Brahmamudi May 15th Episode: బ్రహ్మముడి- బిడ్డ తల్లి కోసం వెళ్లిన కావ్య కిడ్నాప్- 5 లక్షలకు బేరం- భార్యపై రాజ్‌కు ఆ డౌట్

Brahma Mudi Serial Today Episode: బ్రహ్మముడి సీరియల్‌ నేటి ఎపిసోడ్‌లో అన్నయ్యను కంపెనీ బాధ్యతల నుంచి తప్పించావ్. అది నా సమస్య కాదు. నీది. కంపెనీ గురించి మాట్లాడే ముందు నువ్వే ఓసారి ఆలోచిస్తే మంచిది అని కల్యాణ్ అంటాడు. దాంతో కల్యాణ్ అని గట్టిగా అరుస్తుంది అపర్ణ. ఎందుకు కోపం తెచ్చుకుంటావ. చిన్నవాడైనా సత్యం చెప్పాడు. ఏడాది క్రితం రాజ్‌కు మించినవాడు లేడు అని పట్టాభిషేకం చేశాం అని సుభాష్ అంటాడు.

నిన్ను బాధపెట్టాలని కాదు

రాజ్‌ను తప్పించావ్. ఇప్పుడు వీడు వద్దనుకుంటాడు. ఇద్దరు తప్పుకుంటే కంపెనీ ఎవరు చూసుకుంటారు. అది వాడి సమస్య ఎలా అవుతుంది అని సుభాష్ అంటాడు. సారీ పెద్దమ్మ. నిన్ను బాధపెట్టాలని కాదు. అయోధ్యపురిని ఎంతమంది పాలించిన అది రామ రాజ్యం అంటారు. కంపెనీ నిలవాలంటే అది అన్నయ్య వల్లే అని చెప్పి వెళ్లిపోతుంటాడు కల్యాణ్.

అనామికను చూసి ఆగి గ్రాంథికంలో నిన్ను గారు తప్పమన్న సరళంగా గాడిద అన్న నా ఉద్దేశం ఒక్కటే. నువ్ ఎంత ఓండ్రు పెట్టినా నేను కవిత్వం రాయడం ఆపను. కంపెనీకు పోను. ఉంటే ఉండు లేకుంటే పో. లేదంటే మళ్లీ వెళ్లి పోలీస్ కేసు పెట్టుకో అని అంటాడు కల్యాణ్. తర్వాత రాజ్‌కు సారీ చెప్పి వెళ్లిపోతాడు కల్యాణ్. ఇంతకుముందు ఇంట్లో ఒకరిపై మరొకరికి గౌరవం ఉండేది. ఇప్పుడు ఎవరివారికి నిర్ణయం తీసుకోవడంతో ఇలా అయింది అని ఇందిరాదేవి అంటుంది.

ఆఫీస్‌కు రాహుల్

ఇది చిన్నవాళ్లకే కాదు పెద్దవాళ్లకు కూడా. ఈ పరిస్థితి ఇలాగే కొనసాగితే దీనికి కారణమైన వాళ్లను నేను బావ క్షమించము అని ఇందిరాదేవి అంటుంది. మరోవైపు ఆఫీస్‌కు రెడీ అవుతుంటాడు రాహుల్. ఈ అవకాశం వస్తుందని అనుకోలేదు అని రుద్రాణి సంబరపడుతుంటే.. నేను కంపెనీకి సీఈవో కాలేదు. జస్ట్ మెనెజింగ్ డైరెక్టర్‌ను మాత్రమే అని రాహుల్ అంటాడు. చుట్టు ఉన్న అవకాశాలు చూడు. రాజ్ ఆఫీస్‌కు వచ్చే అవకాశం లేదు. కల్యాణ్ లేడు. ఆ కావ్య ఉంటుందా పోతుందా అన్నట్లు ఉంది అని రుద్రాణి అంటుంది.

నువ్ ఒక్కడివే కంపెనీని చూసుకోగలవని చూపించు. ఇక్కడ కూడా వక్ర బుద్ధి చూపించకు అని రుద్రాణి అంటుంది. ఇంతలో వచ్చిన స్వప్న ఆహా.. మీ నోటి నుంచి నీతి వ్యాఖ్యాలు వినడం భలేగా ఉంది. కానీ, రాహుల్‌ను మీరు కాదు.. ఇంట్లో వాళ్లు నమ్మితే మీరు అనుకుంది జరుగుతుంది. కానీ, రాహుల్‌లో ఉంది మీ రక్తం. మీ నరనరాల్లోనే తప్పుడు చేసే ఆలోచన ఉంది. ముందు అక్కడి నుంచి మానుకుంటే తప్పా మంచి జరగదు అని స్వప్న అంటుంది.

అడ్డగాడిదల షో

రాహుల్ ఆ డబ్బు అని కోపంగా అంటే రుద్రాణి ఆపుతుంది. డబ్బేంటీ.. ఆ కోటి రూపాయల. ఇంకా దొరకలేదా అని స్వప్న అంటుంది. ఏ గాడిద ఎత్తుకుని వెళ్లిందో అని రాహుల్ అంటే.. తెలిసిన ఆ గాడిదను నువ్ ఏం చేయలేవు కానీ ముందు ఆఫీస్‌కు వెళ్లు అని స్వప్న అంటుంది. దాంతో రాహుల్ వెళ్లిపోతాడు. అత్తయ్య.. అడ్డగాడిదల షో వస్తుందట వెళ్లి చూద్దాం పదండి అని స్వప్న అంటే.. నువ్ ఒక్కదానివే వెళ్లి ఎంజాయ్ చేయి అని రుద్రాణి అంటుంది.

దాంతో స్వప్న వెళ్లిపోతుంది. నువ్ గాడిదవు కాదు నా పాలిట డైనోసర్ అని రుద్రాణి అనుకుంటుంది. మరోవైపు మామ సుభాష్‌తో మాట్లాడుతుంది కావ్య. ఆయన్ను కంపెనీ బాధ్యతల నుంచి తప్పంచారు. కవిగారు వెళ్లనంటున్నారు. రాహుల్ ఒక్కడే ఆఫీస్‌కు వెళ్తున్నాడు. ఇలాంటి పరిస్థితి ఇలాగే కొనసాగితే ఏమవుతుందో మీకు తెలుసు కంపెనీని సమర్ధవంతంగా నడిపించేది మా కొడుకు మాత్రమే. అది జరగాలంటే అత్తయ్య గారికి ఆయన మీద కోపం పోవాలి అని కావ్య అంటుంది.

ఆవిడ ఏం కోరుకుంటుంది

అలా జరగాలంటే అపర్ణకు నిజం తెలియాలి. అందుకే నన్ను నిజం చెప్పని అని సుభాష్ అంటాడు. ఇప్పుడు ఈ పరిస్థితుల్లో ఈ నిజం తెలిస్తే ఆవిడ ఏమైపోతారు. అసలు బాబు విషయంలో, తల్లి విషయంలో నాకు కొన్ని అనుమానాలు ఉన్నాయి. అడగడానికి మీకు, వినడానికి మీకు ఇబ్బందిగా ఉన్నా తప్పడం లేదు. బిడ్డతో పాటు తల్లి ఎందుకు రాలేదు. అసలు ఏ కన్న తల్లి అయిన పాలు తాగే పసిబిడ్డను విడిచి ఉండలేదు కదా. అసలు ఆవిడ ఎలా ఉంటుంది. ఆమె ఏం కోరుకుంటుంది అని కావ్య అడుగుతుంది.

డబ్బు అని సుభాష్ చెబుతాడు. కావ్య షాక్ అవుతుంది. అవునమ్మా. ముందు ఆ మాయ నా సెక్రటరిగా ఊటి బ్రాంచ్‌లో పనిచేసింది. ఆ తర్వాత నేను హైదరాబాద్‌కు వచ్చాకా నాతో టచ్‌లో లేకుండా పోయింది. హఠాత్తుగా సంవత్సరం తర్వాత బిడ్డను తీసుకొచ్చి నా బిడ్డే అంది. నాకు ఏం చేయాలో అర్థం కాలేదు. టైమ్ కావాలి అన్నాను. నెల నెల పది లక్షలు బ్యాంక్‌లో వేశాను. మీ మ్యారెజ్ డే రోజు సడెన్‌గా వచ్చింది. తనకు తన బిడ్డకు న్యాయం చేయమని కోరింది. లేకుంటే నా కుటుంబం ముందుకు బిడ్డను తీసుకొచ్చి జరిగింది చెబుతాను అని అందని సుభాష్ అంటాడు.

నేను మాత్రం ఏం చేయలేకపోతున్నా

ఒకరకంగా చెప్పాలంటే బాగా ఒత్తిడి తీసుకొచ్చింది. ఇంటి ముందు నేను అలా నిల్చోలేక సూసైడ్ చేసుకుందామనుకున్నాను. రాజ్ వచ్చి కాపాడాడు అని జరిగింది చెబుతాడు సుభాష్. ఎంత గొప్ప కొడుకును కన్నారు మీరు. మీ మీద ప్రేమతో ఆయన సర్వస్వాన్ని ధారపోశారు అని కావ్య అంటే.. నేను మాత్రం వాడికోసం ఏం చేయలేకపోతున్నాను అని సుభాష్ అంటాడు. ఏదో ఒక రోజు ఆ అవకాశం కూడా వస్తుంది అని కావ్య అంటుంది.

మీరు ఇంకా డబ్బు పంపిస్తున్నారు అని అడిగితే సుభాష్ నెల క్రితమే పంపించాను అని సుభాష్ అంటాడు. విచిత్రంగా ఉంది మావయ్య. ఏ తల్లి అయినా బాబుకు తండ్రి, తల్లి, ఓ అడ్రస్ ఉండాలనుకుంటుంది. తల్లిదండ్రులతో పెరగాలని అనుకుంటుంది. ఆమెకు డబ్బు పంపిస్తే చాలా. బిడ్డను ప్రపంచానికి పరిచయం చేయకపోయినా పర్వాలేదా. ఇదంతా వింటుంటే నాకెందుకో అనుమానంగా ఉంది. నిజనిజాలు తెలుసుకోవాలి. ఆ మాయ అడ్రస్ తెలుసా అని కావ్య అడుగుతుంది.

ఎవరిదారిన వాళ్లు

తెలీదు అని సుభాష్ అంటాడు. సరే ఆవిడకు నెల నెల డబ్బు పంపించే అకౌంట్‌కు రెసిడెన్స్ అడ్రస్ ఉంటుంది కదా అని కావ్య అడిగితే.. పంపిస్తాను అని సుభాష్ అంటాడు. మీరు ఇక అత్తయ్యకు నిజం చెప్పాలనే ఆలోచన మానుకోండని కావ్య వెళ్లిపోతుంటే.. ఇలా భారాన్ని తెలెత్తుకుని నువ్ ఏ సమస్య తెచ్చుకోవద్దని చెబుతాడు. కానీ, కావ్య సైలెంట్‌గా వెళ్లిపోతుంది.

మరోవైపు మాయ, కావ్య గురించి ఆలోచిస్తుంటాడు రాజ్. మాయను ఎలాగైనా కళావతి తీసుకొస్తుంది. అలా జరగకుండా మాయను నేనే ముందు కలిసి డబ్బు ఇచ్చి మా ఇంటి వంక తిరిగి చూడకుండా చేయాలి. అమ్మ అడిగితే చనిపోయిందని చెప్పాలి అని రాజ్ బయలుదేరుతాడు. కావ్య కూడా వెళ్లడం చూసి ఎక్కడికి అని అడుగుతాడు. కావ్య అడ్డదిడ్డంగా సమాధానం చెబుతుంది. ఇద్దరు గొడవ పడతారు. తర్వాత ఇద్దరూ బయటకు వెళ్తారు.

రాజ్‌కు డౌట్

ఇద్దరూ ఎవరి కారులో వారు మాయ దగ్గరికి వెళ్తారు. ఇదేంటి కళావతి నా కారు వెనుకే వస్తుంది. నన్ను ఫాలో అవుతుందా అని రాజ్ అనుకుంటాడు. రాజ్ ఎటు వెళ్తే అటు కావ్య వచ్చేసరికి రాజ్‌కు డౌట్ వస్తుంది. లెఫ్ట్ ఇండికేటర్ వేసి రైట్‌కు పోదామనుకుంటాడు రాజ్. అలాగే చేస్తాడు. డ్రైవర్ రాజ్ గురించి చెబితే.. ఆయన ట్రాఫిక్ రూల్స్ అలాగే ఉంటాయి. ఆయన ఎటు వెళ్తే మనకేంటి నువ్ స్టైట్‌గా వెళ్లు అని చెబుతుంది కావ్య.

కావ్య అలా వెళ్లడంతో నన్ను ఫాలో కావట్లేదు. ఇప్పుడు మన పని ప్రశాంతంగా చేసుకోవచ్చు అని రాజ్ అనుకుంటాడు. తర్వాత కొంతసేపటికి ఈ బస్తీలోకి కారు వెళ్లదని డ్రైవర్ చెబితే కావ్య నడుచుకుంటూ వెళ్తుంది. రాజ్ కూడా వచ్చి నడుచుకుంటూ వెళ్తాడు. అడ్రస్ వెతుక్కుంటూ వచ్చిన కావ్యను అక్కడున్న ఇద్దరూ ఏముందిరా పోరి అనుకుంటారు. కావ్యను ఫొటో తీస్తాడు. మరోవైపు ఓ చోట నన్ను వదిలేయమంటూ ఓ యువతి అడుగుతుంది.

కావ్యకు 5 లక్షలు ఇస్తా

అక్కడ గన్ పట్టుకున్న రౌడీ ఇక్కడికి రావడమే ఉంటుంది. బయటకు వెళ్లడమంటూ ఉంటుంది అని బెదిరిస్తాడు. ఇతనికి కావ్య ఫొటోను పంపిస్తాడు. అమ్మాయి బాగుందని అతని కాల్ చేస్తాడు రౌడీ. అమ్మాయి బాగుంది. ఎక్కడుంది. ఎవరు లేరు కదా. ఇప్పటివరకు మన గురించి తెలయలేదంటే ఎవరు లేని టైమ్ చూసి కిడ్నాప్ చేశాం. అది చూస్తే బస్తీ పిల్లల లేదు. దారితప్పి వచ్చింది. జాగ్రత్తగా ఎవరు లేని సమయం చూసి తీసుకురండి. లేకుంటే అందరం దొరికిపోతాం అని చెబుతాడు గన్ పట్టుకున్న రౌడీ.

సరే వెకిల్ పంపిస్తా. ఇప్పటివరకు 50 వేలు ఇచ్చా. ఈ అమ్మాయిని తీసుకొస్తే 5 లక్షలు ఇస్తా అని ఆ రౌడీ అంటాడు. దాంతో మరో రౌడీ సరే అన్న పట్టుకస్తా అని అతనితో ఉన్న వాడితో మంగమ్మని వెళ్లి పిలుచుకురా అని అంటాడు. ఇంతటితో ఎపిసోడ్ ముగుస్తుంది.

రాజ్‌కు తెలిసిన నిజం

బ్రహ్మముడి తర్వాతి ఎపిసోడ్‌లో ఆఫీస్ వాచ్‌మెన్‌తో రాజ్ కాల్ మాట్లాడతాడు. ఫిబ్రవరి 19 తేదిన ఆఫీస్‌కు ఎవరో గెస్ట్ వస్తా అన్నారు. వాళ్లు వచ్చారా అని కావ్య మేడమ్ అడిగారు. హార్డ్ డిస్క్ తీసుకుని వెళ్లిపోయారు చెబుతాడు. హార్డ్ డిస్క్ తీసుకుని వెళ్లిపోయిందా అని రాజ్ షాక్ అవుతాడు. కట్ చేస్తే.. కావ్యను బలవంతంగా వ్యాన్‌లో లాక్కెళ్తారు రౌడీలు. అది అప్పు చూస్తుంది. వ్యాన్ వెంట పరుగెడుతుంది. కానీ, అలసిపోయి ఓ చోట ఆగుతుంది. కావ్యను రౌడీలు కిడ్నాప్ చేస్తారు.