Bigg Boss Gangavva: బిగ్ బాస్‌లోకి మరో 8 మంది సెలబ్రిటీలు కన్ఫర్మ్.. గంగవ్వతోపాటు ఏడుగురు మాజీ కంటెస్టెంట్స్ రీ ఎంట్రీ

Bigg Boss 8 Telugu Ex Contestants Entry List: బిగ్ బాస్ తెలుగు 8 సీజన్ మరో అంకానికి తెరలేపింది. సెప్టెంబర్ 1న ప్రారంభమైన బిగ్ బాస్ 8 తెలుగు సీజన్‌లోకి మొత్తంగా 14 మంది కంటెస్టెంట్స్ అడుగుపెట్టిన విషయం తెలిసిందే. వారిలో ఒక్కో వారం చొప్పున ఇప్పటికీ నలుగురు ఎలిమినేట్ అయి వెళ్లిపోయారు.

ఇవాళ ఒకరు ఎలిమినేట్

బిగ్ బాస్ తెలుగు 8 నుంచి ఎలిమినేట్ అయి వెళ్లిపోయిన వారిలో వరుసగా బెజవాడ బేబక్క, ఆర్జే శేఖర్ బాషా, అభయ్ నవీన్, సోనియా ఆకుల ఉన్నారు. ఇవాళ (అక్టోబర్ 3) హీరో ఆదిత్య ఓం ఎలిమినేట్ కావడం చూపించనున్నారు. దీంతో ఐదుగురు ఎవిక్షన్‌తో హౌజ్ వదిలి వెళ్లిపోగా.. బిగ్ బాస్ ఇంట్లో 9 మంది మిగులుతారు. వీరి నుంచి వీకెండ్‌లో మరొకరు ఎలిమినేట్ అవుతారు.

దాంతో బిగ్ బాస్ 8 తెలుగు హౌజ్‌‌లో 8 మంది ఇంటి సభ్యులు ఉంటారు. ఇక సర్వైవల్ ఆఫ్ ది ఫిట్టెస్ట్ ఛాలెంజ్‌ను హౌజ్‌మేట్స్‌తో బిగ్ బాస్ ఆడించిన విషయం తెలిసిందే. అందులో 12 మంది వైల్డ్ కార్డ్స్ ఎంట్రీ ఉండగా.. నలుగురుని శక్తి, కాంతార క్లాన్స్ ఆపాయి. అక్కడితో సర్వైవల్ ఆఫ్ ది ఫిట్టెస్ట్ ఛాలెంజ్ ముగిసిపోయింది. అంటే, హౌజ్‌లోకి కొత్తగా మరో 8 మంది కంటెస్టెంట్స్‌గా రానున్నారు.

8 మంది సెలబ్రిటీలు కన్ఫర్మ్

బిగ్ బాస్ తెలుగు 8లోకి వైల్డ్ కార్డ్‌తో వచ్చే 8 మంది సెలబ్రిటీలు కన్ఫర్మ్ అయ్యారు. వారంతా బిగ్ బాస్ మాజీ కంటెస్టెంట్సే. వారిలో బిగ్ బాస్ తెలుగు 4 సీజన్ గంగవ్వ ఉండటం విశేషంగా మారింది. ఎందుకంటే ఆ సీజన్‌లో మూడు నాలుగు వారాలకే అనారోగ్యం కారణంగా స్వచ్ఛందంగా గంగవ్వ ఎలిమినేట్ అయి వెళ్లిపోయింది. ఇప్పుడు నాలుగు సీజన్స్ తర్వాత గంగవ్వ బిగ్ బాస్‌లోకి రీ ఎంట్రీ ఇస్తోంది.

ఆమెతోపాటు మరో ఏడుగురు బిగ్ బాస్ ఎక్స్ కంటెస్టెంట్స్ కన్ఫర్మ్ అయ్యారు. బిగ్ బాస్ తెలుగు 8కి రీ ఎంట్రీ ఇచ్చే మాజీ కంటెస్టెంట్స్‌లో హీరో గౌతమ్ కృష్ణ, హరితేజ, మెహబూబ్ షేక్, జబర్దస్త్ రోహిణి, నయని పావని, టేస్టీ తేజ, జబర్దస్త్ అవినాష్ ఉన్నారు. వీరిలో మెహబూబ్ షేక్, గంగవ్వ, జబర్దస్త్ అవినాష్ ముగ్గురు బిగ్ బాస్ నాలుగో సీజన్ కంటెస్టెంట్స్.

సీజన్ 7 నుంచి ముగ్గురు

ఇక గౌతమ్ కృష్ణ, సోషల్ మీడియా ఇన్‌ఫ్లుయెన్సర్ నయని పావని, టేస్టీ తేజ బిగ్ బాస్ తెలుగు 7 సీజన్ కంటెస్టెంట్స్. ఇప్పటిలాగే అప్పుడు కూడా నయని పావని వైల్డ్ కార్డ్‌తోనే ఎంట్రీ ఇచ్చింది. కానీ, ఆమెకు అప్పుడు అంతగా లక్ కలిసి రాలేదు. ఇక లేడి కమెడియన్ జబర్దస్త్ రోహిణి కింగ్ నాగార్జున మొదటిసారిగా హోస్ట్ చేసిన బిగ్ బాస్ తెలుగు 3 సీజన్‌లో కంటెస్టెంట్‌గా చేసింది.

నటిగా చాలా పాపులర్ అయిన హరితేజ బిగ్ బాస్ తెలుగు 1 సీజన్‌లో కంటెస్టెంట్‌గా పాల్గొంది. ఇప్పుడు చాలా కాలం గ్యాప్ తర్వాత మళ్లీ బిగ్ బాస్‌కు రీ ఎంట్రీ ఇవ్వనుంది. వీరందరు బిగ్ బాస్ మాజీ కంటెస్టెంట్సే. మరి వైల్డ్ కార్డ్‌తో ఎంట్రీ ఇస్తోన్న ఈ బిగ్ బాస్ మాజీలు ఎలా ఆడతారో చూడాలి.