Kabza Release Date: ఉపేంద్ర-కిచ్చా సుదీప్ కబ్జ విడుదలకు ముహూర్తం ఫిక్స్.. పాన్ఇండియా రేంజ్‌లో సినిమా

Kabza Release Date కన్నడ హీరో ఉపేంద్రకు తెలుగులోనూ మంచి ఫాలోయింగ్ ఉంది. ఆయన పాతికేళ్ల క్రితం అతడు నటించిన ఉపేంద్ర సినిమా సూపర్ సక్సెస్ అందుకుంది. ఆ తర్వాత పలు డబ్బింగ్ సినిమాలతో పాటు కన్యాదానం, సన్నాఫ్ సత్యమూర్తి లాంటి సినిమాలతో తెలుగు ప్రేక్షకులకు సుపరిచితులయ్యారు. ప్రస్తుతం ఆయన నటిస్తున్న సరికొత్త చిత్రం కబ్జ. కిచ్చా సుదీప్ కూడా ఇందులో కీలక పాత్ర పోషిస్తున్నారు. తాజాగా చిత్రబృందం ఈ సినిమా విడుదలకు ముహూర్తం ఫిక్స్ చేసింది.

ఉపేంద్ర-కిచ్చా సుదీప్ కాంబోలో రాబోతున్న కబ్జ చిత్రాన్ని 2023 మార్చి 17న ప్రపంచ వ్యాప్తంగా ప్రేక్షకుల ముందుకు తీసుకురానుంది చిత్రబృందం. ఈ విషయాన్ని సోషల్ మీడియా వేదికగా తెలియజేసింది. భారతీయ సినిమాలో మరో పెద్ద విషయం కబ్జ చిత్రాన్ని మార్చి 17న విడుదల చేయనున్నామని ఉపేంద్ర సోషల్ మీడియా వేదికగా తెలియజేశారు.

ఇప్పటికే కబ్జ ఫస్ట్ లుక్, టీజర్‌ను విడుదల చేసిన చిత్రబృందం.. సినిమాపై అంచనాలను భారీగా పెంచేసింది. 1942 కాలం నాటి వాతావ‌ర‌ణాన్ని చూపిస్తూ ఇంటెన్స్‌గా టీజర్ ఉంది. పాన్ఇండియా స్థాయిలో విడుదల కానున్న ఈ సినిమా మరో కేజీఎఫ్ మాదిరిగా హిట్ అవుతుందని అంచనాలు వేస్తున్నారు.

1942 బ్యాక్ డ్రాప్ లో రూపొందుతున్న ఈ సినిమాకు ఆర్ చంద్రు దర్శకత్వం వహిస్తున్నాడు. ఇందులో తొలితరం గ్యాంగ్ స్టర్ గా ఉపేంద్ర కనిపించబోతున్నాడు. కన్నడ, తెలుగుతో పాటు మరో ఐదు భాషల్లో ఈ సినిమాను రిలీజ్ చేయబోతున్నారు. ఇందులో ఉపేంద్రకు జోడీగా శ్రియ (shriya) హీరోయిన్ గా నటిస్తోంది.