Strawberry Crumble Recipe : మీకు డబుల్ ఎనర్జీనిచ్చే.. స్ట్రాబెర్రీ క్రంబుల్.. రెసిపీ ఇదే..

Strawberry Crumble Recipe : చలికాలంలో బెస్ట్ ఫుడ్ తినాలనుకునేవారు కచ్చితంగా ఈ స్వీట్​ని ట్రై చేయాల్సిందే. దీనిని మనం స్ట్రాబెర్రీ, బాదంతో చేస్తాము. దీనిని తయారు చేయడం చాలా సులభం. పైగా వీటిని పిల్లలు చాలా ఇష్టంగా తింటారు. పెద్దలు కూడా హాయిగా లాగించేస్తారు. ఇంట్లోనే సింపుల్​గా తయారు చేసుకోగలిగే స్వీట్.. మీ పండుగ, ఏదైనా పార్టీ సమయంలో మీకు, కుటుంబసభ్యులకు మంచి డిజర్ట్ కూడా అవుతుంది. మరి దీనిని ఎలా తయారు చేయాలో.. కావాల్సిన పదార్థాలు ఏమిటో ఇప్పుడు తెలుసుకుందాం.

కావాల్సిన పదార్థాలు

* స్ట్రాబెర్రీలు - 500 గ్రాములు

* బ్రౌన్ షుగర్ - 125 గ్రాములు

* బాదం మీల్ - 25 గ్రాములు

* బాదం పలుకులు - 50 గ్రాములు

* వెన్న - 75 గ్రాములు

* మైదా పిండి - 125 గ్రాములు

* బేకింగ్ పౌడర్ - 1 టీస్పూన్

తయారీ విధానం

ముందుగా ఒవెన్​ను 200c వరకు వేడి చేయండి. స్ట్రాబెర్రీలను బేకింగ్ ట్రేలో వేసి.. వాటిపై కాస్టర్ షుగర్, ఆల్మండ్ మీల్​ వేసి పక్కన పెట్టండి. ఇప్పుడు మరో గిన్నెలో మైదా, వెన్న తీసుకుని బాగా కలపండి. క్రంబుల్ మిక్స్ కోసం.. బ్రౌన్ షుగర్, బేకింగ్ పౌడర్, బాదం వేసి బాగా కలపండి. పక్కన పెట్టుకున్న స్ట్రాబెర్రీలను కవర్ చేస్తూ.. ఈ క్రంబుల్ మిక్స్ వేసి వేయండి. దీనిని ఇప్పుడు ఒవెన్​లో ఉంచి.. 30 నిమిషాల పాటు.. 180 C వద్ద బేక్ చేయండి. అంతే స్ట్రాబెర్రీ క్రంబుల్స్ రెడీ అయిపోయాయి. దీనిని మీకు నచ్చినట్లు గార్నిష్ చేసుకుని.. హాయిగా లాగించేయండి.