Tax on gold investment : గోల్డ్​లో ఇన్​వెస్ట్​ చేస్తున్నారా? ఈ ‘ట్యాక్స్’​ లెక్కలు తెలుసుకోండి..

Gold investment in 2024 : బంగారం ధర రోజురోజుకు పెరిగిపోతోంది. అన్ని ఆప్షన్స్​లో.. గోల్డ్​కి ‘సేఫ్​ హెవెన్​’ అని పేరు ఉంది. అంటే.. ఏలాంటి ఇన్​వెస్ట్​మెంట్​ ఇన్​స్ట్రుమెంట్స్​ పడినా.. గోల్డ్​ మాత్రం పెరుగుతూనే ఉంటుందని అంటూ ఉంటారు. ఇది నిజం కూడా! గత కొన్నేళ్లుగా గోల్డ్​ అమాంతం పెరిగిపోతూనే ఉంది. ఫలితంగా చాలా మంది గోల్డ్​లో ఇన్​వెస్ట్​మెంట్​ చేయాలని ప్లాన్​ చేస్తున్నారు. ఇందుకోసం అనేక ఆప్షన్స్​ ఉన్నాయి. ఆ వివరాలతో పాటు.. వాటిల్లో పడే పన్ను గురించి కూడా ఇక్కడ తెలుసుకోండి..

గోల్డ్ ఇన్​స్ట్రుమెంట్స్​పై ట్యాక్స్..

సావరిన్ గోల్డ్ బాండ్స్ (ఎస్​జీబీ)ని మినహాయిస్తే.. డిజిటల్ గోల్డ్, ఫిజికల్ గోల్డ్​పై పన్ను విధానం ఒకేలా ఉంటుంది. మరొక గుర్తించదగిన వ్యత్యాసం ఏమిటంటే.. డిజిటల్ బంగారం మాదిరిగా కాకుండా భౌతిక బంగారం తయారీ, నిల్వ ఖర్చును కలిగి ఉంటుంది. ఫలితంగా ‘ఇన్​వెస్ట్​మెంట్​’ రిటర్నులు తగ్గినట్టు అవుతుంది.

ఇక ఇప్పుడు.. వివిధ గోల్డ్​ ఇన్​వెస్ట్​మెంట్స్​కి ట్యాక్స్​ స్ట్రక్చర్​ ఎలా ఉందో ఇక్కడ చూద్దాము..

Tax on Sovereign gold bonds : సావరిన్ గోల్డ్ బాండ్స్ (ఎస్​జీబీ): సావరిన్​ గోల్డ్​ బాండ్​పై ప్రత్యేక ట్యాక్స్​ ట్రీట్​మెంట్​ ఉంటుంది. ఈ తరహా బాండ్స్​ని కొనుగోలు చేసిన మూడేళ్లలో సెకండరీ మార్కెట్లో విక్రయిస్తే.. స్లాబ్ రేటు ప్రకారం పన్ను విధిస్తారు.

అయితే మూడేళ్ల హోల్డింగ్ తర్వాత వాటిని విక్రయిస్తే.. ఇండెక్సేషన్ తర్వాత 20శాతం లాంగ్​ టర్మ్​ క్యాపిటల్​ గెయిన్స్​ ట్యాక్స్​ విధిస్తారు. ఒకవేళ మీరు వాటిని మెచ్యూరిటీ వరకు ఉంచితే మాత్రం.. అసలు పన్ను అనేది ఉండదు.

ఈ బాండ్ల కాలపరిమితి 8 సంవత్సరాలు. 5వ సంవత్సరం తర్వాత ముందస్తు రిడంప్షన్ ఆప్షన్ అందుబాటులో ఉంటుంది. ఈ బాండ్లు అందించే వార్షిక ఆదాయంపై శ్లాబ్ రేటు ప్రకారం 2.5 శాతం పన్ను విధిస్తారు.

గోల్డ్ ఎక్స్ఛేంజ్ ట్రేడెడ్ ఫండ్స్ (ఈటీఎఫ్): ఈటీఎఫ్​లను మీరు ఎప్పుడు విక్రయించినా ఆదాయపు పన్ను శ్లాబ్ ప్రకారం పన్ను విధిస్తారు.

Best ETF for Gold investments : ఫిబ్రవరి 29, 2024 నాటికి 17 గోల్డ్ ఈటీఎఫ్ పథకాలు యసెట్​ అండర మేనేజ్​మెంట్​ మొత్తం విలువ రూ .28,529 కోట్లు అని యాంఫీ డేటా చూపిస్తుంది.

ఫిజికల్ గోల్డ్ (నాణేలు/ బిస్కెట్లు): ఫిజికల్​ గోల్డ్ పన్ను​ విధానం డిజిటల్ బంగారం మాదిరిగానే ఉంటుంది. కొనుగోలు చేసిన మూడేళ్ల తర్వాత విక్రయించినప్పుడు 20శాతం దీర్ఘకాలిక మూలధన లాభాల రేటుతో పాటు 8 శాతం సెస్​తో పన్ను విధిస్తారు. 3 సంవత్సరాలలోపు విక్రయించినప్పుడు.. లాభాలను ఆదాయానికి జోడించి స్లాబ్ ప్రకారం పన్ను విధిస్తారు.

ఆభరణాల వస్తువుల కంటే ఇవి ఉత్తమమైనవి ఎందుకంటే అవి ఛార్జీలు చెల్లించాల్సిన అవసరం లేదు. కానీ వీటిని సురక్షితమైన కస్టడీలో ఉంచాలి కాబట్టి.. లాకర్ ఛార్జీలుపై ఖర్చు చేయాల్సి ఉంటుంది.

ఆభరణాల వస్తువులు: ఇవి లాకర్​లో నిల్వ చేయడానికి ఖర్చును కలిగి ఉంటాయి. కానీ డిజిటల్ బంగారం, బంగారు నాణేల కంటే ఖరీదైనవిగా మారతాయి. ఎందుకంటే వీటిలో 10-15 శాతం మేకింగ్ ఛార్జీలు కూడా ఉంటాయి.