CDAC C-CAT Results: సీ డ్యాక్ సీ -క్యాట్ ఫలితాల వెల్లడి; రిజల్ట్స్ ఇలా చెక్ చేసుకోండి..

CDAC C-CAT Results 2024: కంప్యూటరైజ్డ్ కామన్ ఎంట్రన్స్ టెస్ట్ (C-CAT) 2024 ఫలితాలను సెంటర్ ఫర్ డెవలప్మెంట్ ఆఫ్ అడ్వాన్స్డ్ కంప్యూటింగ్ (CDAC) శుక్రవారం విడుదల చేసింది. పరీక్షకు హాజరైన విద్యార్థులు సీడ్యాక్ అధికారిక వెబ్ సైట్ cdac.in లో తమ ఫలితాలను చూసుకోవచ్చు. విద్యార్థులు తమ రిజల్ట్స్ ను చూసుకోవడానికిి అప్లికేషన్ నంబర్, పాస్ వర్డ్ ను నమోదు చేయాల్సి ఉంటుంది.

జూలై 19 నుంచి..

షెడ్యూల్ ప్రకారం, కోర్సులు, కేంద్రాల ఆన్ లైన్ ఎంపిక జూలై 19 నుండి 29, 2024 వరకు జరుగుతుంది. 2024 జూలై 31న మొదటి విడత సీట్ల కేటాయింపు, 2024 ఆగస్టు 29న తదుపరి విడత సీట్ల కేటాయింపు జరుగుతుంది. సీ-క్యాట్ (C-CAT) పరీక్షను 2024 జూలై 6 నుంచి 7 వరకు రెండు స్లాట్లలో నిర్వహించారు. ఇందులో సెక్షన్ ఎ, సెక్షన్ బి, సెక్షన్ సి అనే మూడు పరీక్ష పేపర్లు ఉండేవి. సీ-క్యాట్ ను భారతదేశంలోని వివిధ నగరాల్లో కంప్యూటరైజ్డ్ విధానంలో నిర్వహించారు.

ర్యాంకులు ఇలా..

ర్యాంకింగ్ పరంగా అభ్యర్థులకు సీ-క్యాట్ లోని ఏ+బీ సెక్షన్లు లేదా ఏ+బీ+సీ సెక్షన్లలో వారి ప్రతిభ ఆధారంగా ర్యాంకులు ఇస్తామని సీ డ్యాక్ తెలిపింది. సీ-క్యాట్ లో రెండు, మూడు కేటగిరీలకు హాజరై వాటిలో అర్హత సాధిస్తే కేటగిరీ-2, కేటగిరీ-3లో వేర్వేరు ర్యాంకులు ఇస్తారు. సీక్యాట్ లోని సెక్షన్ ఏ, సెక్షన్ బీ, సెక్షన్ సీ లలో అత్యల్పంగా 10 శాతం మార్కులు సాధించిన అభ్యర్థులు ర్యాంకింగ్ కు అర్హులు కారు. పైన చెప్పిన విధంగా అత్యల్ప ప్రతిభ కనబరిచిన వారిని తొలగించిన తర్వాత కూడా ఏ విభాగంలోనైనా సున్నా లేదా అంతకంటే తక్కువ మార్కులు సాధించిన అభ్యర్థులు ఉంటే ఆ అభ్యర్థులు కూడా ర్యాంకింగ్ కు అర్హులు కారు. అర్హత కలిగిన అభ్యర్థులు కౌన్సెలింగ్ ప్రక్రియలో పాల్గొనవచ్చు, తద్వారా సీ డ్యాక్ అందించే పోస్ట్ గ్రాడ్యుయేట్ డిప్లొమా ప్రోగ్రామ్ లో ప్రవేశం పొందవచ్చు.

సీడీఏసీ సీ-క్యాట్ ఫలితాలను ఇలా చెక్ చేసుకోవాలి

• ముందుగా సీ డ్యాక్ అధికారిక వెబ్ సైట్ cdac.in ను ఓపెన్ చేయాలి.
• హోమ్ పేజీలో ఎడ్యుకేషన్ అండ్ ట్రైనింగ్ విభాగానికి వెళ్లాలి.
• పీజీ డిప్లొమా కోర్సుల ట్యాబ్ పై క్లిక్ చేసి ఆ తర్వాత ఏసీటీఎస్ హోమ్ ట్యాబ్ పై క్లిక్ చేయాలి.
• ఇంపార్టెంట్ లింక్స్ విభాగంలో సీ-క్యాట్ క్యాండిడేట్ లాగిన్ లింక్ పై క్లిక్ చేయాలి.
• అడిగిన విధంగా ఆధారాలను నమోదు చేయండి.
• స్క్రీన్ పై సీ-క్యాట్ రిజల్ట్ 2024 కనిపిస్తాయి.
• మీ రిజల్ట్ ను చెక్ చేసుకుని, భవిష్యత్తు రిఫరెన్స్ కోసం రిజల్ట్ పేజీని డౌన్లోడ్ చేసి ప్రింట్ అవుట్ తీసుకోండి.
• మరింత సమాచారం కోసం అభ్యర్థులు అధికారిక వెబ్సైట్ cdac.in ను సందర్శించవచ్చు.