Netaji statue Sourced from Telangana quarry: అది మన ఖమ్మం గ్రానైటే..!

Netaji statue Sourced from Telangana quarry: ఇండియా గేట్ వద్ద 28 అడుగుల ఎత్తు, 65 మెట్రిక్ టన్నుల బరువున్న భారీ గ్రానైట్ నేతాజీ విగ్రహాన్ని ఏర్పాటు చేశారు. ఈ 65 మెట్రిక్ టన్నుల విగ్రహాన్ని రూపొందించడం కోసం 280 మెట్రిక్ టన్నుల బరువైన ఏకశిలా గ్రానైట్ ను ఖమ్మంలోని ఒక క్వారీ నుంచి తీసుకువచ్చారు.

Netaji statue Sourced from Telangana quarry: ఎలా తీసుకువచ్చారు?

తెలంగాణలోని ఖమ్మం జిల్లాలో ఉన్న ఒక క్వారీ లో ఈ విగ్రహం రూపొందించడానికి అనువైన భారీ గ్రానైట్ ను గుర్తించారు. 280 మెట్రిక్ టన్నుల బరువున్న ఆ గ్రానైట్ రాయిని ఖమ్మంలోని ఆ క్వారీ నుంచి ఢిల్లీ లోని National Gallery of Modern Art (NGMA) కు తరలించడం అసాధ్యమని మొదట భావించారు. కానీ, పట్టుదలతో, తీవ్రంగా శ్రమించి ఆ అసాధ్యాన్ని సాధ్యం చేశారు. అందుకు 100 అడుగుల పొడవైన ట్రక్ ను తీసుకువచ్చారు. దానికి 140 చక్రాలు, 14 యాక్సిల్స్ ఉన్నాయి.

Netaji statue Sourced from Telangana quarry: 1665 కిలోమీటర్లు..

ఖమ్మంలోని ఆ క్వారీ నుంచి దగ్గర్లోని జాతీయ రహదారికి పక్కా రోడ్డు లేదు. అందువల్ల మొదట జాతీయ రహదారి వరకు ఒక రోడ్డును నిర్మించారు. అయినా, ఆ రోడ్డులో వెళ్తండగా ఆ ట్రక్ 42 టైర్లు పగిలి పోయాయి. వాటిని మార్చి మళ్లీ ప్రయాణం ప్రారంభించారు. తెలంగాణ నుంచి ఐదు రాష్ట్రాల గూండా 1665 కిలో మీటర్లు ప్రయాణించి సురక్షితంగా ఆ ట్రక్ గమ్యం చేరుకుంది.

Netaji statue Sourced from Telangana quarry: ఏ మార్గంలో..

మొదట మహారాష్ట్రలోని నాగ్ పూర్ కు, అక్కడి నుంచి మధ్య ప్రదేశ్ ద్వారా ఉత్తర ప్రదేశ్ కు, అక్కడి నుంచి హరియాణా ద్వారా ఢిల్లీకి ఆ ట్రక్ ను చేర్చారు. మే 22 న ప్రారంభమైన ఆ ప్రయాణం జూన్ 2 న ముగిసింది.

Netaji statue Sourced from Telangana quarry: అరుణ్ యోగిరాజ్ టీమ్

అనంతరం, ఆ గ్రానైట్ నుంచి అద్భుతమైన నేతాజీ విగ్రహాన్ని రూపొందించే కార్యక్రమాన్ని శిల్పి అరుణ్ యోగిరాజ్ టీమ్ చేపట్టింది. వారు దాదాపు 26 వేల పని గంటల పాటు శ్రమించి 65 మెట్రిక్ టన్నుల బరువు, 28 అడుగుల ఎత్తైన నేతాజీ విగ్రహాన్ని రూపొందించారు.