Vivo Y58 5G : వివో వై58 5జీ లాంచ్​.. రూ. 20వేల బడ్జెట్​లో ది బెస్ట్​ స్మార్ట్​ఫోన్​?

Vivo Y58 5G price in India : దిగ్గజ స్మార్ట్​ఫోన్​ తయారీ సంస్థ వివో మంచి జోరు మీద ఉన్నట్టు కనిపిస్తోంది. ఇండియాలో వరుస స్మార్ట్​ఫోన్​ లాంచ్​లతో బిజీబిజీగా గడుపుతోంది. ఇక ఇప్పుడు.. మరో కొత్త గ్యాడ్జెట్​ని తాజాగా లాంచ్​ చేసింది వివో సంస్థ. దాని పేరు వివో వై58 5జీ. ఈ స్మార్ట్​ఫోన్​తో.. రూ. 20వేల బడ్జెట్​ ఫోన్స్​ సెగ్మెంట్​లో తన సామర్థ్యాన్ని మరింత విస్తరించుకుంది. స్నాప్​డ్రాగన్ 4 జెన్ 2 ప్రాసెసర్, 8 జీబీ ర్యామ్, 128 జీబీ స్టోరేజ్​ను ఇందులో అందించారు. ఆండ్రాయిడ్ 14 ఆపరేటింగ్ సిస్టెం, వివో ఫన్​టచ్ ఓఎస్ 14 ఆపరేటింగ్ సిస్టంపై ఈ ఫోన్ పనిచేయనుంది. ఈ నేపథ్యంలో ఈ వివో వై58 5జీ స్మార్ట్​ఫోన్​ ఫీచర్స్​తో పాటు ఇతర వివరాలను ఇక్కడ చూసేయండి..

వివో వై58 5జీ ధర..

ఈ వివో వై58 5జీ 8జీబీ+128జీబీ వేరియంట్ ధరను రూ.19,499గా నిర్ణయించింది సంస్థ. హిమాలయన్ బ్లూ, సుందర్బన్స్ గ్రీన్ కలర్​ ఆప్షన్స్​ లభిస్తున్నాయి.

Vivo Y58 5G India launch : ఈ ఫోన్ కొనుగోలు కోసం ఫ్లిప్​కార్ట్, వివో ఆన్​లైన్ స్టోర్, ఇతర రిటైల్ ఛానల్స్​కు వెళ్లవచ్చు. ఎస్​బీఐ, బ్యాంక్ ఆఫ్ బరోడా, ఐడీఎఫ్సీ, ఇండస్ఇండ్ లేదా యస్ బ్యాంక్ క్రెడిట్ కార్డులు ఉంటే రూ.1,500 క్యాష్​బ్యాక్​ సైతం పొందొచ్చు.

వివో వై58 5జీ ఫీచర్లు..

వివో వై58 5జీలో క్వాల్కమ్​ స్నాప్​డ్రాగన్ 4 జెన్ 2 చిప్ సెట్ లభిస్తుంది. ఇందులో 8 జీబీ ఎల్పీడీడీఆర్4ఎక్స్ ర్యామ్, 128 జీబీ యూఎఫ్ఎస్ 2.2 స్టోరేజ్​ని అందించింది సంస్థ.

డిస్​ప్లే కోసం, డివైజ్​ 6.72 ఇంచ్​ ఫుల్​ హెచ్​డీ + ఎల్​సీడ ప్యానెల్​ని పొందుతుంది. ఇది 120 హెర్ట్​జ్​ వరకు నడుస్తుంది. 1024 నిట్స్ పీక్​ బ్రైట్​నెస్​ ఇందులో ఉంటుంది.

Vivo Y58 5G price : వివో వై58 5జీ స్మార్ట్​ఫోన్​లో 50 మెగాపిక్సెల్ ప్రైమరీ వైడ్ లెన్స్, సెకండరీ 2 మెగాపిక్సెల్ సెన్సార్ ఉన్నాయి. సెల్ఫీల కోసం ముందువైపు 8 మెగాపిక్సెల్ కెమెరాను అందించారు.

మరి ఈ కొత్త వివో వై58 5జీ స్మార్ట్​ఫోన్​.. భారతీయ కస్టమర్లను ఎంత మేర ఆకట్టుకుంటుందో చూడాలి. ఈ సెగ్మెంట్​లో ఇప్పటికే విపరీతమైన పోటీ ఉంది. ఆ పోటీని కూడా ఈ గ్యాడ్జెట్​ ఎలా తట్టుకుని నిలబడుతుందో చూడాలి.

Vivo Y58 5G features : బయోమెట్రిక్ అన్​లాక్​ కోసం మీరు ఇన్-డిస్​ప్లే ఫింగర్ ప్రింట్ స్కానర్​ని కూడా పొందుతారు. 6,000 ఎంఏహెచ్ బ్యాటరీపై ఈ స్మార్ట్​ఫోన్​ పనిచేస్తుంది. ఇది 44 వాట్ ఛార్జింగ్​ని ఉపయోగిస్తుంది. అంతేకాక, ఐపీ64 డస్ట్​ అండ్​ వాటర్​ రెసిస్టెన్స్​ సైతం ఇందులో ఉంది.

రియల్​మీ జీటీ 6..

కొన్ని వారాల ఊహాగానాల తరువాత, రియల్ మీ జీటీ 6 ఎట్టకేలకు హై-మిడ్ రేంజ్ మార్కెట్లోకి ప్రవేశించింది. ఇంతకుముందు కంపెనీ రియల్ మీ జీటీ 6టీ ని లాంచ్ చేసింది. ఆ మోడల్ చాలా ప్రజాదరణ పొందింది. దాంతో, ఇప్పుడు జీటీ 6 సిరీస్ కింద రెండో స్మార్ట్ ఫోన్ ను మరిన్ని ఆకర్షణీయమైన ఫీచర్లు, స్పెసిఫికేషన్లతో లాంచ్ చేసింది. పూర్తి వివరాల కోసం ఇక్కడ క్లిక్​ చేయండి.