లే విత్ కర్వ్డ్ ఎడ్జెస్ ఇందులో ఉండొచ్చు.
రియల్మీ 11 ప్రో..
Realme 11 Pro price : రియల్మీ 11 ప్రోలో 108ఎంపీ ప్రైమరీ, 2ఎంపీ డెప్త్ కమెరా సెటప్ ఉండే అవకాశం ఉంది. డైమెన్సిటీ 7000 సిరీస్ చిప్సెట్ లభించొచ్చు. ఇందుకు సంబంధించిన లాంచ్ డేట్ వివరాలు తెలియరాలేదు. అయితే ఈ మోడల్ కూడా మే నెలలోనే లాంచ్ అవుతుందని ఊహాగానాలు వినిపిస్తున్నాయి.
సంబంధిత కథనం