Telugu IPL Players List: ఐపీఎల్ 2025 వేలంలో మెరిసిన మన తెలుగు క్రికెటర్లు.. 18 మంది వేలానికి వస్తే ఐదుగురికే ఛాన్స్

ఐపీఎల్ 2025 వేలం ముగిసింది. అబుదాబిలోని జెడ్డా వేదికగా ఆదివారం, సోమవారం జరిగిన ఈ ఐపీఎల్ 2025 ఆటగాళ్ల వేలంలో మొత్తం 10 ఫ్రాంఛైజీలు రూ.639.15 కోట్లని ఖర్చు చేసి 182 మంది ఆటగాళ్లని కొనుగోలు చేశాయి. ఇందులో భారత్, విదేశీ క్రికెటర్లు కూడా ఉండగా.. తెలుగు రాష్ట్రాలకి చెందిన ఐదుగురు క్రికెటర్లకీ చోటు దక్కింది.

• హైదరాబాద్‌కి చెందిన ఫాస్ట్ బౌలర్ మహ్మద్ సిరాజ్‌ను రూ.12.25 కోట్లకి గుజరాత్ టైటాన్స్ కొనుగోలు చేసింది. గతంలో రాయల్ ఛాలెంజర్స్ బెంగళూరుకి సిరాజ్ ఆడాడు.
• గుంటూరుకి చెందిన షేక్ రషీద్‌ను రూ. 30 లక్షలకి చెన్నై సూపర్ కింగ్స్ ఫ్రాంఛైజీ కొనుగోలు చేసింది. గత సీజన్‌లో షేక్ రషీద్ చెన్నై టీమ్‌లోనే ఉన్నాడు.
• కాకినాడకి చెందిన ఫాస్ట్ బౌలర్ సత్యనారాయణ రాజుని రూ.30 లక్షలకి ముంబయి ఇండియన్స్ ఫ్రాంఛైజీ వేలంలో కొనుగోలు చేసింది.
• శ్రీకాకుళంకు చెందిన స్పిన్నర్ త్రిపురణ విజయ్‌ను ఢిల్లీ క్యాపిటల్స్ ఫ్రాంఛైజీ రూ.30 లక్షలకి కొనుగోలు చేసింది
• విశాఖపట్నంకు చెందిన క్రికెటర్ పైల అవినాష్‌ను పంజాబ్ కింగ్స్ ఫ్రాంఛైజీ రూ.30 లక్షలకి కొనుగోలు చేసింది
  
  

ఐపీఎల్ 2025 వేలానికి వచ్చినా అమ్ముడుపోని తెలుగు క్రికెటర్లు

• ఆంధ్రా రంజీ జట్టుకి వికెట్ కీపర్‌గా ఉన్న కేఎస్ భరత్‌ని ఏ ఫ్రాంఛైజీ కొనుగోలు చేయలేదు. గతంలో రాయల్ ఛాలెంజర్స్ బెంగళూరుకి భరత్ ఆడాడు.
• ఆంధ్రా క్రికెటర్ బైలపూడి యశ్వంత్‌పై ఏ ఫ్రాంఛైజీ ఆసక్తి కనబర్చలేదు
• తెలంగాణకి చెందిన ఆరవెల్లి అవనీశ్‌‌కి కూడా ఐపీఎల్ 2025 వేలంలో నిరాశ తప్పలేదు.

ఐపీఎల్ 2025 వేలానికి ముందే ఫ్రాంఛైజీలు రిటేన్ చేసుకున్న తెలుగు క్రికెటర్లు

• హైదరాబాద్‌కి చెందిన తిలక్ వర్మని రూ.8 కోట్లకి ఐపీఎల్ 2025 వేలానికి ముందే ముంబయి ఇండియన్స్ రిటెన్ చేసుకుంది.
• విశాఖపట్నంకు చెందిన ఆల్‌రౌండర్ నితీశ్ కుమార్ రెడ్డిని రూ.6 కోట్లకి వేలానికి ముందే సన్‌రైజర్స్ హైదరాబాద్ రిటేన్ చేసుకుంది.