What is swing trading : స్వింగ్​ ట్రేడింగ్​ అంటే ఏంటి? ఎలా చేయాలి?

What is swing trading : స్టాక్​ మార్కెట్​పై ప్రజల్లో ఆసక్తి ఇటీవలి కాలంలో భారీగా పెరుగుతోంది. డీమ్యాట్​ అకౌంట్​ ఓపెన్​ చేసి ట్రేడింగ్​, ఇన్​వెస్ట్​మెంట్​ చేస్తున్న వారి సంఖ్య నిత్యం పెరుగుతోంది. వీరిలో మీరు ఉన్నారా? ట్రేడింగ్​ని సెకెండరీ ఇన్​కమ్​ సోర్స్​గా మార్చుకోవాలని ప్లాన్​ చేస్తున్నారా? కానీ.. 9-5 జాబ్​లో మార్కెట్​లను ట్రాక్​ చేయడం కష్టమవుతోందని బాధపడుతున్నారా? అయితే.. మీరు బాధపడాల్సిన అవసరం లేదు. స్టాక్​ మార్కెట్​లో సామాన్యుడికి ఉన్న ఆయుధం 'స్వింగ్​ ట్రేడింగ్​' గురించి మీరు తెలుసుకోవాల్సిందే..

స్వింగ్​ ట్రేడింగ్​ అంటే ఏంటో తెలుసా?

సాధారణంగా స్టాక్స్​ అనేవి ఒడుదొడుకులకు గురవుతూ ఉంటాయి. పైకి, కిందకి కదులుతూ ఉంటాయి. ఈ నేపథ్యంలో.. స్టాక్​ మూమెంట్​ని, ట్రెండ్​ని గమనించి.. స్వల్పకాలంలో దాని నుంచి లబ్ధిపొందడమే 'స్వింగ్​ ట్రేడింగ్​' అర్థం.

స్వింగ్​ ట్రేడింగ్- ఇంట్రాడే ట్రేడింగ్​​ అనేవి వినడానికి ఒకే విధంగా ఉన్నా.. వాటి మధ్య చాలా డిఫరెన్స్​ ఉంటుంది. ఇంట్రాడే ట్రేడింగ్​లో ట్రేడ్​ను అదే రోజు క్లోజ్​ చేయాలి. నెక్ట్స్​ డే కి క్యారీ ఫార్వర్డ్​ అవ్వదు. కానీ స్వింగ్​ ట్రేడింగ్​లో అలా కాదు. సాధారణంగా.. రెండు రోజుల నుంచి 2,3 వారాల వరకు కొనసాగే ట్రేడ్​ని స్వింగ్​ ట్రేడింగ్​ అంటారు.

స్వింగ్​ ట్రేడింగ్​లో 'టైమ్​ఫ్రేమ్​' అనేది కీలకం. ఇంట్రాడే​ ట్రేడింగ్​లో 30నిమిషాలు, 15నిమిషాలు, 5నిమిషాలను చూస్తారు. కానీ స్వింగ్​ ట్రేడింగ్​లో సాధారణంగా టైమ్​ఫ్రేమ్​ 1 గంట, 4గంటలు, ఒక రోజుగా పరిగణిస్తారు ట్రేడర్లు.

Swing trading meaning : స్టాక్​ మార్కెట్​ అంటేనే రిస్కీ వ్యవహారం. కానీ ఎంత తక్కువ టైమ్​ ఫ్రేమ్​ ఉంటే అంత ఎక్కువ రిస్క్​ తీసుకుంటున్నట్టు అవుతుంది. అంటే.. ఇంట్రాడే కన్నా స్వింగ్​ ట్రేడింగ్​లో రిస్క్​ కాస్త తక్కువగా ఉంటుంది.

స్వింగ్​ ట్రేడింగ్​తో ఉపయోగాలేంటి..?

స్వింగ్​ ట్రేడింగ్​ అనేది స్టాక్​ మార్కెట్​లో ట్రేడర్లకు ఓ పవర్​ఫుల్​ ఆయుధం లాంటిది. స్వింగ్​ ట్రేడింగ్​తో కోట్లల్లో సంపాదిస్తున్న ట్రేడర్లు చాలా మంది ఉంటారు.

ఇంట్రాడే ట్రేడింగ్​లో చాలా ఫోకస్డ్​గా ఉండాలి. ప్రతి రోజు స్టాక్స్​ని ట్రాక్​ చేస్తూ ఉండాల్సి వస్తుంది. కానీ.. 9-5 ఉద్యోగాలు చేసుకునేవారు ఇంట్రాడే చేయలేరు. వారు ఇంటికి తిరిగి వచ్చేసరికే స్టాక్​ మార్కెట్ల టైమ్​ అయిపోతుంది. అలాంటి వారికి 'స్వింగ్​ ట్రేడింగ్​' అనేది బెస్ట్​ ఆప్షన్​..

Best swing trading strategies : స్వింగ్​ ట్రేడింగ్​పై పట్టుసాధిస్తే.. ఇంట్రాడే విధంగా దానిపై అంత ఫోకస్​ పెట్టాల్సిన అవసరం ఉండదు. మన ఎనాలసిస్​పై నమ్మకం ఉంచి.. స్టాక్​లో ఎంట్రీ, ఎగ్జిట్​, స్టాప్​లాస్​ను ముందే ప్లాన్​ చేసుకోవచ్చు. ఏఎంఓ(ఆఫ్టర్​ మార్కెట్​ ఆర్డర్​)ను ముందు రోజే ఫిక్స్​ చేసుకుంటే.. మనం ఆఫీసులో ఉన్నా, అనుకున్న ఎంట్రీ దగ్గర స్టాక్​ కొనుగోలు చేయగలుగుతాము. ఆఫీసు నుంచి ఇంటికి వెళ్లాక.. రాత్రి పూట ఒక 30నిమిషాల నుంచి గంట సేపు సమయం కేటాయిస్తే చాలు!

స్వింగ్​ ట్రేడింగ్​ ఎలా చేయాలో తెలుసా?

స్వింగ్​ ట్రేడింగ్​ చేయాలంటే ముందు టెక్నికల్​ ఎనాలసిస్​ తెలుసుకోవాలి. స్టాక్స్​ ఛార్ట్​ను అర్థం చేసుకోవాల్సి ఉంటుంది. కొంత కాలం వాటిని ట్రాక్​ చేస్తూ ఉండాలి. స్టాక్​ అనేది ఏ ట్రెండ్​లో ఉంది? అని అర్థం చేసుకోవాలి. మనకంటూ ఒక సెటప్​ ఉండాలి.

స్వింగ్​ ట్రేడింగ్​ చేసేందుకు కొన్ని ప్రత్యేక స్ట్రాటజీలు ఉంటాయి. కొందరు 'ఇండికేటర్ల' ఆధారంగా స్వింగ్​ ట్రేడ్​ చేస్తారు. ఇంకొందరు 'ఛార్ట్​ పాటర్న్​' ఆధారంగా ట్రేడింగ్​ చేస్తారు. ఇంకొందరు.. ఆ రెండింటినీ కలిపి ఎనాలిస్​​ చేసి ట్రేడ్​ తీసుకుంటారు. అందుకే వాటిపై పట్టు సాధించాలి.

Best swing trading strategies in Telugu : సాధారణంగా స్వింగ్​ ట్రేడింగ్​లో రిస్క్​- రివార్డ్​ రేషియోను 1:2గా చూస్తూ ఉంటారు ట్రేడర్లు. అంటే.. మనం రెండు రూపాయిల లాభం కోసం ఒక్క రూపాయి నష్టపోవడానికి సిద్ధపడినట్టు అవుతుంది.

స్వింగ్​ ట్రేడింగ్​లో నష్టాలు ఉంటాయా?

స్టాక్​ మార్కెట్​లో ఏదైనా ఈజీ కాదు. స్వింగ్​ ట్రేడింగ్​లో కూడా రిస్క్​ ఉంటుంది. మన స్ట్రాటజీలు సరిగ్గా పనిచేయకపోవచ్చు. స్టాప్​లాస్​లు హిట్​ అవ్వచ్చు. కానీ స్వింగ్​ ట్రేడింగ్​ చేయాలి అని అనుకునే వారు ఒక విషయాన్ని గుర్తుపెట్టుకోవాలి. తీసుకునే అన్ని ట్రేడ్స్ లాభాల్లోనే ఉండాలన్న మైండ్​సెట్​ని మార్చుకోవాలి. నష్టాలనేవి.. స్టాక్​ మార్కెట్​లో సాధారణమైన విషయం. తీసుకున్న 10 ట్రేడ్స్​లో.. 1:2 రేషియోలో.. 6-7 సక్సెస్​ అయినా మనం లాభాల్లో ఉంటాము.

Swing trading in Telugu : అయితే.. స్వింగ్​ ట్రేడింగ్​లో ఒక పెద్ద మైనస్​ పాయింట్​ ఉంది. ఇంట్రాడేలో అదే రోజు ట్రేడ్​ను మూసేయవచ్చు కాబట్టి.. నెక్స్ట్​ డే ఏం జరుగుతుంది? అన్న ఆలోచన, ఆందోళన ఉండదు. కానీ.. స్వింగ్​ ట్రేడింగ్​లో అలా కాదు. మార్కెట్ల కదలికలను ఎవరూ ఊహించలేరు. రాత్రికి రాత్రికి పరిస్థితులు మారిపోవచ్చు. మార్కెట్లు తెరుచుకునేలోపే నష్టాలు వచ్చేస్తాయి. ఆ రిస్క్​కి సిద్ధపడే ముందుకు వెళ్లాలి.

స్టాక్​ మార్కెట్లు, ట్రేడింగ్​, ట్రేడింగ్​ స్ట్రాటజీలు చూడటానికి, వినడానికి సింపుల్​గా ఉంటాయి. కానీ వాటి లోతు.. దిగితేనే అర్థమవుతుంది! చాలా మంది ట్రేడర్లు తమ అదృష్టాన్ని పరీక్షించుకునేందుకు స్టాక్​ మార్కెట్​లోకి అడుగుపెడతారు. వారందరి కన్నా మనదే పైచేయి ఉండాలంటే.. మనకంటూ ఒక 'ఎడ్జ్​' కావాలి. ఆ ఎడ్జ్​ అనేది.. ఎప్పటికప్పుడు పేపర్​ ట్రేడింగ్​ చేస్తూ.. మనల్ని మనం సరిచేసుకుంటూ, లాస్​లు చూస్తూ, మనకంటూ ఒక సెటప్​ని ఏర్పాటు చేసుకుంటేనే వస్తుంది. ఆ ఎడ్జ్​ కోసం చాలా ఏళ్లు కష్టపడాల్సి ఉంటుంది.

Stock market news today : స్వింగ్​ ట్రేడింగ్​ స్ట్రాటజీలు తెలుసుకోవడం ఒక ఎత్తు.. సైకాలజీని మేనేజ్​ చేసుకోవడం మరో ఎత్తు! ట్రేడర్ల సక్సెస్​ని నిర్ణయించేది సైకాలజీనే! సరైన సైకాలజీ ఉంటే.. కష్టాలను తట్టుకుని.. రిస్క్​ మేనేజ్​మెంట్​ చేసుకుంటూ దీర్ఘకాలంలో మంచి రిటర్నులను సంపాదించుకోవచ్చు. లేకపోతే.. ఎన్ని లాభాలు వచ్చినా.. అవన్నీ మాయమైపోవడానికి ఒక్క లాస్​ ట్రేడ్​ చాలు!