PAK vs SA : రాజపక్స హాఫ్ సెంచరీ - ఆసియా కప్ ఫైనల్ లో పాకిస్థాన్ టార్గెట్ 171

PAK vs SA : ఆదివారం జరుగుతున్న ఆసియా కప్ ఫైనల్ లో (Asia cup final) తొలుత బ్యాటింగ్ చేసిన శ్రీలంక ఇరవై ఓవర్లలో ఆరు వికెట్ల నష్టానికి 170 పరుగులు చేసింది. రాజపక్స 60 పరుగులు, హసరంగ 36 రన్స్ మినహా మిగిలిన బ్యాట్స్ మెన్ రాణించలేకపోవడంతో శ్రీలంక తక్కువ స్కోరుకే పరిమితమైంది. టాస్ గెలిచిన పాకిస్థాన్ కెప్టెన్ బాబర్ అజామ్ శ్రీలంకను బ్యాటింగ్ కు ఆహ్వానించాడు.

తొలి ఓవర్ లోనే ఫామ్ లో ఉన్న కుషాల్ మెండిస్ ను ఔట్ చేసి శ్రీలంకకు షాక్ ఇచ్చాడు పాకిస్థాన్ పేసర్ నసీమ్ షా. ఆ తర్వాత నిసాంక, గుణతిలక తక్కువ పరుగులకే ఔట్ కావడంతో 36 రన్స్ కే మూడు వికెట్లు కోల్పోయి కష్టాల్లో పడింది శ్రీలంక. ధనంజయ డిసిల్వాతో కలిసి రాజపక్స శ్రీలంకను గాడిన పెట్టాడు. డిసిల్వా 21 బాల్స్ లో నాలుగు ఫోర్లతో 28 రన్స్ చేసి ఔటయ్యాడు. ఆ తర్వాత వహిందు హసరంగ, రాజపక్స కలిసి శ్రీలంక స్కోరును వంద పరుగులు దాటించారు.

హసరంగ 21 బాల్స్ లో ఒక సిక్సర్, ఐదు ఫోర్లతో 36 రన్స్ చేశాడు. చివర్లో కరుణ రత్నే నిలకడగా ఆడటంతో శ్రీలంక 170 రన్స్ చేసింది. రాజపక్ప 45 బాల్స్ లో మూడు సిక్సర్లు, ఆరు ఫోర్లతో 71 రన్స్ చేసి నాటౌట్ గా నిలిచాడు. పాకిస్థాన్ బౌలర్లలో హరీస్ రవూఫ్ 3, నసీమ్ షా రెండు, షాబాద్ ఖాన్, అహ్మద్ తలో ఒక్క వికెట్ తీసుకున్నారు.