Shakuntalam OTT Release : ఆ ఓటీటీలోనే సమంత 'శాకుంతలం' సినిమా

గుణశేఖర్ దర్శకత్వంలో పాన్ ఇండియా చిత్రంగా తెరెకెక్కిన సినిమా శాకుంతలం. ప్రధాన పాత్రలో నటించింది సమంత(Samantha). ఈ సినిమాపై భారీ అంచనాలే ఉన్నాయి. శకుంతల పాత్రలో సమంత కనిపిస్తుండగా.. ఆమె సరసన దుష్యంతుడి పాత్రలో మలయాళ హీరో దేవ్ మోహన్(Dev Mohan) నటించాడు. ఈ సినిమాలో అల్లు అర్జున్(allu Arjun) కుమార్తె అల్లు అర్హ(Allu Arha) కూడా ఎంట్రీ ఇస్తోంది. ఇటీవలే విడుదల చేసిన ట్రైలర్ ఆకట్టుకుంటోంది. అయితే గ్రాఫిక్స్ మీద కాస్త నెగటివ్ ప్రచారం జరిగింది.

శాకుంతలం సినిమా(Shakuntalam) వచ్చే నెలలో విడుదలకు సిద్ధమవుతోంది. గుణశేఖర్ టీమ్ ఈ ప్రతిష్టాత్మక ప్రాజెక్ట్‌కి తుది మెరుగులు దిద్దడంలో బిజీగా ఉంది. మరోవైపు ఈ చిత్రం డిజిటల్, శాటిలైట్ హక్కుల విషయానికి వస్తే మంచి వసూళ్లు రాబట్టినట్టుగా తెలుస్తోంది. తాజా సమాచారం ప్రకారం, శాకుంతలం OTT హక్కులను అమెజాన్(Amazon) భారీ ధరకు కొనుగోలు చేసింది. మేకర్స్ నుంచి అధికారిక ప్రకటన రావాల్సి ఉంది.

శాకుంతలం ఫిబ్రవరి 17, 2023న తెలుగు, హిందీ, తమిళం, మలయాళం, కన్నడ భాషల్లో విడుదల కానుంది. శాకుంత‌లం సినిమాలో టైటిల్ పాత్రలో స‌మంత క‌నిపిస్తోంది. మ‌హాభార‌తంలోని దుష్యంతుడు, శ‌కుంత‌ల ప్రేమ‌క‌థ ఆధారంగా ద‌ర్శకుడు గుణ‌శేఖ‌ర్(Guna Shekar) ఈ సినిమాను తెర‌కెక్కించాడు. దుష్యంతుడిగా మ‌ల‌యాళ న‌టుడు దేవ్ మోహ‌న్ న‌టిస్తున్నాడు. దుర్వాస మ‌హామునిగా మోహ‌న్ బాబు(Mohan Babu) క‌నిపించాడు. గౌత‌మి, సుబ్బ‌రాజుతో పాటు ప‌లువురు టాలీవుడ్(Tollywood) న‌టీన‌టులు కీల‌క పాత్ర‌ల్ని పోషించారు.

2015 పీరియాడికల్ డ్రామా 'రుద్రమదేవి' తర్వాత.. 7 సంవత్సరాల అనంతరం గుణశేఖర్ తీస్తున్న సినిమా ఇది. సమంత స్టార్ డమ్, గుణశేఖర్ డైరక్షన్ నడుమ భారీ అంచనాలతో సినిమా విడుదల కానుంది. ఓటీటీ రైట్స్(OTT Rights) కూడా భారీ ధరకే అమ్ముడుపోయాయి. సమంత స్టార్ డమ్ కారణంగానే ధర ఎక్కువగా పెట్టారని తెలుస్తోంది.

సమంత నటించిన యశోద, ది ఫ్యామిలీ మ్యాన్ 2 వెబ్ సిరీస్, అత్తారింటికి దారేది, మజిలీ, జాను, రంగస్థలం, యూ టర్న్, సీతమ్మ వాకిట్లో సిరిమల్లె చెట్టులాంటి సినిమాలు అమెజాన్ ప్రైమ్ వీడియోలోనే ఉన్నాయి.