Andhra Pradesh News Live November 9, 2024: Mega DSC Free Coaching : డీఎస్సీ అభ్యర్థుల‌కు అలర్ట్- ఉచిత శిక్షణ స్క్రీనింగ్ టెస్ట్ వాయిదా!

AP Best Teachers Awards : ఏపీ విద్యాశాఖ ఉత్తమ ఉపాధ్యాయ అవార్డులు ప్రకటించింది. 184 మందికి ఉత్తమ ఉపాధ్యాయ అవార్డులు అందించనున్నారు. ఈ నెల 11న మంగళగిరిలో జరిగి కార్యక్రమంలో ఉపాధ్యాయులకు ఈ అవార్డులు ప్రదానం చేస్తారు.

Divyangjan DBT Pension : దివ్యాంగ విద్యార్థుల పెన్షన్ విధానంపై ఏపీ ప్రభుత్వం కీలక నిర్ణయం తీసుకుంది. ఇకపై పెన్షన్ నేరుగా వారి ఖాతాల్లోనే జమ చేయాలని నిర్ణయించింది. డీబీటీ విధానంలో నేరుగా విద్యార్థు అకౌంట్లలో పెన్షన్ జమ చేస్తారు. సంబంధిత పత్రాలను డీఆర్డీఏ పీడీ కార్యాలయాల్లో అందించాల్సి ఉంటుంది.

APSRTC Special Buses : కార్తీక మాసాన్ని పురస్కరించుకుని పంచారామ క్షేత్రాలను కవర్ చేస్తూ ఏపీఎస్ఆర్టీసీ ప్రత్యేక బస్సులు అందుబాటులోకి తెచ్చింది. రామ‌చంద్రపురం, చిల‌క‌లూరిపేట‌, పాల‌కొండ నుంచి శైవ‌క్షేత్రాలకు ప్రత్యేక స‌ర్వీసులు అందుబాటులోకి తీసుకొచ్చింది.

Borugadda Anil : రౌడీ షీటర్ అనిల్ ను పోలీసులు రెస్టారెంట్ కు తీసుకెళ్లి బిర్యానీ తినిపించిన వివాదం సద్దుమణగకముందే...పోలీస్ స్టేషన్ లో రాచమర్యాదలు చేసిన మరో వీడియో వెలుగులోకి వచ్చింది. అనిల్ కోసం స్టేషన్ లోనే టేబుల్ పై దిండు, దుప్పటితో బెడ్ ఏర్పాటు చేశారు పోలీసులు.

Nagarjuna Sagar Dam Issue : ఏపీ, తెలంగాణ మధ్య మరోసారి నాగార్జున సాగర్ వివాదం నెలకొంది. తెలంగాణ అధికారులు కుడి కాల్వ వాటర్ రీడింగ్ నమోదు చేసేందుకు ప్రయత్నించగా, ఏపీ అధికారుల వారిని అడ్డుకున్నారు. దీంతో మరోసారి సాగర్ వివాదం తెరపైకి వచ్చింది. గతేడాది సరిగ్గా నవంబర్ లోనే సాగర్ పై ఘర్షణ తలెత్తింది.

Vijayawada To Srisailam Seaplane : విజయవాడ నుంచి శ్రీశైలానికి సీప్లేన్ సర్వీసులను సీఎం చంద్రబాబు ప్రారంభించారు. విజయవాడ పున్నమిఘాట్ నుంచి శ్రీశైలం వరకు సీఎం చంద్రబాబు, కేంద్ర మంత్రి రామ్మోహన్ నాయుడు సీప్లేన్ లో ప్రయాణించారు. రాష్ట్రానికి టూరిజం ఒక వరమని సీఎం చంద్రబాబు అన్నారు.