Raj Tarun: ఓవైపు 'పురుషోత్తముడు'గా రాజ్ తరుణ్.. మరోవైపు చీటింగ్ కేస్.. ట్రైలర్ అలా!

Raj Tarun Cheating Case Update: ప్రస్తుతం హీరో రాజ్ తరుణ్ చీటింగ్ కేస్ ఎదుర్కొంటున్నాడు. తనను ప్రేమించి పెళ్లి చేసుకుంటానని చెప్పి మోసం చేసినట్లు లావణ్య పోలీసులకు ఫిర్యాదు చేసిన విషయం తెలిసిందే. ఈ విషయంపై విచారణకు హాజరుకావాలని, జూలై 18 వరకు గడువు ఇచ్చారు నార్సింగి పోలీసులు. కానీ, రాజ్ తరుణ్ విచారణకు హాజరుకాలేదు.

తర్వాత కొన్ని రోజులకు విచారణకు హాజరుకాలేను అంటూ పోలీసులను రిక్వెస్ట్ చేసుకున్నాడు. ఓ వైపు రాజ్ తరుణ్‌పై వివాదం నెలకొనగా మరోవైపు తనను పురుషోత్తముడుగా చూపిస్తూ మూవీ ట్రైలర్ విడుదల చేశారు. రాజ్ తరుణ్ హీరోగా నటించిన మరో సినిమానే పురుషోత్తముడు. రామ భీమన దర్శకత్వం వహించిన ఈ సినిమా ట్రైలర్‌ను తాజాగా రిలీజ్ చేశారు.

ఈ చిత్రాన్ని శ్రీ శ్రీదేవి ప్రొడక్షన్స్ బ్యానర్‌పై డా. రమేష్ తేజావత్, ప్రకాష్ తేజావత్ ప్రతిష్టాత్మకంగా భారీ బడ్జెట్‌తో నిర్మిస్తున్నారు. ఈ చిత్రంతో హాసిని సుధీర్ హీరోయిన్‌గా పరిచయమవుతున్నారు. "ఆకతాయి", "హమ్ తుమ్" చిత్రాలతో ప్రతిభావంతమైన దర్శకుడిగా పేరు తెచ్చుకున్న రామ్ భీమన "పురుషోత్తముడు" సినిమాను తెరకెక్కించారు.

పురుషోత్తముడు సినిమాలో ప్రకాష్ రాజ్, మురళి శర్మ, రమ్య కృష్ణ, బ్రహ్మానందం, ముకేష్ ఖన్నా వంటి స్టార్ కాస్టింగ్‌ కీలక పాత్రలు పోషించారు. ఈ సినిమాను ఈ నెల 26వ తేదీన ప్రపంచవ్యాప్తంగా గ్రాండ్ థియేట్రికల్ రిలీజ్‌ చేయనున్నారు. పురుషోత్తమడు ట్రైలర్‌లో ఎక్కువగా మహేశ్ బాబు శ్రీమంతుడు ఛాయలు కనిపించాయి. ఓ గ్రామంలోకి వెళ్లి అక్కడ ప్రజలను, పరిస్థితులను చక్కబెట్టే ఓ బిజినెస్‌మ్యాన్‌గా రాజ్ తరుణ్‌ క్యారెక్టర్ ఉండనున్నట్లు తెలుస్తోంది.

కాగా పురుషోత్తముడు ట్రైలర్ రిలీజ్ ఈ సందర్భంగా దర్శకుడు రామ్ భీమన మాట్లాడుతూ.. "ఈ రోజు ఫిలింనగర్ దైవసన్నిధానం, మోతీనగర్ రామాయలయంలో పూజా కార్యక్రమాలు జరుపుకుని మా పురుషోత్తముడు సినిమా ట్రైలర్‌ను మూవీ యూనిట్ సమక్షంలో విడుదల చేయడం సంతోషంగా ఉంది" అని అన్నారు.

"మా సినిమా ట్రైలర్‌కు అతి తక్కువ టైమ్‌లో మంచి రెస్పాన్స్ వస్తోంది. మా సినిమాలో ప్రకాష్ రాజ్, మురళి శర్మ, రమ్య కృష్ణ, బ్రహ్మానందం వంటి స్టార్ కాస్టింగ్ ఉన్నారు. ఫ్యామిలీ ఎమోషన్స్, లవ్, యాక్షన్, మంచి మ్యూజిక్ వంటి అన్ని కమర్షియల్ ఎలిమెంట్స్‌తో ప్రేక్షకులందరికీ నచ్చేలా ఈ సినిమా ఈ జూలై 26న మీ ముందుకు రాబోతోంది. పురుషోత్తముడు థియేటర్స్‌లో ఒక పండగ లాంటి వాతావరణం తీసుకొస్తుందని, మీ అందరి ఆదరణ సినిమాకు దక్కుతుందని ఆశిస్తున్నాం" అని డైరెక్టర్ రామ్ భీమన తెలిపారు.

"పురుషోత్తముడు సినిమా ట్రైలర్ మీకు నచ్చిందనే ఆశిస్తున్నాను. అన్ని వర్గాల ఆడియెన్స్‌కు నచ్చేలా సినిమాను రూపొందించారు మా డైరెక్టర్ రామ్ భీమన. కంప్లీట్ ఫ్యామిలీ ఎంటర్‌టైనర్‌గా పురుషోత్తముడు సినిమా మిమ్మల్ని ఆకట్టుకుంటుంది. ఈ నెల 26వ తేదీన థియేటర్స్‌లో తప్పకుండా చూస్తారని కోరుకుంటున్నా" అని నిర్మాత ప్రకాష్ తేజావత్ ఆకాంక్షించారు.

"పురుషోత్తముడు ట్రైలర్‌కు వస్తున్న రెస్పాన్స్ చూస్తుంటే సంతోషంగా ఉంది. ఈ పాజిటివ్ రెస్పాన్స్ థియేటర్స్‌లోనూ రిపీట్ అవుతుందని ఆశిస్తున్నా. పురుషోత్తముడు సినిమా నిర్మించడం నా కల. నిర్మాతగా ఒక మంచి మూవీ చేశామని నమ్ముతున్నాం. సకుటుంబంగా మా సినిమాకు రండి మీరంతా తప్పకుండా ఎంజాయ్ చేసేలా పురుషోత్తముడు సినిమా ఉంటుంది" అని మరో నిర్మాత డా. రమేష్ తేజావత్ చెప్పుకొచ్చారు.