Man arrested for smoking: రైళ్లో చేస్తాం కదా.. అని విమానంలోనూ అదే పని చేశాడు.. అరెస్టయ్యాడు
17 May 2023, 21:31 IST
Man arrested for smoking: విమానంలో ధూమపానం చేసి ఒక వ్యక్తి అరెస్ట్ అయ్యాడు. నిబంధనలు తెలియకపోవడంతో విమానం టాయిలెట్ లో ప్రవీణ్ అనే వ్యక్తి బీడీ తాగాడు. దాంతో సిబ్బంది ఆయనను అరెస్ట్ చేశారు.
ప్రతీకాత్మక చిత్రం
Man arrested for smoking: తొలిసారి విమానంలో ప్రయాణించిన ఒక వ్యక్తి విమానం టాయిలెట్లో బీడీ తాగి అరెస్ట్ అయ్యాడు. ఇటీవల అహ్మదాబాద్ నుంచి బెంగళూరు వెళ్తున్న ఆకాశ ఎయిర్ విమానంలో ఈ ఘటన జరిగింది.
Man arrested for smoking: రైళ్లో తాగుతాం కదా అని..
ప్రవీణ్ కుమార్ అనే వ్యక్తి మంగళవారం అహ్మదాబాద్ నుంచి బెంగళూరుకు ‘ఆకాశ ఎయిర్ (Akasa Air)’ విమానంలో ప్రయాణిస్తున్నాడు. అతడు విమాన ప్రయాణం చేయడం ఇదే మొదటి సారి. అతడికి విమాన ప్రయాణాల్లో అనుసరించాల్సిన నిబంధనల గురించి తెలియదు. దాంతో, అతడు విమానం వెళ్తుండగా, టాయిలెట్ (toilet) లోకి వెళ్లి బీడీ (beedi) తాగాడు. ఈ విషయాన్ని గుర్తించిన విమాన సిబ్బంది ఆ వ్యక్తిని అదుపులోకి తీసుకుని, విమానం బెంగళూరు చేరుకున్న తరువాత విమానాశ్రయ పోలీసులకు అప్పగించారు. విమానంలో ధూమపానం చేయకూడదన్న విషయం తనకు తెలియదని ప్రవీణ్ పోలీసులకు తెలిపాడు. తాను సాధారణంగా రైళ్లో ప్రయాణిస్తున్న సమయంలో, రైళ్లోని టాయిలెట్లోకి వెళ్లి, బీడీ తాగుతుంటానని వివరించాడు. అలాగే, విమానంలో కూడా టాయిలెట్ లోకి వెళ్లి బీడీ తాగానని వివరించాడు. అయితే, నిబంధనలను ఉల్లంఘిస్తూ సహ ప్రయాణికుల ప్రాణాలకు ప్రమాదకరంగా వ్యవహరించినందుకు ప్రవీణ్ పై పోలీసులు కేసు నమోదు చేశారు. 1937 ఎయిర్ క్రాఫ్ట్ రూల్స్ ప్రకారం విమానంలో ధూమపానం పూర్తిగా నిషేధం. ఈ సిగరెట్స్ సహా అన్ని రకాల ధూమపానం పూర్తిగా నిషేధం. అయితే, ఇటీవలి కాలంలో ఈ నిబంధనను ప్రయాణికులు తరచుగా ఉల్లంఘిస్తున్నారు. ముఖ్యంగా టాయిలెట్లో ధూమపానం చేస్తున్నారు.