What is Gold ETF : గోల్డ్​ ఈటీఎఫ్​ అంటే ఏంటి? ఇన్​వెస్ట్​ చేయొచ్చా?

Gold ETF meaning in Telugu : గోల్డ్​ని ఒక ఇన్​వెస్ట్​మెంట్​ ఆప్షన్​ అని చాలా మంది చూస్తూ ఉంటారు. కానీ వారిలో చాలా మంది ఇక్కడే ఒక తప్పు చేస్తారు! గోల్డ్​ని ఫిజకల్​గా కొని, అదే ఇన్​వెస్ట్​మెంట్​ అనుకుంటే.. పెద్ద తప్పు చేసినట్టే! ఫిజకల్​ గోల్డ్​తో భవిష్యత్తులో వచ్చే రిటర్నులు చాలా తక్కువ. అందుకే.. గోల్డ్​ని కేవలం ఇన్​వెస్ట్​మెంట్​ కోసం చూస్తున్నట్టు అయితే.. సావరిన్​ గోల్డ్​ బాండ్స్​, డిజిటల్​ గోల్డ్​, గోల్డ్​ ఈటీఫ్​లలో ఇన్​వెస్ట్​ చేయాలని నిపుణులు సూచిస్తూ ఉంటారు. మరీ ముఖ్యంగా.. గోల్డ్​ ఈటీఫ్​కు ఈ మధ్య కాలంలో డిమాండ్​ పెరుగుతోంది. ఈ నేపథ్యంలో.. అసలేంటి ఈ గోల్డ్​ ఈటీఎఫ్​? దీనితో ప్రయోజనం ఉంటుందా? అసలు మంచి ఈటీఎఫ్​ని ఎలా సెలక్ట్​ చేసుకోవాలి? వంటి వివరాలను ఇక్కడు తెలుసుకోండి..

గోల్డ్​ ఈటీఎఫ్​ అంటే ఏంటి..?

ఈటీఎఫ్​ అంటే ఏంటో మీకు తెలుసా? ఈటీఎఫ్​ అంటే.. 'ఎక్స్​ఛేంజ్​ ట్రేడెడ్​ ఫండ్​'. ఇది మ్యూచువల్​ ఫండ్​​ సిస్టెమ్​ని పోలి ఉంటుంది. మ్యూచువల్​ ఫండ్స్​లో చాలా స్టాక్స్​ను ఒక్క చోటకు తీసుకొచ్చి పూలింగ్​ చేస్తారు. వాటిని యూనిట్​లుగా అమ్ముతారు. ఈటీఎఫ్​లు కూడా అంతే! కానీ మ్యూచువల్​ ఫండ్స్​, ఈటీఎఫ్​కు ఒక ప్రధాన డిఫరెన్స్​ ఉంది. అదేంటంటే.. మ్యూచువల్​ ఫండ్స్​ కోసం ఫండ్​ హౌజ్​లలో ఇన్​వెస్ట్​ చేయాలి. కానీ ఈటీఎఫ్​లలో మనం, మన సొంతంగా డిమ్యాట్​ అకౌంట్​ని క్రియేట్​ చేసుకుని, వాటిని కొనుగోలు చేసుకోవాల్సి ఉంటుంది. అటే.. సాధారణ స్టాక్స్​ను ఎలా కొని, విక్రయిస్తామో.. ఈటీఎఫ్​లు కూడా అంతే అని అర్థం.

What is Gold ETF : మామూలు ఈటీఎఫ్​ అంటే.. స్టాక్స్​ని కొని, అమ్మడం. గోల్డ్​ ఈటీఎఫ్​ అంటే.. గోల్డ్​ని కొని అమ్మడం! గోల్డ్​ ఈటీఎఫ్​తో వచ్చే యూనిట్​లు.. హై ప్యూరిటీతో కూడిన ఫిజికల్​ గోల్డ్​తో సమానం. లాంగ్​ టర్మ్​ కోసం పెట్టుబడులు చేస్తూ, వాటిని విక్రయించిన తర్వాత డబ్బులను పొందవచ్చు.

గోల్డ్​ ఈటీఎఫ్​ లాభాలు ఇవే..

జ్యువెలరీ షాప్​కు వెళ్లి గోల్డ్​ కొంటే.. తరుగు, మేకింగ్​ ఛార్జీలు వంటి ఖర్చులు ఎక్కువగా ఉంటాయి. ఈ విషయం అందరికి తెలిసిందే. కానీ గోల్డ్​ ఈటీఎఫ్​లో అలాంటి బాధలు అస్సలు ఉండవు!

మార్కెట్​లో ఉండే వాట్​, సేల్స్​ ట్యాక్స్​, వెల్త్​ ట్యాక్స్​ వంటి ట్యాక్స్​ తిప్పలు.. ఈ గోల్డ్​ ఈటీఎఫ్​లలో ఉండవు.

Best Gold ETF in India : ఈ గోల్డ్​ ఈటీఎఫ్​ను 'హెడ్జింగ్​' కోసం కూడా ఉపయోగిస్తూ ఉంటారు. అంటే.. అనిశ్చితి సమయాల్లో స్టాక్​ మార్కెట్​లు పడుతుంటాయి. అది సహజం. అదే సమయంలో గోల్డ్​ పెరుగుతుండటాన్ని మీరు ఎప్పుడైనా గమనించారు? గోల్డ్​ని సేఫ్​ హెవెన్ అని అందుకే అంటారు​. స్టాక్స్​లో నుంచి తీసిన డబ్బులు.. ఇలా గోల్డ్​వైపు మళ్లిస్తరు. ఫలితంగా.. గోల్డ్​ ఈటీఎఫ్​తో మన ఇన్​వెస్ట్​మెంట్​ను డైవర్సిఫైడ్​ చేసుకోవచ్చు కూడా.

కానీ ఒక్క విషయం.. ఈ ఈటీఎఫ్​లపై లాంగ్​ టర్మ్​ క్యాపిటల్​ గెయిన్స్​ ట్యాక్స్​ పడుతుందని గుర్తుపెట్టుకోవాలి.

గోల్డ్​ ఈటీఎఫ్​ని ఎంచుకోవడం ఎలా?

సాధారణంగా.. ఒక మ్యూచువల్​ ఫండ్​ను ఎంచుకునే ముందు.. దాని రిటర్నులు, ఫండ్​ మేనేజర్​, టైప్​, ఎక్స్​పెన్స్​ రేషియో వంటివి చూస్తాము కదా. ఒక స్టాక్​ని ఎంచుకునేడప్పుడు ఫండమెంటల్​ ఎనాలసిస్​ చేస్తాము కదా. అదే విధంగా.. గోల్డ్​ ఈటీఎఫ్​ను ఎంచుకునే ముందు కొన్ని ఫ్యాక్టర్స్​ని పరిగణలోకి తీసుకోవాల్సి ఉంటుంది. అవేంటంటే..

ట్రాకింగ్​ ఎర్రర్​..

What is the best Gold ETF to buy : ఈటీఎఫ్​లలో ట్రాకింగ్​ ఎర్రర్​ అన్న పదం ఎక్కువగా వినిపడుతుంది. మార్కెట్​లో బంగారం ధర ఎప్పటికప్పుడు మారుతూ ఉంటుంది కదా! నిర్దిష్ట సమయానికి బయట మార్కెట్​లో ఉన్న రేటు, గోల్డ్​ ఈటీఎఫ్​లోని ఎన్​ఏవీ (నెట్​ అసెట్​ వాల్యూ) రిఫ్లెక్ట్​ అవ్వకపోవచ్చు. దీనినే ట్రాకింగ్​ ఎర్రర్​ అంటారు. ప్రతి ఈటీఎఫ్​కు ఇది కచ్చితంగా ఉంటుంది. అయితే.. ట్రాకింగ్​ ఎర్రర్​ తక్కువగా ఉన్న గోల్డ్​ ఈటీఎఫ్​లను ఎంచుకోవడంతో మంచి లాభాలు చూడవచ్చు.

ట్రేడింగ్​ వాల్యూమ్​..

వాల్యూమ్​ అనేది ఈటీఎఫ్​లలో చాలా కీలకమైన విషయం అని తెలుసా? వాల్యూమ్​లు ఎంత ఎక్కువ ఉంటే.. లిక్విడిటీ అంత ఎక్కువ ఉంటుంది. కొనాలన్నా, అమ్మాలన్నా.. పని సులభంగా ఉంటుంది. లిక్విడిటీ లేని ఈటీఎఫ్​లలో పెట్టుబడులు పెట్టినా, సరైన బయ్యర్​ లేకపోతే విక్రయించే సమయంలో కాస్త కష్టపడాల్సి వస్తుంది.

ఎక్స్​పెన్స్​ రేషియో..

Gold ETF returns : అసెట్​ మేనేజ్​మెంట్​ కంపెనీ వసూలు చేసేదే ఈ ఎక్స్​పెన్స్​ రేషియో. మ్యూచువల్​ ఫండ్స్​లోనూ ఉంటుంది. కాకాపోతే.. మ్యూచువల్​ ఫండ్స్​ కన్నా ఈటీఎఫ్​లలో ఇది తక్కువగా ఉంటుంది. ఇది మనకి ఒక అడ్వాంటేజ్​.

స్టాక్​ మార్కెట్​లో నిఫ్టీ, సెన్సెక్స్​లని బెంచ్​ మార్క్​ ఇండెక్స్​లుగా భావిస్తారు. గోల్డ్​ ఈటీఎఫ్​లో అది.. గోల్డ్​బీస్​! ఇదే బెంచ్​ మార్క్​. దతంలో నిప్పాన్​ సంస్థకు చెందిన గోల్డ్​ ఈటీఎఫ్​ని.. ఇప్పుడు గోల్డ్​బీస్​ అని పిలుస్తున్నారు.