OTT Trending: ఓటీటీలో కడుపుబ్బా నవ్విస్తోన్న కామెడీ సినిమా.. టాప్ 1లో ట్రెండింగ్.. ఎక్కడ చూస్తారంటే?

My Dear Donga OTT Release: ఓటీటీలో ఎన్నో సినిమాలు అలరించేందుకు రిలీజ్ అయి సందడి చేస్తుంటాయి. కానీ, వాటిలో కొన్ని మాత్రమే ఆ జోనర్‌కు తగిన రీతిలో ఎంటర్టైన్ చేస్తాయి. అలా తాజాగా కామెడీ జోనర్‌లో వచ్చిన ఓ సినిమా పూర్తి స్థాయిలో ప్రేక్షకులను కడుపుబ్బా నవ్విస్తోంది. దాంతో ఓటీటీలో టాప్ 1 ప్లేసులో ట్రెండింగ్‌లో దూసుకుపోతోంది ఆ మూవీ.

కామెడీ జోనర్‌లో

ఆ సినిమా పేరే మై డియర్ దొంగ. కమెడియన్ అభినవ్ గోమఠం హీరోగా రూపొందిన సినిమానే మై డియర్ దొంగ. కామెడీ జోనర్‌గా వచ్చిన ఈ సినిమాలో శాలిని కొండెపూడి, సుందరం మాస్టర్ ఫేమ్ దివ్య శ్రీపాదతోపాటు నిఖిల్ గాజుల, శశాంక్ కొత్త నటులు యాక్ట్ చేశారు. వీరితోపాటు ఫస్ట్ డే ఫస్ట్ షో డైరెక్టర్ అండ్ యాక్టర్ వంశీధర్ గౌడ్ సైతం నటించి మెప్పించారు.

ఆహా ఓటీటీలో స్ట్రీమింగ్

మై డియర్ దొంగకు శాలిని స్వీయ రచన చేయగా.. బీఎస్ సర్వజ్ఞ కుమార్ దర్శకత్వం వహించారు. క్యామ్ ఎంటర్టైన్‌మెంట్ బ్యానర్‌పై గోజల మహేశ్వర్ రెడ్డి ఈ మూవీని నిర్మించారు. అప్పటికే ట్రైలర్, ఫస్ట్ లుక్ పోస్టర్స్ ద్వారా బాగా అట్రాక్ట్ చేసిన మై డియర్ దొంగ సినిమా ప్రముఖ తెలుగు ఓటీటీ ఆహాలో స్ట్రీమింగ్‌కు విడుదలైంది.

టాప్ 1లో ట్రెండింగ్

ఏప్రిల్ 19 నుంచి ఆహాలో మై డియర్ దొంగ ఓటీటీ స్ట్రీమింగ్‌కు వచ్చింది. తొలి రోజు నుంచే సినిమాకు మంచి రెస్పాన్స్ రావడం మొదలైంది. దాంతో ఇప్పుడు ఆహా ఓటీటీ టాప్ 1 ప్లేసులో ట్రెండింగ్‌లో నిలిచింది మై డియర్ దొంగ సినిమా. సినిమాకు ప్రధాన హైలెట్‌గా శాలిని కొండెపూడి రచన అని రివ్యూలు చెబుతున్నాయి.

మెచ్చుకునేలా రైటింగ్స్, డైలాగ్స్

సినిమాలో అభినవ్ గోమఠం కామెడీ టైమింగ్, శాలిని రైటింగ్స్, డైలాగ్స్ బాగా మెప్పించేలా ఉన్నాయని సమాచారం. ఇక ఓ కీలక పాత్రలో నటించిన వంశీధర్ గౌడ్ నటన కూడా బాగా అట్రాక్ట్ చేస్తోందని తెలుస్తోంది. సినిమాలో కెమెరాకు చూస్తూ, ఈతరం అమ్మాయిలా బిహేవ్ చేసే సుజాతగా శాలిని ఇచ్చిన ఎక్స్‌ప్రెషన్స్ బాగా ఆకట్టుకున్నట్లు టాక్.

అంతా ఇగ్నోర్ చేసిన అమ్మాయికి

లవర్, బెస్ట్ ఫ్రెండ్ ఇలా అందరూ ఇగ్నోర్ చేస్తున్న ఓ అమ్మాయికి ఇంట్లో పడిన దొంగతో పరిచయం ఎలా అయింది?. అసలు దొంగతో ఆ అమ్మాయి ఎందుకు ఫ్రెండ్‌షిప్ చేసింది? వారి ఫ్రెండ్‌షిప్ తన లవ్ రిలేషన్‌షి‌ప్‌పై ఎలాంటి ప్రభావం చూపింది? ఆ యువతికి ఉన్న కుటుంబ నేపథ్యం ఏంటీ అనే అన్ని విషయాలను కామెడీగానే చూపించారు.

గంట 40 నిమిషాల రన్ టైమ్

ఇలా గంట 40 నిమిషాలు ఉన్న మై డియర్ దొంగ ఆద్యంతం ఆకట్టుకునేలా ఉన్నట్లు రివ్యూలు చెబుతున్నాయి. ఈ సినిమాను ఇంకా చూడనివారు ఈ వీకెండ్‌కు ఫ్యామిలీతో కలిసి ఎంచక్కా చూసేయొచ్చు. ఉండి ఉండనట్లుగా ఉన్న ఓ లిప్ లాక్ సీన్ మాత్రం కాస్తా ఇబ్బందిపెట్టవచ్చు. ఈ సీన్‌ను గమనించేలోపే పూర్తయిపోతుంది కాబట్టి.. కుటుంబంతో కలిసి హ్యాపీగా మై డియర్ దొంగ చూసేయొచ్చు.