Meera Jasmine: నేషనల్ అవార్డ్ ఎవరికి వస్తుందో చూద్దాం.. హీరోయిన్ మీరా జాస్మిన్‌పై హీరో కామెంట్స్
03 October 2024, 15:04 IST
Share
Sree Vishnu Comments On Meera Jasmine In Swag: హీరోయిన్ మీరా జాస్మిన్ చాలా కాలం తర్వాత తెలుగులో నటించిన సినిమా స్వాగ్. శ్రీ విష్ణు హీరోగా నటించిన ఈ సినిమాలో రీతు వర్మ కూడా హీరోయిన్‌గా చేసింది. ఇటీవల జరిగిన స్వాగ్ ప్రీ రిలీజ్ ఈవెంట్‌లో మీరా జాస్మిన్‌పై శ్రీ విష్ణు ఇంట్రెస్టింగ్ కామెంట్స్ చేశారు.
నేషనల్ అవార్డ్ ఎవరికి వస్తుందో చూద్దాం.. హీరోయిన్ మీరా జాస్మిన్‌పై హీరో కామెంట్స్
Meera Jasmine Swag Sree Vishnu: భద్ర సినిమాతో తెలుగు వారికి బాగా దగ్గరైన హీరోయిన్ మీరా జాస్మిన్. పవన్ కల్యాణ్ గుడుంబా శంకర్ మూవీలో హీరోయిన్‌గా నటించిన మీరా జాస్మిన్ విపరీతమైన క్రేజ్ సంపాదించుకుంది. ఆ తర్వాత పలు సినిమాలు చేసిన మీరా జాస్మిన్ అనంతరం పెద్దగా కనిపించలేదు.
రాజ రాజ చోర డైరెక్టర్
ఇప్పుడు చాలా కాలం గ్యాప్ తర్వాత మీరా జాస్మిన్ తెలుగులో నటించిన సినిమా స్వాగ్. టాలెంటెడ్ హీరో శ్రీ విష్ణు నటించిన ఈ కామెడీ మూవీ స్వాగ్‌కు రాజ రాజ చోర డైరెక్టర్ హసిత్ గోలి దర్శకత్వం వహించారు. పీపుల్ మీడియా ఫ్యాక్టరీపై నిర్మాత టీజీ విశ్వప్రసాద్ నిర్మించిన ఈ సినిమాలో మీరా జాస్మిన్‌తోపాటు రీతూ వర్మ, దక్ష నాగర్కర్, శరణ్య ప్రదీప్ కూడా హీరోయిన్స్‌గా నటించారు.
టీజర్, ట్రైలర్‌తో బాగా మెప్పించిన స్వాగ్ సినిమా ప్రమోషనల్ కంటెంట్ ప్రేక్షకులను బాగా ఆకట్టుకుంటోంది. అక్టోబర్ 4న స్వాగ్ సినిమా థియేటర్లలో చాలా గ్రాండ్‌గా రిలీజ్ కానుంది. ఈ నేపథ్యంలో ప్రమోషన్స్‌లో భాగంగా ఇటీవల స్వాగ్ ప్రీ రిలీజ్ ఈవెంట్ నిర్వహించారు. ఈ కార్యక్రమంలో మీరా జాస్మిన్‌తోపాటు ఇతర హీరోయిన్స్‌పై హీరో శ్రీ విష్ణు ఇంట్రెస్టింగ్ కామెంట్స్ చేశాడు.
చాలా మంచి పర్ఫార్మెన్స్
"స్వాగ్ సినిమాలో కథతో పాటు అద్భుతమైన కామెడీ,. ప్యూర్ ఎమోషన్ ఉంటుంది. చాలా రోజుల పాటు ఇంపాక్ట్ ఉండిపోయే సినిమా ఇది. సినిమా చూసిన తర్వాత మీ పేరెంట్స్‌కి ఫోన్ చేస్తారు. మీరే వాళ్లని సినిమాకి తీసుకెళతారు. సినిమాని ఎవరూ మిస్ అవ్వరని నమ్ముతున్నాను. సునీల్ గారు రవిబాబు గారు, గోపరాజు గారు అందరూ చాలా మంచి పర్ఫార్మెన్స్‌లు ఇచ్చారు" అని శ్రీ విష్ణు తెలిపాడు.
"నేను చేసిన పాత్రలు కూడా చాలా బావొచ్చాయి. రీతుతో పదేళ్ల తర్వాత వర్క్ చేస్తున్నా. తను మంచి స్టొరీలు సెలెక్ట్ చేస్తుంటుంది. చాలా మంచి పర్ఫార్మర్. దక్ష చాలా పర్ఫామ్ చేసింది. మీరా జాస్మిన్ గారు నేషనల్ అవార్డ్ విన్నర్. ఈ సినిమాతో కూడా నేషనల్ అవార్డ్ వస్తుంది. ఆవిడకి వస్తుందో సినిమాకి వస్తుందో చూద్దాం (నవ్వుతూ)" అని శ్రీ విష్ణు సరదాగా కామెంట్స్ చేశాడు.
గెలిపిస్తారని కోరుకుంటున్నా
"శరణ్య గారిది గుర్తుండిపోయే పాత్ర. ఈ సినిమాలో పని చేసిన అందరికీ పేరు పేరునా థాంక్స్. అక్టోబర్ 4న థియేటర్స్‌కి వచ్చి మీరు గెలిచి నన్ను గెలిపిస్తారని మనస్పూర్తిగా కోరుకుంటున్నాను. అందరికీ థాంక్ యూ" అని స్వాగ్ ప్రీ రిలీజ్ ఈవెంట్‌లో శ్రీ విష్ణు కామెంట్స్ వైరల్ అవుతున్నాయి.
నటి శరణ్య ప్రదీప్ మాట్లాడుతూ.. "శ్రీ విష్ణు గారిని మెచ్చుకోవాలి. ఒక్కొక్క క్యారెక్టర్‌కి ఒక్కొక్క వేరియేషన్. ఆయనతో వర్క్ చేయడం చాలా ఆనందాన్నిచ్చింది. అందరూ చాలా హార్డ్ వర్క్ చేసి చేసిన సినిమా ఇది. అక్టోబర్ 4 కోసం ఈగర్‌గా వెయిట్ చేస్తున్నాను. ఈ సినిమాలో నన్ను ఎంపిక చేసిన డైరెక్టర్ హర్షిత్ గారికి థాంక్యూ. ఎంతగానో సపోర్ట్ చేసిన నిర్మాతలకి థాంక్స్. చాలా మంచి కంటెంట్ ఉన్న సినిమా ఇది. తప్పకుండా అందరికీ నచ్చుతుంది" అని తెలిపారు.