Madhura Nagarilo Serial on Star Maa: బిగ్‌బాస్ ఫేమ్ కీర్తి భ‌ట్ కొత్త సీరియ‌ల్ మ‌ధురాన‌గ‌రిలో ప్రారంభం - టైమింగ్స్ ఇవే

Madhura Nagarilo Serial on Star Maa: బిగ్‌బాస్ సీజ‌న్ 6తో మంచి గుర్తింపును సొంతం చేసుకున్న‌ది కీర్తిభ‌ట్‌. సెకండ్ ర‌న్న‌ర‌ప్‌గా నిలిచి ప్రేక్ష‌కాభిమానాన్ని చూర‌గొన్న‌ది. బిగ్‌బాస్ త‌ర్వాత కొత్త సీరియ‌ల్ మ‌ధురాన‌గ‌రిలోతో బుల్లితెర ప్రేక్ష‌కుల ముందుకొచ్చింది కీర్తిభ‌ట్‌. స్టార్‌మాలో మార్చి 14 నుంచి ఈ సీరియ‌ల్ ప్రారంభ‌మైంది.

సోమ‌వారం నుంచి శ‌నివారం వ‌ర‌కు ప్ర‌తిరోజు మ‌ధ్యాహ్నం రెండు గంట‌ల‌కు స్టార్‌మాలో ఈ సీరియ‌ల్ టెలికాస్ట్ కానుంది. ఈ సీరియ‌ల్‌లో రాధిక అనే వెడ్డింగ్ ప్లాన‌ర్ పాత్ర‌లో కీర్తి భ‌ట్ న‌టిస్తోంది. అంద‌రికి పెళ్లి సంబంధాలు కుదిర్చే రాధిక జీవితంలో మాత్రం వివాహ బంధానికి చోటు ఎందుకు లేద‌నే క‌థాంశంతో ఈ సీరియ‌ల్ రూపొందుతోంది.

మ‌ధురాన‌గ‌రిలో సీరియ‌ల్‌లో నాగార్జున‌, ఆదిత్య రెడ్డి ప్ర‌ధాన పాత్ర‌ల్లో న‌టిస్తున్నారు. ఏ హై చాహ‌తేన్ అనే హిందీ సీరియ‌ల్‌కు రీమేక్‌గా మ‌ధురాన‌గ‌రిలో సీరియ‌ల్ రూపొందింది. బిగ్‌బాస్ ద్వారా కీర్తికి వ‌చ్చిన పాపులారిటీ ఈ సీరియ‌ల్‌కు చాలా హెల్ప్ అవుతోంద‌ని మేక‌ర్స్ భావిస్తోన్నారు. కాగా తెలుగులో మ‌న‌సిచ్చిచూడు అనే సీరియ‌ల్‌తో ఎంట్రీ ఇచ్చింది కీర్తి భ‌ట్‌. కార్తీక‌దీపంతో పాటు మ‌రికొన్ని సీరియ‌ల్స్‌లో న‌టించింది.