Today Rasi Phalalu: నేటి రాశిఫలాలు : కుటుంబంలోని సమస్యలు కొంత ఇబ్బంది పెడతాయి.. జాగ్రత్త

Today Rasi Phalalu : నేటి రాశిఫలాలు (02-12-2022) ఎలా ఉన్నాయో ఇప్పుడు తెలుసుకుందాం.

మేష రాశి

మేష రాశి వారికి ఈరోజు అనుకూల ఫలితాలున్నాయి. చేసే ప్రతీ పని శుభ ఫలితాలిస్తుంది. ఆర్ధిక విషయాల పట్ల జాగ్రత్త వహించండి. చికాకులు, ఒత్తిడి ఎక్కువగా ఉంటుంది. మీ తెలివితేటలతో ముందుకు సాగుతారు. కుటుంబంలోని సమస్యలు కొంత ఇబ్బంది పెడతాయి. ఉద్యోగస్తులకు అనుకూలంగా.. వ్యాపారస్తులకు లాభవములు చేకూరుతాయి. విద్యార్థులకు అనుకూలమైన సమయం. మరింత శుభ ఫలితాలు పొందడం కోసం లక్ష్మీదేవిని పూజించండి.

వృషభ రాశి

వృషభ రాశి వారికి ఈరోజు అనుకూలంగా ఉంటుంది. అనుకున్న ప్రతీ పనిని పూర్తి చేస్తారు. ఖర్చులు పెరుగుతాయి. ఆవేశపూరిత నిర్ణయాలు తీసుకుంటారు. కుటుంబంలో కలహములు ఏర్పడతాయి. గొడవలకు దూరంగా ఉంటే మంచిది. బంధుమిత్రుల ప్రశంసలు, ఆనందము కలుగుతాయి. కొత్త వస్తువులు కొనడానికి ప్రయత్నిస్తారు. మరింత శుభ ఫలితాలు పొందడం కోసం కృష్ణాష్టకము, లక్ష్మీదేవిని ఆరాధిస్తే మంచిది.

మిథున రాశి

మిథున రాశివారికి ఈరోజు అంత అనుకూలంగా లేదు. కుటుంబమునందు సమస్యలు ఒత్తిడి అధికముగా ఉంటుంది. ఆరోగ్యం పట్ల జాగ్రత్త వహించండి. ఆందోళన, ఇబ్బందులు కలుగుతాయి. వ్యాపారము, ధన వ్యవహారాలలో ఆచితూచి వ్యవహరించడం మంచిది. ఎలాంటి ఇబ్బందులు ఏర్పడినప్పటికి మీ కృషితో ముందుకు సాగుతారు. సౌఖ్యము కలుగుతుంది. మరింత శుభ ఫలితాలు పొందడం కోసం లక్ష్మీదేవిని ఆరాధిస్తే మంచిది.

కర్కాటక రాశి

కర్కాటక రాశి వారికి ఈరోజు అన్ని విధాలుగా అనుకూలంగా ఉంటుంది. మీరు చేసే ప్రయత్నాలకు శుభ ఫలితాలు ఇస్తాయి. స్త్రీలతో జాగ్రత్తగా ఉంటే మంచిది. కుటుంబములో కొన్ని సమస్యలు బాధిస్తాయి. ఉత్సాహముతో ముందుకు సాగుతారు. ఆర్ధిక విషయాలు అనుకూలిస్తాయి. కొత్తగా ప్రారంభించే వ్యవహారాలలో ఆచితూచి ముందుకు వెళ్లడం మంచిది. శుభఫలితాలు పొందాలంటే ఆవునేతితో దీపారాధన చేస్తూ లక్ష్మీదేవిని పూజించాలి.

సింహ రాశి

సింహ రాశి వారికి ఈరోజు అనుకూలంగా ఉంటుంది. ధనలాభము, వస్తులాభము, సౌఖ్యము కలుగుతుంది. ఉద్యోగస్తులకు, వ్యాపారస్తులకు లాభము కలుగుతుంది. ఆరోగ్యం పట్ల శ్రద్ధ వహించండి. కుటుంబ, ఆరోగ్య విషయాల పట్ల శ్రద్ధ వహించండి. విద్యార్థులకు అనుకూలంగా ఉంటుంది. మరింత శుభఫలితాలు పొందడం కోసం లక్ష్మీ అష్టకాన్ని పఠించి ఆవునేతితో దీపారాధన చేయడం మంచిది.

కన్యా రాశి

కన్యా రాశి వారికి ఈరోజు అనుకూల ఫలితాలు ఉన్నాయి. ధనలాభము, వస్తులాభము, కీర్తి కలుగుతుంది. ప్రతీ పనిని అనుకున్న విధముగా పూర్తి చేస్తారు. ఎన్ని ఒత్తిళ్లు ఉన్నప్పటికీ మనోధైర్యంతో ముందుకు వెళ్లి విజయము పొందుతారు. ప్రయాణములు లాభిస్తాయి. స్త్రీ సౌఖ్యం కలుగుతుంది. ఖర్చులు నియంత్రించుకుంటే మంచిది. ఉద్యోగస్తులకు ఒత్తిడి ఎక్కువగా ఉంటుంది. ఆరోగ్యం పట్ల శ్రద్ధ వహించండి. మరింత శుభఫలితాలు పొందడం కోసం విష్ణు సహస్ర నామ పారాయణం చేయడం మంచిది.

తులా రాశి

తులా రాశి వారికి ఈరోజు అనుకూలంగా లేదు. శారీరక శ్రమ, ఒత్తిడి ఎక్కువగా ఉంటుంది. కుటుంబ విషయాల పట్ల శ్రద్ధ వహించండి. రాజకీయాలకు, గొడవలకు దూరంగా ఉంటే మంచిది. ప్రయాణములు అనుకూలిస్తాయి. ఉద్యోగస్తులకు ఒత్తిడి, శత్రుత్వ భయము కలుగుతుంది. కుటుంబము నందు మానసిక ఒత్తిడి, ఇబ్బందులు ఉంటాయి. మరింత శుభఫలితాలు పొందడం కోసం లలితా సహస్రనామాన్ని పఠించండి.

వృశ్చిక రాశి

వృశ్చిక రాశికి ఈరోజు అన్ని విధాలుగా అనుకూలంగా ఉంటుంది. ఖర్చులు పెరుగుతాయి. అనుకున్న ప్రతీ పనిని పూర్తి చేస్తారు. ఉద్యోగస్తులకు ధనలాభము, వ్యాపారస్తులకు మంచి వ్యాపారము కలుగుతుంది. సమాజము నందు కీర్తి.. కుటుంబంలో గౌరవము పెరుగుతుంది. శత్రువులు మిత్రులుగా వ్యవహరిస్తారు. మరింత శుభఫలితాలు పొందడం కోసం కృష్ణాష్టకం పఠించండి.

ధనూ రాశి

ధనూ రాశి వారికి ఈరోజు అనుకూల ఫలితములున్నాయి. కుటుంబ సౌఖ్యము, మానసిక ఆనందము పొందుతారు. సమాజంలో కీర్తి పెరుగుతుంది. ప్రయాణములు అనుకూలిస్తాయి. ధనలాభము, సౌఖ్యము, ఆనందము పొందుతారు. ఉద్యోగస్తులకు అనుకూలమైన సమయము. వ్యాపారస్తులకు లాభదాయకంగా ఉంటుంది. శత్రువులతో జాగ్రత్తగా వ్యవహరిస్తే మంచిది. మరింత శుభఫలితాలు పొందడం కోసం విష్ణు సహస్రనామ పారాయణ చేయడం మంచిది.

మకర రాశి

మకర రాశి వారికి ఈరోజు మధ్యస్తముగా ఉంది. ఖర్చులు ఎక్కువగా ఉంటాయి. కుటుంబముతో ఆనందముగా గడుపుతారు. ఆరోగ్య విషయాల్లో జాగ్రత్త వహించండి. మానసిక ఒత్తిడి, ఆరోగ్య సమస్యలు ఎక్కువగా ఉంటాయి. ఉద్యోగస్తులకు కష్ట సమయము. వ్యాపారస్తులకు చెడు సమయము. శత్రువర్గంతో ఆచితూచి వ్యవహరించండి. మరింత శుభ ఫలితాలు పొందడం కోసం లక్ష్మీదేవిని పూజించండి. అలాగే ఆవునేతితో దీపారాధన చేయండి.

కుంభ రాశి

కుంభ రాశి వారికి ఈరోజు మధ్యస్తం నుంచి అనుకూల ఫలితాలున్నాయి. ఉద్యోగస్తులకు, వ్యాపారస్తులకు లాభదాయకముగా ఉంటుంది. కొంత కాలంగా ఉన్న సమస్యలు కొలిక్కి వస్తాయి. చేసే ప్రతీ పని అనుకూల ఫలితాలు ఇస్తుంది. ధనవ్యయము, ఆర్ధిక సమస్యలు ఇబ్బంది పెడతాయి. మరింత శుభ ఫలితాలు పొందడం కోసం లలితా సహస్ర నామాన్ని పారాయణం చేయడం మంచిది.

మీన రాశి

మీన రాశి వారికి ఈరోజు మధ్యస్తముగా ఉంటుంది. ఆరోగ్య సమస్యలు, ఒత్తిడి ఎక్కువగా ఉంటాయి. అనుకున్న ప్రతీ పనిని విజయవంతముగా పూర్తి చేస్తారు. ఖర్చులు తగ్గించుకోవడం మంచిది. కుటుంబ సభ్యులతో మాట్లాడేటప్పుడు జాగ్రత్త వహించండి. మరింత శుభ ఫలితాలు పొందడం కోసం ఆవునేతితో దీపాన్ని వెలిగించి లక్ష్మీదేవిని ఆరాధిస్తే మంచిది.

బ్రహ్మశ్రీ చిలకమర్తి ప్రభాకర చక్రవర్తి శర్మ

Contact : 9494981000