Gold investment : ‘గోల్డ్​’లో.. స్టాక్​ మార్కెట్​కి మించిన రిటర్నులు- ఇన్​వెస్ట్​ చేస్తున్నారా?

భారత స్టాక్​ మార్కెట్​లు గత కొన్నేళ్లుగా దూసుకెళుతున్నాయి. 2024లోనూ భారీగా పెరిగాయి. అయితే దేశీయ స్టాక్​ మార్కెట్​లకు మించి 'గోల్డ్​' వృద్ధి చెందుతుడటం ఇప్పుడు అందరి దృష్టిని ఆకర్షించింది. ఈ ఏడాది కాలం (వైటీడీ)లో బంగారం ధరలు యూఎస్ డాలర్ పరంగా 28% పెరిగాయి! ఇది భారత స్టాక్ మార్కెట్ ఫ్రంట్ లైన్ సూచీల రాబడుల కన్నా చాలా ఎక్కువ! వైటీడీ పరంగా నిఫ్టీ 50 20 శాతానికి పైగా లాభపడింది. బీఎస్ఈ సెన్సెక్స్ దాదాపు 18.50 శాతం, నిఫ్టీ బ్యాంక్ ఇండెక్స్ 11.60 శాతం పెరిగాయి. బంగారంలో ఇన్​వెస్ట్​ చేయడం ఎంత ముఖ్యమో ఇది మరింత స్పష్టంగా తెలియజేస్తుంది.

బంగారం పైపైకి..

అమెరికా ఫెడ్ రేట్ల కోత వంటి పరిణామాలు అటు ఈక్విటీ, ఇటు గోల్డ్​ పెరుగుదలకు ఒక కారణం అని మార్కెట్​ నిపుణులు చెబుతున్నారు. అయితే మధ్యప్రాచ్యం, ఆగ్నేయాసియాలో భౌగోళిక రాజకీయ ఉద్రిక్తతల వల్ల ఈక్విటీ ర్యాలీకి బ్రేకులు పడ్డాయని కమోడిటీ మార్కెట్ నిపుణులు చెబుతున్నారు. ప్రపంచవ్యాప్తంగా కేంద్ర బ్యాంకుల బంగారం కొనుగోళ్లు, పెరుగుతున్న అమెరికా రుణాలు, ఆర్థిక ఆందోళనలు, గోల్డ్ ఈటీఎఫ్​లలో ఇన్​ఫ్లో కూడా ఈక్విటీల కంటే గోల్డ్​కి అనుకూలంగా ఉన్నాయని వారు తెలిపారు.

2024లో బంగారం ధరల ర్యాలీకి ట్రిగ్గర్​లు..

"బంగారం అద్భుతమైన పనితీరు వెనుక ప్రధాన కారణాలు.. యూఎస్​లో రేట్ల డౌన్​ సైకిల్​ ప్రారంభం కావడం, రాబోయే సమావేశాలలో మరిన్ని రేట్ల కోతపై బలమైన అంచనాలు ఉండటం. ఇజ్రాయెల్, లెబనాన్ మధ్య భౌగోళిక రాజకీయ ఉద్రిక్తతలు కూడా బంగారం ధరలను పెంచడానికి కారణమవుతున్నాయి," అని కామా జ్యువెలరీ ఎండీ కొలిన్ షా అన్నారు,

"బంగారం ధరలు అంతర్జాతీయ మార్కెట్​లో 2700 డాలర్లకు దగ్గరగా, దేశీయ మార్కెట్​లో రూ .75,400 కు పైగా చేరుకున్నాయి. ఈ ఏడాది ఇప్పటి వరకు బంగారం ఐఎన్ఆర్ పరంగా 29 శాతం, యూఎస్​డీ రూపంలో 28 శాతానికి పైగా రాబడులను నమోదు చేసింది. ప్రస్తుత సంవత్సరం (వైటీడీ) లాభాలు గత 14 సంవత్సరాలలో అత్యధికం (డాలర్ - ఐఎన్ఆర్ పరంగా). గత 15 ఏళ్లలో పసిడి సగటున 11.7% రాబడిని అందించింది. బంగారం 15 సంవత్సరాల్లో 12 సంవత్సరాలలో సానుకూల రాబడులను అందించడం విశేషం. 2013, 2015, 2021 లో ప్రతికూల రాబడులను నమోదు చేసింది. ఆసక్తికరమైన విషయం ఏమిటంటే, ప్రస్తుత సంవత్సరం (వైటిడి) గోల్డ్ రిటర్న్స్ ఐఎన్ఆర్ పరంగా నిఫ్టీ నమోదు చేసిన రాబడులను అధిగమించాయి, అని షా చెప్పారు.

పసిడి ధరల ర్యాలీకి టాప్ 5 కారణాలు..

నిఫ్టీ50, సెన్సెక్స్, నిఫ్టీ బ్యాంక్ రాబడులను అధిగమించడానికి బంగారం ధరలకు దోహదపడిన మొదటి ఐదు కారణాల గురించి అడిగినప్పుడు, ఎస్​ ఎస్ వెల్త్ స్ట్రీట్​కి చెందిన సుగంధ సచ్ దేవా ఈ ఐదు కారణాలను వెల్లడించారు.

1] భౌగోళిక రాజకీయ ఉద్రిక్తత: ముఖ్యంగా మధ్యప్రాచ్య ప్రాంతంలో పెరుగుతున్న ఘర్షణలు, కొనసాగుతున్న రష్యా-ఉక్రెయిన్ యుద్ధం ప్రపంచ అనిశ్చితులను పెంచాయి. భౌగోళిక రాజకీయ అస్థిరతలో, పెట్టుబడిదారులు తమ సంపదను రక్షించుకోవడానికి బంగారం వంటి సురక్షితమైన అసెట్స్​ వైపు మొగ్గు చూపుతారు. ఇది డిమాండ్- ధరలను పెంచుతుంది.

2. అమెరికా ఫెడరల్- ఫెడ్​ ఇటీవల రుణ వ్యయాలను 50 బేసిస్ పాయింట్లు తగ్గించింది. మరింత కోతలు విధించవచ్చని అంచనా వేయడంతో అమెరికా డాలర్ బలహీనపడింది, ఈ సంవత్సరం చివరి నాటికి ఇది 75 బీపీఎస్ అదనంగా ఉంటుంది! మృదువైన డాలర్ బంగారం ఆకర్షణను పెంచుతుంది. ఇది తక్కువ వడ్డీ రేటు వాతావరణంలో విలువైన నిల్వగా మరింత ఆకర్షణీయంగా మారుతుంది. చైనా ఇటీవలి ఆర్థిక వ్యవస్థకు ఉద్దీపన చర్యలు చేయడంతో అవి బంగారం పెరుగుదలకు ఆజ్యం పోశాయి.

3. సెంట్రల్ బ్యాంకుల ద్వారా బంగారం కొనుగోళ్లు: అమెరికా డాలర్​పై ఆధారపడటాన్ని తగ్గించడానికి కేంద్ర బ్యాంకులు, ముఖ్యంగా వర్ధమాన మార్కెట్లు పసిడి కొనుగోళ్లను పెంచాయి. ఈ భారీ స్థాయి కొనుగోళ్ల కారణంగా ఏడాది పొడవునా గోల్డ్​ ఇన్​వెస్ట్​మెంట్​ వృద్ధి చెందుతూనే ఉన్నాయి.

4. గోల్డ్ ఈటీఎఫ్​ల జోరు: గోల్డ్ ఎక్స్​ఛేంజ్​ ట్రేడెడ్ ఫండ్స్ (ఈటీఎఫ్)లపై ఇన్వెస్టర్ల ఆసక్తి గత నాలుగు నెలలుగా గణనీయంగా పుంజుకుంది. గ్లోబల్ గోల్డ్ ఈటిఎఫ్ హోల్డింగ్స్ ఆగస్టులో 2.1 బిలియన్ డాలర్లు పెరిగాయి.

5] పెరుగుతున్న అమెరికా రుణం, ఆర్థిక ఆందోళనలు: అమెరికా జాతీయ రుణం రికార్డు స్థాయిలో 34 ట్రిలియన్ డాలర్లకు పెరిగింది. ఇది ఆర్థిక సుస్థిరతపై ఆందోళనలను తీవ్రతరం చేసింది. అధిక వడ్డీ రేట్ల కారణంగా రుణ సేవల వ్యయం పెరగడంతో, ఆర్థిక అస్థిరత, కరెన్సీ క్షీణత భయాలు కారణంగా ఇన్వెస్టర్లు గోల్డ్​పై ఫోకస్​ చేశారు.

రానున్న రోజుల్లో ఎలా ఉంటుంది?

బంగారం ధరలు మరింత పెరిగే అవకాశం ఉందని కామా జ్యువెలరీకి చెందిన కొలిన్ షా తెలిపారు. “పండుగ సీజన్ ప్రారంభంతో బంగారానికి డిమాండ్ బలంగా ఉంటుందని భావిస్తున్నాము. మంచి వర్షాకాల సంవత్సరం గ్రామీణ డిమాండ్​ని పెంచుతుంది. బంగారం ధరలు ప్రస్తుతం 2700 డాలర్ల స్థాయిని టెస్ట్​ చేస్తున్నాయి. ఇది 3000 డాలర్ల స్థాయిని తాకవచ్చు. దేశీయ మార్కెట్ ధరలు మధ్యకాలికంగా రూ.78,000 దాటవచ్చు,” అని అంచనా వేశారు.

(గమనిక:- ఇది కేవలం సమాచారం కోసం రూపొందించిన కథనం మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా ఇన్​వెస్ట్​మెంట్​ చేసే ముందు సెబీ రిజిస్టర్డ్​ ఫైనాన్షియల్​ అడ్వైజర్​ని సంప్రదించడం శ్రేయస్కరం.)