IDFC First Bank : ఐడీఎఫ్​సీ ఫస్ట్​ బ్యాంక్​ షేర్లు ఇప్పుడు కొనొచ్చా? టార్గెట్​ రూ. 140?

IDFC First Bank : ఎఫ్​వై 24 క్యూ1 ఫలితాల తర్వాత ఐడీఎఫ్​సీ ఫస్ట్​ బ్యాంక్​ షేర్లు దూసుకెళుతున్నాయి. సోమవారం మధ్యాహ్నం 12 గంటల నాటికి ఈ స్టాక్​.. 2.3శాతం పెరిగి రూ. 85.90 వద్ద ట్రేడ్​ అవుతోంది. ఈ నేపథ్యంలో ఈ సంస్థ షేర్లను ఇప్పుడు కొనాలా? ఉన్న షేర్లను అమ్మేయాలా? వంటి ప్రశ్నలు ఉత్పన్నమవుతున్నాయి. వీటికి.. నిపుణులు ఇచ్చిన సమాధానాలను ఇక్కడ తెలుసుకుందాము..

ఇప్పుడు కొనొచ్చా.. వెయిట్​ చేయాలా?

ఐడీఎఫ్​సీ ఫస్ట్​ బ్యాంక్​ క్యూ1 ఫలితాలు.. మార్కెట్​ అంచనాలకు మించి ఉండటంతోనే షేర్లు పెరుగుతున్నాయని నిపుణులు చెబుతున్నారు. ముఖ్యంగా సంస్థ ఎన్​పీఏ (నాన్​ పర్ఫార్మింగ్​ అసెట్స్​), మార్జిన్లు మార్కెట్​ అంచనాలను బీట్​ చేశాయని స్పష్టం చేస్తున్నారు.

"ఈ ప్రైవేట్​ బ్యాంక్​ వ్యాపారం బాగా వృద్ధిచెందుతోంది. ఎన్​పీఏ, మార్జిన్లు.. అనుకున్న దాని కన్నా మెరుగ్గా నమోదయ్యాయి. అందుకే స్టాక్​ పెరుగుతోంది," అని ఎస్​ఎంసీ గ్లోబల్​ సెక్యూరిటీస్​కు చెందిన వైస్​ ప్రెసిడెంట్​ సౌరభ్​ జైన్​ తెలిపారు.

ఐడీఎఫ్​సీ ఫస్ట్​ బ్యాంక్​ క్యూ1 ఫలితాల పూర్తి డేటాను చూసేందుకు ఇక్కడ క్లిక్​ చేయండి.

ఇప్పటికే సంస్థ స్టాక్స్​ ఉన్న వారు వాటిని హోల్డ్​ చేయాలని.. కొత్తగా కొనాలనుకునే వారు కాస్త వెయిట్​ చేయాలని నిపుణులు చెబుతున్నారు.

IDFC First Bank share price target : "ఐడీఎఫ్​సీ ఫస్ట్​ బ్యాంక్​ షేర్లు పాజిటివ్​గా ఉన్నాయి. షార్ట్​ టర్మ్​లో రూ. 92- రూ.95ని తాకొచ్చు. పోర్ట్​ఫోలియోలో ఈ స్టాక్​ ఉన్న వారు హోల్డ్​ చేయాలి," అని మోతీలాల్​ ఓస్వాల్​ టెక్నికల్​ ఎనలిస్ట్​ చందన్​ తపారియా తెలిపారు.

"సంస్థ ఫలితాలు శక్తివంతంగా ఉన్నప్పటికీ.. కొత్త షేర్లు కొనే ముందు కాస్త వెయిట్​ చేయడం ఉత్తమం. ఈ స్టాక్​ ఈ ఏడాదిలో ఇప్పటికే 40శాతం పెరిగింది. కరెక్షన్​ వచ్చిన తర్వాత ఎంట్రీ ఇవ్వడం బెటర్​," అని ఎస్​ఎంసీ గ్లోబల్​కు చెందిన సౌరభ్​ జైన్​ అభిప్రాయపడ్డారు.

ఐడీఎఫ్​సీ ఫస్ట్​ బ్యాంక్​ షేర్​ ప్రేజ్​ టార్గెట్​ ఎంత..?

"రూ. 70 వద్ద బలమైన సపోర్ట్​ ఉంది. రూ. 95 వద్ద బలమైన రెసిస్టెన్స్​ ఉంది. అందుకే రూ. 70-రూ. 75 వద్ద కొనుగోళ్లు చేయవచ్చు. రూ. 95 రెసిస్టెన్స్​ బ్రేక్​ అయితే.. ఈ స్టాక్​ రూ. 105 లెవల్స్​ వరకు కూడా వెళ్లే అవకాశం ఉంది," అని ఐఐఎఫ్​ఎల్​ సెక్యూరిటీస్​కు చెందిన వైస్​ ప్రెసిడెంట్​ అనూజ్​ గుప్తా స్పష్టం చేశారు. ఆయన ప్రకారం.. ఈ స్టాక్​ మీడియం టర్మ్​ టార్గెట్​ రూ. 130, లాంగ్​ టర్మ్​ టార్గెట్​ రూ. 140!

షేర్​ ప్రైజ్​ హిస్టరీ..

IDFC First Bank results Q1 2024 : ఇండియా స్టాక్​ మార్కెట్​లో ఐడీఎఫ్​సీ ఫస్ట్​ బ్యాంక్​ షేర్లు గత ఐదు రోజుల్లో 3.3శాతం పెరిగాయి. గత నెల రోజుల్లో 9.5శాతం వృద్ధిచెందాయి. ఇక ఆరు నెలల్లో ఈ స్టాక్​ ఏకంగా 49.5శాతం వృద్ధిని సాధించింది. ఈ ఏడాదిలో ఇప్పటివరకు 42.27శాతం, మొత్తం మీద ఏడాది కాలంలో ఏకంగా 107.39శాతం మేర లాభాలను నమోదు చేసింది.