Guntur Kaaram on OTT: గెట్ రెడీ.. మరికొన్ని గంటల్లో ఓటీటీలోకి గుంటూరు కారం: వివరాలివే

Guntur Kaaram on OTT: గుంటూరు కారం సినిమా ఓటీటీ ప్లాట్‍ఫామ్‍లోకి అడుగుపెట్టే సమయం ఆసన్నమైంది. మరికొన్ని గంటల్లోనే ఈ చిత్రం స్ట్రీమింగ్‍కు రానుంది. సూపర్ స్టార్ మహేశ్ బాబు హీరోగా నటించిన ఈ సినిమా సంక్రాంతి సందర్భంగా గత నెల 12న థియేటర్లలో రిలీజ్ అయింది. త్రివిక్రమ్ శ్రీనివాస్ డైరెక్షన్‍లో ఈ మాస్ యాక్షన్ మూవీ తెరకెక్కింది. ఇప్పుడు నెల ముగియకుండానే గుంటూరు కారం ఓటీటీ స్ట్రీమింగ్‍కు వస్తోంది.

గుంటూరు కారం చిత్రం ఓటీటీ స్ట్రీమింగ్ కోసం వేచిచూస్తున్న వారి నిరీక్షణ మరికొన్ని గంటల్లోనే తీరనుంది. ఈ అర్ధరాత్రి 12 గంటలకు (ఫిబ్రవరి 9) ఈ చిత్రం ‘నెట్‍ఫ్లిక్స్’ ఓటీటీ ప్లాట్‍ఫామ్‍లో స్ట్రీమింగ్‍కు రానుంది. ఈ విషయాన్ని నెట్‍ఫ్లిక్స్ కూడా గుర్తు చేసింది. తర్వాతి కొన్ని గంటల్లో మన హార్ట్ బీట్ గుంటూరు కారం అంటూ సోషల్ మీడియాలో పోస్ట్ చేసింది.

పాన్ ఇండియా భాషల్లో..

గుంటూరు కారం సినిమా థియేటర్లలో తెలుగులో మాత్రం రిలీజ్ అయింది. అయితే, నెట్‍ఫ్లిక్స్ ఓటీటీలో ఐదు భాషల్లో ఫిబ్రవరి 9న స్ట్రీమింగ్‍కు వస్తోంది. తెలుగుతో పాటు హిందీ, తమిళం, కన్నడ, మలయాళం భాషల్లోనూ స్ట్రీమింగ్‍కు రానుంది. దీంతో పాన్ ఇండియా రేంజ్‍లో ఈ చిత్రం ట్రెండింగ్‍లోకి వస్తుందనే అంచనాలు ఉన్నాయి.

మాస్ యాక్షన్ కమర్షియల్ ఎంటర్‌టైనర్‌గా వచ్చిన గుంటూరు కారం చిత్రానికి థియేటర్లలో ముందుగా మిశ్రమ స్పందన వచ్చింది. అయితే, మహేశ్ బాబు ఫైట్లు, మాస్ డ్యాన్స్ విపరీతంగా ప్రేక్షకులను ఆకట్టుకున్నాయి. దీంతో మిక్స్డ్ టాక్‍తోనూ మంచి కలెక్షన్లను దక్కించుకుంది. ఈ చిత్రానికి రూ.200 కోట్ల వరకు కలెక్షన్లు వచ్చాయని మూవీ టీమ్ పేర్కొంది.

గుంటూరు కారం చిత్రంలో మాస్ యాక్షన్‍‍తో పాటు మదర్ సెంటిమెంట్ కూడా ప్రధాన అంశంగా ఉంది. దీంతో ఫ్యామిలీ ఆడియన్స్ నుంచి మంచి రెస్పాన్స్ వచ్చింది. మొత్తంగా మిక్స్డ్ టాక్ తెచ్చుకున్నా.. బాక్సాఫీస్ వద్ద పర్వాలేదనిపించింది ఈ మూవీ.

గుంటూరు కారం సినిమాలో మహేశ్, హీరోయిన్ శ్రీలీల డ్యాన్స్ హైలైట్‍గా నిలిచాయి. మరో హీరోయిన్ మీనాక్షి చౌదరి కూడా ఈ చిత్రంలో ఉన్నారు. రమ్యకృష్ణ, ప్రకాశ్ రాజ్, జగపతి బాబు, ఈశ్వరి రావు, రావు రమేశ్, మురళీ శర్మ కీలకపాత్రల్లో నటించారు. త్రివిక్రమ్ శ్రీనివాస్ దర్శకత్వం వహించిన ఈ మూవీకి థమన్ మ్యూజిక్ ఇచ్చారు. హాసినీ హారిక క్రియేషన్స్ బ్యానర్ ఈ చిత్రాన్ని నిర్మించింది.

SSMB 29కు రెడీ అవుతున్న మహేశ్

మహేశ్ బాబు తదుపరి దర్శక ధీరుడు రాజమౌళితో మూవీ (SSMB 29) చేయనున్నారు. ఈ పాన్ గ్లోబల్ అడ్వెంచర్ యాక్షన్ సినిమా కోసం మహేశ్ రెడీ అవుతున్నారు. ఇటీవలే స్పెషల్ ఫిట్‍నెస్ ట్రైనింగ్ ప్రోగ్రాం కోసం జర్మనీకి వెళ్లి వచ్చారు. ఈ మూవీ షూటింగ్ మరో రెండు నెలల్లోగా మొదలుకానుంది. ఇప్పటికే స్క్రిప్ట్ పనులు పూర్తయ్యాయి. షూటింగ్ కోసం రాజమౌళి అన్ని సన్నాహకాలు చేస్తున్నారు. సుమారు రూ.1000 కోట్ల బడ్జెట్‍తో ఈ చిత్రం రూపొందుతుందనే రూమర్లు వస్తున్నాయి. ఈ మూవీలో ఉండే ఇతర నటీనటులు, టెక్నిషియన్ల పేర్లు క్రమంగా వెల్లడించే ఛాన్స్ ఉంది.