Naveen Polishetty on Ram Charan: చరణ్ ట్వీట్‌కు నాటు నాటు స్టెప్ వేస్తున్న హీరో.. ఫుల్ ఖుష్..!

Naveen Polishetty on Ram Charan: జాతిరత్నాలు తర్వాత నవీన్ పోలిశెట్టి నటిస్తున్న సరికొత్త చిత్రం మిస్ శెట్టి మిస్టర్ పోలిశెట్టి. చాలా కాలం గ్యాప్ తర్వాత ఇందులో అనుష్క హీరోయిన్‌గా చేస్తోంది. ఇటీవలే ఈ సినిమాకు సంబందించిన టీజర్‌ను విడుదల చేసింది. టీజర్ ఆకట్టుకోవడంతో సర్వత్రా మంచి రెస్పాన్స్ లభిస్తోంది. సెలబ్రెటీలు సైతం అనుష్క, నవీన్‌లను అభినందిస్తున్నారు. ఇందులో భాగంగా మెగా పవర్ స్టార్ రామ్ చరణ్ కూడా ఈ మూవీ టీజర్‌పై ప్రశంసలు కురిపిస్తూ ట్వీట్ చేశారు. దీంతో నవీన్ పోలిశెట్టి ఫుల్ ఖుషీ అవుతున్నాడు. చరణ్‌కు ధన్యవాదాలు చెప్పడమే కాకుండా వినూత్నంగా ధన్యవాదాలు తెలిపాడు.

రామ్ చరణ్ మిస్టర్ శెట్టి మిస్టర్ పోలిశెట్టి మూవీ టీజర్‌ను ప్రశంసిస్తూ ట్వీట్ చేశాడు. "మిస్టర్ శెట్టి మిస్టర్ పోలిశెట్టి టీజర్ చాలా బాగుంది. చూసేందుకు చాలా రిఫ్రెషింగ్‌గా అనిపించింది. ఈ సినిమా టీమ్ మొత్తానికి గుడ్ లక్ చెబుతున్నాను" అంటూ చరణ్ తన స్పందనను మైక్రో బ్లాగింగ్ సైట్ ద్వారా తెలియజేశారు. చరణ్ తమ సినిమా గురించి పోస్టు పెట్టడంతో తెగ సంబరపడిపోయిన నవీన్ తన ఆనందాన్ని ట్వీట్ రూపంలో వ్యక్త పరిచాడు.

రామ్ చరణ్ గారు మీకు థ్యాక్స్. మీ ట్వీట్ చూసి మేమంతా నాటు నాటు స్టెప్ వేస్తున్నాం. గేమ్ ఛేంజర్ లాంటి సినిమాను ఎంచుకొని మాకు స్ఫూర్తి నింపుతున్న మీకు ధన్యవాదాలు. అంటూ నవీన్ పోలిశెట్టి తన సంతోషాన్ని తెలియజేశాడు. అనుష్క శెట్టి కూడా చరణ్‌కు ధన్యవాదాలు తెలిపింది. "సో స్వీట్ ఆఫ్ యూ చరణ్.. మీ భార్య ఉపాసనతో కలిసి మీరు మిస్టర్ శెట్టి మిస్టర్ పోలిశెట్టి మూవీని చూడాలని కోరుతున్నాను" అంటూ ట్వీట్ చేసింది స్వీటీ.

నవీన్ పోలిశెట్టి, అనుష్క కలిసి నటించిన మిస్టర్ శెట్టి మిస్టర్ పోలిశెట్టి మూవీ టీజర్ ఇటీవలే విడుదలైంది. యూవీ క్రియేషన్స్ పతాకంపై మహేష్ బాబు పీ ఈ సినిమాకు దర్శకత్వం వహించారు. తెలుగుతో పాటు తమిళం, కన్నడ, మలయాళంలోనూ ఈ మూవీ విడుదల కానుంది. జయసుధ, మురళీ శర్మ, తులసి తదితరులు ఇందులో కీలక పాత్రలు పోషించారు. రాధన్ సంగీతాన్ని సమకూర్చారు.