Brahmamudi July 22nd Episode: కావ్య‌కు అన్యాయం చేశాన‌ని ఒప్పుకున్న అప‌ర్ణ - అప్పు, కళ్యాణ్ ప్రేమ‌కు రాజ్ స‌పోర్ట్‌
Brahmamudi July 22nd Episode: బ్ర‌హ్మ‌ముడి జూలై 22 ఎపిసోడ్‌లో అప్పు ప‌ట్ల త‌న మ‌న‌సులో ఉన్న ప్రేమ‌ను కవిత రూపంలో కళ్యాణ్ వ్య‌క్తం చేస్తాడు. అనుకోకుండా ఆ కవిత క‌ళ్యాణ్‌కు దొరుకుతుంది. కవిత చ‌దివిన రాజ్ త‌మ్ముడి ప్రేమ‌ను ఎలాగైనా గెలిపించాల‌ని అనుకుంటాడు.
Brahmamudi July 22nd Episode: కావ్య‌ను డిన్న‌ర్ కోసం హోట‌ల్‌కు తీసుకెళ‌తాడు రాజ్. కావ్య‌ను సర్ప్రైజ్ చేయ‌డానికి ఆమె చేత కేక్ క‌ట్ చేయించాల‌ని ప్లాన్‌వేస్తాడు. కొద్ది క్ష‌ణాల్లో స్వ‌రాజ్ గ్రూప్ ఎండీ రాజ్ వారి శ్రీమ‌తి కావ్య‌కు ఓ సర్ప్రైజ్ ఇవ్వ‌బోతున్నాడ‌ని హోట‌ల్ మేనేజ‌ర్ మైక్‌లో అనౌన్స్‌చేస్తాడు.
స్టార్ట్ మ్యూజిక్ అని మేనేజ‌ర్ అన‌గానే అన్న చెల్లెలి అనుబంధం జ‌న్మ జ‌న్మ‌ల సంబంధం అని పాట వ‌స్తుంది. ఆ పాట విన‌గానే రాజ్ షాక‌వుతాడు. వెయిటర్ కేక్ తీసుకొస్తాడు. ఆ కేక్‌పై హ్యాపీ బ‌ర్త్ డే సిస్ట‌ర్ అని రాసి ఉంటుంది. కేక్‌పై ఉన్న అక్ష‌రాలు చూసి ఇంత పెద్ద సర్ప్రైజ్ ఇస్తార‌ని అస్స‌లు ఎక్స్‌పెక్ట్ చేయ‌లేద‌ని కావ్య భ‌ర్త‌పై సెటైర్లు వేస్తుంది. ప‌క్క టేబుల్ మీద ఇవ్వాల్సిన కేక్ మీకు ఇచ్చాన‌ని రాజ్‌కు సారీ చెబుతాడు వెయిటర్.
త‌ల ప‌ట్టుకున్న రాజ్...
ఈ సారి సర్ప్రైజ్ పార్టీలో ఎలాంటి మిస్టేక్స్ లేకుండా చూసుకుంటాన‌ని మేనేజ‌ర్ అంటాడు. కానీ మ‌రోసారి ష‌ష్టిపూర్తి శుభాకాంక్ష‌లు అని రాసి ఉన్న కేక్‌ను వెయిటర్ తీసుకొస్తుంది అది చూసి రాజ్ త‌ల‌ప‌ట్టుకుంటాడు. కావ్య న‌వ్వు ఆపుకోలేక‌పోతుంది. మ‌ళ్లీ మేనేజ‌ర్ రాజ్ ద‌గ్గ‌ర‌కు వ‌చ్చి ఈ సారి తానే స్వ‌యంగా కేక్ తీసుకొస్తాన‌ని అంటాడు. నీకు దండం రా బాబు...కేకు వ‌ద్దు నువ్వు వ‌ద్దు...ఆర్డ‌ర్ చేసిన ఫుడ్ అయిన స‌రిగా తీసుకుర‌మ్మ‌ని రాజ్ అంటాడు. సర్ప్రైజ్ పార్టీ మొత్తం పాడుకావ‌డంలో రాజ్ డిస‌పాయింట్ అవుతాడు.
రాజ్ ఇరిటేష‌న్‌...
డిన్న‌ర్ పూర్తిచేసుకొని కారులో ఇంటికి వెళుతోన్న స‌మ‌యంలో ఇరిటేట్ అవుతాడు రాజ్. అత‌డి ఇరిటేష‌న్‌ను పొగొట్ట‌డానికి కావ్య పాట‌లు పెడుతుంది. కానీ కారులో కూడా సాడ్ సాంగ్ రావ‌డంతో రాజ్ కోపం మ‌రింత పెరుగుతుంది. మ్యూజిక్ సిస్ట‌మ్ ఆపేస్తాడు. రాక రాక మ‌నం బ‌య‌ట‌కు వ‌స్తే విధి కూడా వెక్కిరిస్తుంద‌ని, కాలం కూడా కామెడీ చేస్తుంద‌ని కావ్య అంటుంది.
ఆగిపోయిన కారు...
ఇంటికి వెళుతోన్న స‌మ‌యంలో కారు పాడ‌వుతుంది. రాజ్ ఫోన్‌లో ఛార్జింగ్ అయిపోవ‌డంతో కావ్య ఫోన్ ద్వారా క్యాబ్ బుక్ చేయాల‌ని అనుకుంటాడు. కానీ తాను ఫోన్ తేలేద‌ని కావ్య స‌మాధానం చెబుతుంది. మ‌రోవైపు వ‌ర్షం ప‌డుతుండ‌టంతో ఏం చేయాలా అని రాజ్ ఆలోచిస్తుంటాడు. అత‌డిపై కావ్య నాన్‌స్టాప్‌గా పంచ్‌లు వేస్తూనే ఉంటుంది. కారు ఆగిపోయిన ప్లేస్ నుంచి కొద్ది దూరంలో పాత బిల్డింగ్ క‌నిపిస్తుంది. వ‌ర్షం త‌గ్గేవ‌ర‌కు ఆ బిల్డింగ్‌లో త‌ల‌దాచుకోవాల‌ని కావ్య, రాజ్ అనుకుంటారు.
ద‌య్యాలు భూతాలు...
బిల్డింగ్ లోప‌లికి అడుగుపెట్టిన కావ్య ఎవ‌రైనా ఉన్నారా లోప‌ల...ద‌య్యాలు భూతాలు ఉంటే రాకండి...మా ఆయ‌న గ‌ర్జిస్తే మీరే గుండే ఆగి చ‌స్తార‌ని కావ్య అంటుంది. చ‌నిపోయిన వాళ్లే ద‌య్యాలు అవుతార‌ని కావ్య‌తో కామెడీ చేస్తాడు రాజ్. చేయి వ‌ణుకుతుంద‌ని కావ్య అంటుంది. నేను ప‌ట్టుకుంటాన‌ని కావ్య చేయిని అందుకోబోతాడు రాజ్. నేను వ‌ణుకుతుంది అన్న‌ది నా చేయి కాదు మీ చేయి అని కావ్య ఆట‌ప‌ట్టిస్తుంది.
బిల్డింగ్ లోప‌లికి వెళ్ల‌గానే రూమ్ నిండా క్యాండిల్స్ వెళిగించి ఉంటాయి. కొంప‌దీసి ఎవ‌రైన చేత‌బ‌డులు చేస్తున్నారా అని కావ్య అనుమాన‌ప‌డుతుంది. అలాంటిదేమీ లేద‌ని రాజ్ అంటాడు. అక్క‌డే ఓ కొత్త చీర క‌నిపించ‌డంతో మార్చుకోమ‌ని కావ్య‌కు ఇస్తాడు రాజ్. కానీ కావ్య త‌ట‌ప‌టాయిస్తుంది.
రాజ్ బ‌ల‌వంత‌పెట్ట‌డంతో ఒప్పుకుంటుంది. మ‌రో రూమ్‌కు వెళ్ల‌బోతుండ‌గా క‌ర్టెన్ చాటునుంచి ఎవ‌రో వెళ్లిన‌ట్లుగా కావ్య‌కు క‌నిపిస్తుంది. అది చూసి కావ్య కేక‌లు వేస్తుంది. ఈ మ‌ధ్య నువ్వు ద‌య్యం సినిమాలు బాగా చూస్తున్నావు క‌దా అంటూ కావ్య మాట‌ల‌ను కొట్టిప‌డేస్తాడు రాజ్.
కొత్త చీర‌లో దేవ‌క‌న్య‌లా...
కావ్య కొత్త చీర‌లో దేవ‌క‌న్య‌లా ముస్తాబై రాజ్ ముందు ప్ర‌త్య‌క్ష‌మ‌వుతుంది. ఆమె అందానికి ఫిదా అవుతాడు రాజ్. మ‌రోసారి ఎవ‌రో త‌మ వెనుక నుంచి వెళ్లిన‌ట్లుగా అనిపించ‌డంతో రాజ్, కావ్య భ‌య‌ప‌డి ఒక‌రినొక‌రు కౌగిలించుకుంటారు. ఇద్ద‌రు ద‌గ్గ‌ర‌వుతారు. కావ్య‌కు ముద్దుపెడ‌తాడు రాజ్. కావ్య, రాజ్‌ల శోభ‌నం ఓ పాత బిల్డింగ్‌లోనే జ‌రుగుతుంది.
అప‌ర్ణ బాధ...
మ‌రోవైపు కావ్య, రాజ్‌ల శోభ‌నం కోసం ఇందిరాదేవి, అప‌ర్ణ ఇంట్లో అన్ని ఏర్పాట్లు చేస్తారు. శోభ‌నం ఏర్పాట్ల‌తో వారిని సర్ప్రైజ్ చేయాల‌ని అనుకుంటారు. డిన్న‌ర్ కోసం బ‌య‌ట‌కు వెళ్లిన రాజ్, కావ్య చాలా ఆల‌స్య‌మై ఇంటికిరాక‌పోవ‌డంతో ఇద్ద‌రు కంగారుప‌డ‌తారు. కావ్య‌ను ఇన్నాళ్లు చాలా మోసం చేశాన‌ని అప‌ర్ణ బాధ‌ప‌డుతుంది. అప్పుపై త‌న మ‌న‌సులో ఉన్న ప్రేమ‌ను కవిత రూపంలో కళ్యాణ్ వ్య‌క్తం చేస్తాడు. అనుకోకుండా ఆ కవిత రాజ్‌కు దొరుకుతుంది.
ఆ కవిత చ‌దివిన రాజ్... కళ్యాణ్, అప్పు ప్రేమ‌ను గెలిపించాల‌ని ఫిక్స‌వుతాడు. మ‌రోవైపు అప్పుకు పెళ్లిచూపులు జ‌రుగ‌నున్న‌ట్లు, ఆ వేడుక‌కు ర‌మ్మ‌ని కావ్య, రాజ్‌ల‌ను క‌న‌కం ఆహ్వ‌నిస్తుంది. అప్పుకు పెళ్లి అనే మాట విన‌గానే రాజ్ కంగారు ప‌డ‌తాడు. అక్క‌డితో నేటి బ్ర‌హ్మ‌ముడి సీరియ‌ల్ ముగిసింది.
