Ambani's sangeeth: సంగీత్‌లో తన ఫ్యాషన్ సెన్స్‌తో అదరగొట్టిన ఇషా అంబానీ డ్రెస్సులివే

అనంత్ అంబానీ, రాధికా మర్చంట్‌ల సంగీత్ వేడుక ఘనంగా జరిగింది. ఇందులో బాలీవుడ్ తారల సందడి కనిపించింది. కానీ ఇషా అంబానీ మాత్రం బాలీవుడ్ తారలకు గట్టి పోటీ ఇచ్చింది. తన సోదరుడి సంగీత్ వేడుక కోసం, ఆమె ఒకదాని తర్వాత మరో రకమైన దుస్తులు ధరిస్తూ అందరి దృష్టి ఆకర్షించారు. పింక్ కలర్ లెహంగాతో డ్యాన్స్ ఫ్లోర్ ను హోరెత్తించాక ఆకుపచ్చని స్ఫటికాలతో అలంకరించిన లెహంగాలో ఆమె దర్శనమిచ్చింది. ఈ ఫోటోలు సోషల్ మీడియాలో విపరీతంగా వైరల్ అవుతున్నాయి.

ఆకుపచ్చ లెహంగాలో ఇషా అంబానీ అద్భుతంగా కనిపిస్తున్న ఫోటోలను ఆమె స్టైలిస్ట్ షేర్ చేశారు.. దీనిని మనీష్ మల్హోత్రా రూపొందించారు. ఆకుపచ్చని స్ఫటికాలతో క్రిస్టల్ ఫ్రేమ్ లెహంగాతో ఈ బ్లౌజ్ ను రూపొందించారు. దీనితో ఇషా అంబానీ సింగిల్ ఆకుపచ్చ ఎమరాల్డ్ చోకర్ ధరించింది. ఇది ఈ ఆకర్షణీయమైన లెహంగా లుక్‌కు మంచి లుక్ తెచ్చింది.

సంగీత్ కోసం ఇషా అంబానీ లగ్జరీ ఇటాలియన్ డిజైన్ షఫురేలీ బ్రాండ్ ను ఎంచుకున్నారు. ఇషా అంబానీ కోసం షఫురేలీ తొలిసారిగా కస్టమ్ చీరను డిజైన్ చేసింది. దీనికి ఇషా సిల్వర్ డ్రమాటిక్ బ్లౌజ్ ను జత చేసింది. సింగిల్ డైమండ్ మాంగ్ టికా, ముదురు రంగు బోల్డ్ లిప్ స్టిక్, మెడలో డైమండ్ నెక్ పీస్ తో లుక్ పూర్తయ్యింది. అందులో ఆమె చాలా అందంగా కనిపిస్తుంది.

కుటుంబంతో కలిసి డ్యాన్స్ ఫ్లూర్ మీద ఎంజాయ్ చేస్తున్నప్పుడు ఇషా గులాబీ రంగు లెహెంగాలో మెరిసిపోయింది. ఈ లెహంగాతో ఇషా మినిమమ్ మేకప్, గ్రీన్ చోకర్, హెవీ ఎమరాల్డ్ చెవిపోగులు చాలా ఆకర్షణీయంగా కనిపించాయి.