కిడ్నీ సంబంధిత సమస్యలు ఉంటే మీరు తినకూడని ఆహారం ఇదే-what foods should i avoid if i have kidney disease ,లైఫ్‌స్టైల్ న్యూస్
తెలుగు న్యూస్  /  Lifestyle  /  What Foods Should I Avoid If I Have Kidney Disease

కిడ్నీ సంబంధిత సమస్యలు ఉంటే మీరు తినకూడని ఆహారం ఇదే

Zarafshan Shiraz HT Telugu
Oct 12, 2023 02:00 PM IST

కిడ్నీ (మూత్రపిండ) సంబంధిత సమస్యలు ఉన్నవారికి సిఫార్సు చేసిన కొన్ని ఆహార పరిమితులు, ఆంక్షలు ఇక్కడ తెలుసుకోండి.

కిడ్నీ సంబంధిత సమస్యలు ఉన్నప్పుడు తినకూడని ఆహారం
కిడ్నీ సంబంధిత సమస్యలు ఉన్నప్పుడు తినకూడని ఆహారం (Pixabay)

రక్తం నుండి వ్యర్థాలు, అదనపు ద్రవాలను ఫిల్టర్ చేయడం ద్వారా మన ఆరోగ్యాన్ని కాపాడడంలో కిడ్నీలు (మూత్రపిండాలు) కీలక పాత్ర పోషిస్తాయి. అందువల్ల దీర్ఘకాలిక మూత్రపిండ వ్యాధి (సీకేడీ) లేదా మూత్రపిండాల్లో రాళ్లు వంటి కిడ్నీ సంబంధిత సమస్యలతో బాధపడేవారు కొన్ని జాగ్రత్తలు తీసుకోవాలి. కొన్ని ఆహారాలు ఆరోగ్యకరమైన వ్యక్తికి ప్రయోజనకరంగా ఉండవచ్చు కానీ అవే ఆహారాలు మూత్రపిండాల రుగ్మతతో బాధపడుతున్న వ్యక్తికి హాని కలిగించవచ్చు.

కర్మ ఆయుర్వేద వ్యవస్థాపకుడు, డైరెక్టర్ డాక్టర్ పునీత్ హెచ్‌టి లైఫ్‌స్టైల్‌కి ఇచ్చిన ఇంటర్వ్యూలో కిడ్నీలో రాళ్ల నుండి క్రానిక్ కిడ్నీ డిసీజ్ (సికెడి) వరకు మూత్రపిండాల రుగ్మతలకు ఆహారం, జీవనశైలిలో మార్పుల ఆధారంగా చికిత్స చేయాలని సూచించారు. కిడ్నీ ఉన్నవారికి సిఫార్సు చేసిన కొన్ని ఆహార పరిమితులను వెల్లడించారు.

ప్రాసెస్ చేసిన మాంసం:

  • ప్రాసెస్ చేసిన మాంసాలలో అధిక మొత్తంలో లవణాలు, ప్రిజర్వేటివ్‌లు ఉంటాయి. ఇవి రుచిని పెంచడానికి పనికొస్తాయి. జంతు ప్రోటీన్ అధిక వినియోగం హైపర్‌ఫిల్ట్రేషన్‌కు దారితీస్తుంది. అనగా మూత్రపిండాలపై పనిభారం పెరుగుతుంది. మూత్రపిండాల పనితీరు తగ్గిన వ్యక్తులకు ఇది తీవ్రమైన సమస్యగా మారుతుంది. ముఖ్యంగా వారు ప్రోటీన్ తీసుకోవడంపై శ్రద్ధ తీసుకోవాల్సిన తరుణంలో ఇది కీలకం. ఆయుర్వేదం మొక్కల మూలం నుండి ప్రొటీన్ పొందడం దీనికి ప్రత్యామ్నాయ మార్గం.

ఊరగాయలు:

  • పచ్చళ్లు ఇష్టపడని వారుండరు. అయితే అధిక సోడియం కంటెంట్‌తో నిండినందున కిడ్నీ రుగ్మతలతో పోరాడుతున్న వ్యక్తులకు ఊరగాయలు ఖచ్చితంగా తినకూడదు. వాణిజ్యపరంగా లభించే లో-సోడియం ఎంపికలు ఇప్పటికీ ఒకరి రోజువారీ అవసరాన్ని మించి ఉన్నాయని గమనించడం ముఖ్యం.

అరటిపండ్లు:

  • అరటిపండ్లలో పొటాషియం పుష్కలంగా ఉంటుంది. అందువల్ల, కిడ్నీ రోగులు ఈ పండుకు దూరంగా ఉండాలి. బదులుగా, వారు పైనాపిల్స్ తినొచ్చు. వీటిలో విటమిన్ ఎ, ఫైబర్ లభిస్తాయి. భాస్వరం, సోడియం, పోటాషియం తక్కువగా ఉంటాయి. కిడ్నీ సమస్యలు ఉన్నవారికి తక్కువ పరిమాణంలో అవసరమైన ఖనిజాలు లభిస్తాయి.

బంగాళదుంపలు:

  • బంగాళదుంపలలో పొటాషియం అధికంగా ఉంటుంది. భోజనంలో బంగాళదుంపలను చేర్చకుండా ఉండటం మంచిది. పొటాషియం లీచింగ్‌ను స్వీకరించడం అంటే బంగాళాదుంపలను ఆహారం కోసం ఉపయోగించే ముందు రాత్రిపూట నీటిలో నానబెట్టడం. ఇది పొటాషియం కంటెంట్‌ను తగ్గిస్తుంది. అయినప్పటికీ, మొత్తం పొటాషియం బయటకు రాదు. కాబట్టి వాటిని తీసుకోవడం గురించి జాగ్రత్తగా ఉండాలి.

చక్కెర పానీయాలు:

  • చక్కెర-తీపి సోడా, కూల్ డ్రింక్స్ తాగడం మానేయండి. ఎందుకంటే వాటిలో అధిక మొత్తంలో ఫాస్ఫేట్లు ఉంటాయి. ఇవి మూత్రపిండాల్లో రాళ్లు ఏర్పడేలా చేస్తాయి. అంతేకాకుండా, ఈ పానీయాలలో అధిక స్థాయి ఫ్రక్టోజ్ మూత్రపిండాల్లో రాళ్లకు ప్రమాద కారకం.

ఆయుర్వేద యోగాశ్రమం వ్యవస్థాపకుడు డాక్టర్ నవీన్ ఆర్య కూడా కొన్ని ఆహారాలు మూత్రపిండాల పరిస్థితిని మరింత దిగజార్చగలవని హెచ్చరించారు.

అధిక-సోడియం ఆహారాలు

  • అధిక ఉప్పు వినియోగం రక్తపోటును పెంచుతుంది. మూత్రపిండాలను ఒత్తిడికి గురి చేస్తుంది. కిడ్నీ సమస్యలు ఉన్న వ్యక్తులు ప్రాసెస్ చేసిన స్నాక్స్, క్యాన్డ్ సూప్‌లు, ఫాస్ట్ ఫుడ్‌తో సహా అధిక సోడియం కలిగిన ఆహారాలకు దూరంగా ఉండాలి. తాజా, సంపూర్ణ ఆహారాలను ఎంచుకోండి.

రెడ్ మీట్, ప్రాసెస్డ్ మీట్

  • రెడ్ మీట్ (గొర్రె, మేక, ఇతరు పశు మాంసం), అలాగే సాసేజ్‌లు, బేకన్, వంటి ప్రాసెస్ చేసిన మాంసాలలో ప్రోటీన్లు అధికంగా ఉంటాయి. దీని వల్ల రక్తంలో వ్యర్థ పదార్థాల పెరుగుదలకు దారితీయవచ్చు. ఇది ముఖ్యంగా మూత్రపిండాలపై అదనపు భారం పడేలా చేయవచ్చు. మూత్రపిండాల సమస్యలతో బాధపడుతున్న వ్యక్తులు చేపలు, పౌల్ట్రీ లేదా మొక్కల ఆధారిత ఎంపికల వంటి లీన్ ప్రోటీన్ వనరులను మాత్రమే తినాలి.

అధిక-పొటాషియం ఆహారాలు

  • పొటాషియం అనేది ఒక ఖనిజ లవణం. ఇది మూత్రపిండాల పనితీరు మందగించిన వారికి హానికరం. ఎందుకంటే వారి శరీరాలు పొటాషియం స్థాయిలను నియంత్రించడంలో కష్టపడవచ్చు. అరటిపండ్లు, నారింజలు, టమోటాలు వంటి పొటాషియం అధికంగా ఉండే ఆహారాలకు దూరంగా ఉండాలి. బదులుగా తక్కువ పొటాషియం కలిగిన పండ్లు కూరగాయలను ఎంచుకోండి.

పాల ఉత్పత్తులు

  • పాల ఉత్పత్తులలో గణనీయమైన మొత్తంలో భాస్వరం ఉంటుంది. ఇది కిడ్నీ వ్యాధి ఉన్నవారికి సమస్యాత్మకంగా ఉంటుంది. భాస్వరం స్థాయిలను నిశితంగా పరిశీలించడం అవసరం. బాదం పాలు వంటి తక్కువ-ఫాస్పరస్ డైరీ ప్రత్యామ్నాయాలను ఎంచుకోండి లేదా మీరు డైరీ ఉత్పత్తులు తీసుకోవడం పరిమితం చేయండి.

ఆక్సలేట్‌లు అధికంగా ఉండే ఆహారాలు

  • కిడ్నీలో రాళ్లు ఏర్పడటానికి ఆక్సలేట్‌లు దోహదం చేస్తాయి. అధిక-ఆక్సలేట్ ఆహారాలలో పాలకూర, దుంపలు, కొన్ని గింజలు ఉన్నాయి. మీరు కిడ్నీలో రాళ్లు చేరేందుకు ముప్పు కలిగి ఉన్నట్లయితే, మీరు ఈ ఆహారాలను తీసుకోవడం తగ్గించి, మీ నీటి వినియోగాన్ని పెంచుకోవడం మంచిది.

చక్కెర మరియు అధిక-ప్రోటీన్ ఆహారాలు

  • అధిక మొత్తంలో చక్కెర తీసుకోవడం మధుమేహం, ఊబకాయానికి దారి తీస్తుంది. ఇవి మూత్రపిండాల వ్యాధికి ప్రమాద కారకాలు. అధిక-ప్రోటీన్ ఆహారం మూత్రపిండాలపై అదనపు ఒత్తిడిని కూడా కలిగిస్తుంది. చక్కెర తీసుకోవడం పరిమితం చేయండి.

కార్బోనేటేడ్ పానీయాలు

  • సోడాలు, ఇతర కార్బోనేటేడ్ పానీయాల్లో భాస్వరం ఎక్కువగా ఉంటుంది. ఇది మూత్రపిండాల సమస్యలకు దోహదం చేస్తుంది. కిడ్నీలో రాళ్ల ముప్పును కూడా పెంచుతుంది ఆరోగ్యకరమైన ప్రత్యామ్నాయాలుగా నీరు, హెర్బల్ టీలు ఎంచుకోండి.

WhatsApp channel