Rahul Gandhi teaches martial arts: రాహుల్ గాంధీ మార్షల్ ఆర్ట్స్ వీడియో వైరల్
26 November 2022, 22:07 IST
Rahul Gandhi teaches martial arts: కాంగ్రెస్ సీనియర్ నేత రాహుల్ గాంధీ చేపట్టిన దేశవ్యాప్త పాదయాత్ర ‘భారత్ జోడో యాత్ర’ ప్రస్తుతం మధ్య ప్రదేశ్ లో కొనసాగుతోంది. మహారాష్ట్రలో యాత్ర సాగుతున్న సమయంలో రాహుల్ సహ యాత్రికులతో చేసిన చిట్ చాట్ వీడియో ఇప్పుడు వైరల్ అయింది.
మార్షల్ ఆర్ట్స్ టెక్నిక్స్ ను సహ యాత్రికులకు నేర్పిస్తున్న రాహుల్ గాంధీ
Rahul Gandhi teaches martial arts: విద్వేషాలను వీడి దేశప్రజలందరు ఏకం కావాలన్న సందేశంతో కాంగ్రెస్ నేత రాహుల్ గాంధీ చేపట్టిన భారత్ జోడో యాత్ర విజయవంతంగా సాగుతోంది. తమిళనాడులోని కన్యాకుమారి నుంచి ప్రారంభమైన ఈ దేశవ్యాప్త పాదయాత్ర వచ్చే సంవత్సరం కశ్మీర్లో ముగియనుంది.
Rahul Gandhi teaches martial arts: యూ ట్యూబ్ వీడియో వైరల్
రాహుల్ గాంధీ మహారాష్ట్రలో యాత్ర చేస్తున్న సమయంలో తనతో పాటు ఈ పాద యాత్రలో పాల్గొంటున్న వారితో చేసిన సరదా సంభాషణ వీడియో ఇప్పుడు వైరల్ గా మారింది. రాహుల్ గాంధీ యూ ట్యూబ్ చానెల్ లో శనివారం ఆ వీడియోను అప్ లోడ్ చేయగా, క్షణాల్లోనే అది వైరల్ గా మారింది.
Rahul Gandhi teaches martial arts: అయికిడో లో బ్లాక్ బెల్ట్
ఆ వీడియోలో రాహుల్ గాంధీ తన సహ యాత్రికులకు మార్షల్ ఆర్ట్స్ లోని కొన్ని మెళకువలను నేర్పిస్తుండడం కనిపిస్తుంది. అంతేకాదు, అదే సమయంలో బీజేపీ, ఆరెస్సెస్ లపై రాహుల్ వ్యంగ్యాస్త్రాలు విసరడం కూడా కనిపిస్తుంది. రాహుల్ గాంధీ జపనీస్ మార్షల్ ఆర్ట్ అయికిడో లో బ్లాక్ బెల్ట్ సాధించిన విషయం చాలా మందికి తెలియదు. రాహుల్ ఫిట్ నెస్ ను ఈ భారత్ జోడో యాత్ర సమయంలోనే చాలామంది గుర్తిస్తున్నారు.
Rahul Gandhi teaches martial arts: మార్షల్ ఆర్ట్స్ టీచర్
తాజాగా, మహారాష్ట్రలో ఒకరోజు యాత్ర ముగిసిన తరువాత, సహయాత్రికులతో కూర్చుని చిట్ చాట్ ప్రారంభించారు. వారికి కొన్ని మార్షల్ ఆర్ట్స్ మెళకువలు నేర్పించారు. శత్రువు తన పూర్తి శక్తి సామర్ధ్యాలతో మనపైకి వచ్చినప్పుడు ఏం చేయాలో వారికి వివరించారు. ఆ శక్తిని మనకు అనుకూలంగా ఎలా మార్చుకోవాలో వారికి బోధించారు. ఆ మార్షల్ ఆర్ట్స్ టెక్నిక్ ను చేసి చూపించారు. అదే సమయంలో, బీజేపీ, ఆరెస్సెస్ లపై వ్యంగ్యాస్త్రాలు విసిరారు. బీజేపీ, ఆరెస్సెస్ లు ఇలా పూర్తి శక్తినంతా ఉపయోగించి తనపైకి విమర్శలు, ఆరోపణలతో వచ్చినప్పుడు, వారి నుంచి వారి శక్తినంతా ఇలాగే తీసేసుకుంటానని సరదాగా వ్యాఖ్యానించాడు.