Multibaggar stocks : ఈ టిప్స్​ పాటిస్తే.. స్టాక్​ మార్కెట్​లో 'మల్టీబ్యాగర్​' రిటర్నులు మీ సొంతం!

How to pick multibagger stocks : మల్టీబ్యాగర్​ స్టాక్​ కోసం చాలా మంది మదుపర్లు అణ్వేషిస్తూ ఉంటారు. వారి కష్టానికి తగ్గట్టే.. సూపర్​ రిటర్నులు ఇస్తాయి ఈ తరహా స్టాక్స్​. అందుకే వీటికి క్రేజ్​ ఎక్కువ! అయితే.. కొన్ని స్టాక్స్​ని మల్టీబ్యాగర్​ అవ్వక ముందే గుర్తించవచ్చు. తద్వారా.. ఎర్లీగా వాటిలో ఇన్​వెస్ట్​ చేసి, మంచి లాభాలను పొందవచ్చు. అందుకోసం కొన్ని విషయాలు తెలుసుకోవాలి. అవేంటంటే..

మోనోపోలి ఉండాలి..

ఓ స్టాక్​.. మల్టీబ్యాగర్​గా మారేందుకు అనేక కారణాలు ఉంటాయి. అందులో ఒకటి 'మోనోపోలీ'. ఉదాహరణకు ఐఆర్​సీటీసీ స్టాక్​ని తీసుకుందాము. మార్కెట్​లో ఐఆర్​సీటీసీకి గుత్తాధిపత్యం ఉంది. ఈ బిజినెస్​లో ఇతర సంస్థలు ఎంట్రీ ఇవ్వడం చాలా కష్టం. గుత్తాధిపత్యం ఉన్న కంపెనీలు.. మల్టీబ్యాగర్​ అయ్యే అవకాశాలు ఎక్కువగా ఉంటాయి.

ఆర్​ఓసీఈ కీలకం..

ఆర్​ఓసీఈ అంటే.. రిటర్న్​ ఆన్​ క్యాపిటల్​ ఎంప్లాయిడ్​. ఒక్క మాటలో చెప్పాలంటే.. సంస్థలో పెట్టిన మూలధనానికి ఎంత రిటర్న్​ వస్తోంది? అనే విషయాన్ని లెక్కించడమే ఆర్​ఓసీ. ఆర్​ఓసీఈ ఎంత ఎక్కువ ఉంటే అంత మంచిది. ఓ కంపెనీ.. ఎప్పటికప్పుడు ఆదాయాన్ని పెంచుకుంటూపోతుంటే.. అది మంచి విషయమే. అయితే.. ఆర్​ఓసీఈ తగ్గకుండా.. ఎప్పటికప్పుడు ఆదాయం పెంచుకుంటున్న కంపెనీల షేర్లు.. మల్టీబ్యాగర్​లుగా మారే అవకాశం ఉంది.

క్యాష్​ ఫ్లో చెక్​ చేయండి..

Tips to pick a multibaggar stock : కంపెనీ కార్యకలాపాలను సాగించేందుకు నిధులను ఎంత మేర వాడుతున్నారో చెప్పేదే క్యాష్​ ఫ్లో. భవిష్యత్తులో.. కంపెనీకి ఆదాయం పెరుగుతుందా? లేదా? అన్నది ఈ క్యాష్​ ఫ్లో స్టేట్​మెంట్లు చెప్పేస్తాయి. మాటిమాటికి కంపెనీలోకి క్యాష్​ ఫ్లో అవుతూ ఉంటే.. కార్యకలాపాల నుంచి వచ్చే ఆదాయం.. కంపెనీ ఖర్చులకు సరిపోవడం లేదని అర్థం చేసుకోవాలి. అదే జరిగితే.. ఆ కంపెనీ తరచూ అప్పులు చేస్తూ ఉంటుంది. లేకపోతే ఈక్విటీనైనా అమ్ముకోవాల్సి వస్తుంది.

మల్టీబ్యాగర్​ కంపెనీలు.. లాభాలతో పాటు ఆపరేటింగ్​ క్యాష్​ఫ్లోలను కాంపౌండింగ్​ చేసేందుకు ప్రయత్నిస్తాయి. అంటే, ఎంత తక్కువ ఖర్చులో ఎంత ఎక్కువ రిటర్నులు సంపాదించాలా? అని చూస్తాయి. అందుకే.. భవిష్యత్తులో ఇతర సంస్థల కన్నా వేగంగా అభివృద్ధి చెందే అవకాశం వీటికి ఉంటుంది.

అయితే.. ఇక్కడ ఒక సమస్య ఉంది. కంపెనీ క్యాష్​ ఫ్లోలు, ఆదాయాలు ఎక్కువగానే ఉన్నా.. కొన్నిసార్లు అభివృద్ధి పరంగా అవి నెమ్మదిస్తూ ఉంటాయి(ఉదాహారణకు- కొత్త కస్టమర్లను ఆకట్టుకోలేకపోవడం). వాటిల్లో పెట్టుబడులకు మంచి రిటర్నులు రాకపోవచ్చు.

నిధుల కేటాయింపులు ఎలా ఉన్నాయి?

Stock market investment tips in Telugu : మల్టీబ్యాగర్​ కంపెనీలకు అంచనాలకు మించిన ఫ్రీ క్యాష్​ ఉంటుంది. అంటే మంచి ఆదాయాలు వస్తున్నాయని అర్థం. ఆర్​ఓసీఈ చాలా మెరుగ్గా ఉంటుంది. అదే సమయంలో క్యాష్​ ఫ్లోలు కూడా సంస్థ అభివృద్ధికి తగ్గట్టుగానే ఉంటాయి. కానీ ఇలా ఉన్న కంపెనీలన్నీ మల్టీబ్యాగర్​లు కాలేవు. దానికి ముఖ్యకారణం.. నిధుల కేటాయింపు.

నిధుల కేటాయింపుతోనే చెడ్డ కంపెనీకి, మంచి కంపెనీకి, మల్టీబ్యాగర్​ కంపెనీకి మధ్య ఉన్న వ్యత్యాసం తెలిసిపోతుంది. క్యాష్​ని సక్రమంగా వినియోగించి మరింత ఆదాయాన్ని జెనరేట్​ చేయగలిగే సంస్థలకు మల్టీబ్యాగర్​లు అయ్యే అవకాశాలు ఎక్కువగా ఉంటాయి. కొన్ని కంపెనీలు.. పెట్టుబడుల్లో తీసుకునే తప్పుడు నిర్ణయాల కారణంగా డీలా పడుతూ ఉంటాయి. అందుకే.. మిగిలిన విషయాలన్నీ అన్నీ సరిగ్గా ఉన్నా.. మల్టీబ్యాగర్​ గుర్తింపు పొందలేకపోతాయి.

ఈ టూల్స్​ ఉపయోగపడతాయి..

Multibaggar stocks for 2024 : కంపెనీల పర్ఫార్మెన్స్​లను పరిశీలించేందుకు ఆన్​లైన్​లో అనేక వెబ్​సైట్​లు అందుబాటులో ఉన్నాయి. అవి మీకు ఉపయోగపడతాయి. ​ వాటిల్లో ఎప్పటికప్పుడు చెక్​ చేసుకునే వెసులుబాటు ఉంటుంది.

ఇక ఒక కంపెనీ మల్టీబ్యాగర్ అయ్యే అవకాశం ఉందని మీకు అనిస్తుంటే, వాటి.. యాన్యువల్​ రిపోర్ట్స్​, కంపెనీ ప్రెజంటేషన్స్​, క్వార్టర్లీ కాన్ఫరెన్స్​ కాల్స్​ ట్రాన్స్​స్క్రిప్ట్స్​, వంటి అంశాలను ట్రాక్​ చేయడం బెటర్​.

(గమనిక: ఇది కేవలం సమాచారం కోసం ప్రచురించిన ఆర్టికల్​ మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా స్టాక్​లో ఇన్​వెస్ట్​ చేసే ముందు.. మీ ఫైనాన్షియల్​ అడ్వైజర్​ని సంప్రదించడం శ్రేయస్కరం.)