OTT Movies: ఓటీటీలోకి ఒక్కరోజే 10 సినిమాలు- చూడాల్సినవి 6- శ్రియ సరన్ బోల్డ్ వెబ్ సిరీస్ నుంచి క్రైమ్ థ్రిల్లర్స్ వరకు!

Today OTT Releases: ఓటీటీ ప్లాట్‌ఫామ్స్‌లో ప్రతి శుక్రవారం మూవీ ఫెస్టివల్ జరుగుతుంటుంది. ఎందుకంటే వారంలో విడుదలయ్యే సినిమాలు వెబ్ సిరీసుల కంటే ఎక్కువగా ఫ్రైడే రోజే ఓటీటీ స్ట్రీమింగ్ అవుతుంటాయి. అలాగే ఈ వారం కూడా అధికంగా జూలై 12న ఓటీటీ రిలీజెస్ అయ్యాయి.

ఈ వారంలో 20కిపైగా ఓటీటీ రిలీజులు ఉండగా కేవలం శుక్రవారం అంటే జూలై 12న (Friday OTT Release) ఏకంగా 10 వరకు సినిమాలు ఓటీటీల్లో రిలీజయ్యాయి. వాటిలో బ్లాక్ బస్టర్ తెలుగు డబ్బింగ్ సినిమాల నుంచి సస్పెన్స్ క్రైమ్ థ్రిల్లర్ వరకు ఉన్నాయి. మరి అవేంటో వాటి ఓటీటీ ప్లాట్‌ఫామ్స్ ఏంటో చూద్దాం.

నెట్‌ఫ్లిక్స్ ఓటీటీ

మహారాజా (తెలుగు డబ్బింగ్ తమిళ సినిమా)- జూలై 12

బ్లేమ్ ది గేమ్ (చిత్రం)- జూలై 12

ఎక్స్‌ప్లోడింగ్ కిట్టెన్స్ (కార్టూన్ వెబ్ సిరీస్)- జూలై 12

డిస్నీ ప్లస్ హాట్‌స్టార్ ఓటీటీ

అగ్నిసాక్షి (తెలుగు వెబ్ సిరీస్)- జూలై 12

షో టైమ్ (వెబ్ సిరీస్)- జూలై 12

ప్రేమలో (తెలుగు సినిమా)- అమెజాన్ ప్రైమ్ ఓటీటీ- జూలై 12

36 డేస్ (హిందీ వెబ్ సిరీస్)- సోనీ లివ్ ఓటీటీ- జూలై 12

పిల్ (హిందీ చిత్రం)- జియో సినిమా ఓటీటీ- జూలై 12

డాక్టర్ డెత్ సీజన్ 2 (వెబ్ సిరీస్)- లయన్స్ గేట్ ప్లే ఓటీటీ- జూలై 12

మందాకిని (మలయాళ సినిమా)- మనోరమ మ్యాక్స్ ఓటీటీ- జూలై 12

మహారాజా ఓటీటీ

ఇలా శుక్రవారం నుంచి 10 ఓటీటీ స్ట్రీమింగ్ అవుతోన్నాయి. వీటిలో విలక్షణ నటుడు విజయ్ సేతుపతి నటించి బ్లాక్ బస్టర్ హిట్ కొట్టిన తమిళ మూవీ మహారాజా. జూన్ 14న తమిళంతోపాటు తెలుగులో థియేటర్లలో విడుదలైన ఈ సినిమా బ్లాక్ బస్టర్ హిట్ అందుకుంది. సస్పెన్స్ థ్రిల్లర్‌ జోనర్‌లో తెరకెక్కిన మహారాజా నెట్‌ఫ్లిక్స్ ఓటీటీలో జూలై 12 నుంచి స్ట్రీమింగ్ అవుతోంది.

అగ్నిసాక్షి ఓటీటీ

మహారాజా ఓటీటీలో తమిళం, తెలుగుతోపాటు హిందీ, కన్నడ, మలయాళ భాషల్లో కూడా అందుబాటులో ఉంది. దీంతోపాటు తెలుగు క్రైమ్ థ్రిల్లర్ వెబ్ సిరీస్‌గా వచ్చింది అగ్ని సాక్షి. అర్జున్ అంబటి లీడ్ రోల్ చేసిన అగ్ని సాక్షి వెబ్ సిరీస్ డిస్నీ ప్లస్ హాట్‌స్టార్‌లో జూలై 12 నుంచి ఓటీటీ స్ట్రీమింగ్ అవుతోంది.

షో టైమ్-ప్రేమలో

శ్రీయ సరన్, మౌనీ రాయ్ యాక్ట్ చేసిన బోల్డ్ వెబ్ సిరీస్ షో టైమ్‌లోని అన్ని ఎపిసోడ్స్ జూలై 12 నుంచే డిస్నీ ప్లస్ హాట్‌స్టార్‌లో అది కూడా తెలుగులోనూ అందుబాటులోకి వచ్చాయి. అలాగే గోదావరి బ్యాక్‌డ్రాప్‌లో సస్పెన్స్ థ్రిల్లర్‌గా తెరకెక్కిన తెలుగు మూవీ ప్రేమలో అమెజాన్ ప్రైమ్‌లో శుక్రవారం నుంచి సైలెంట్‌గా స్ట్రీమింగ్ అవుతోంది. ఎలాంటి ప్రకటన లేకుండా ప్రేమలో మూవీ ఓటీటీలో రిలీజ్ అయింది.

6 స్పెషల్

వీటితోపాటు క్రైమ్ థ్రిల్లర్ హిందీ వెబ్ సిరీస్ 36 డేస్ కూడా ఇంట్రెస్టింగ్‌గా ఉండనుంది. ఇది సోనీ లివ్ ఓటీటీలో తెలుగులోనూ స్ట్రీమింగ్ అవుతోంది. ఇక మెడికల్ థ్రిల్లర్‌గా వచ్చిన పిల్ అనే హిందీ సిరీస్ కూడా స్పెషల్‌గా ఉండనుంది. ఇది జియో సినిమా ఓటీటీలో తెలుగు భాషలో సైతం అందుబాటులో ఉంది. ఇలా ఒక్కరోజే 10 రిలీజ్ కాగా.. వాటిలో 6 చూడాల్సినవి స్పెషల్‌గా ఉన్నాయి. అందులో 2 సినిమాలు, 4 వెబ్ సిరీసులు తెలుగులో ఉన్నాయి.