Devara Ayudha Pooja Song Release: దేవర నుంచి ‘ఆయుధ పూజ’ పాటకు డేట్, టైమ్ ఫిక్స్.. పవర్‌ఫుల్‍గా సాంగ్!
Devara Ayudha Pooja Song Release date: దేవర చిత్రం నుంచి నాలుగో పాట రానుంది. ఈ ఆయుధ పూజ సాంగ్ రిలీజ్ చేసే డేట్, టైమ్‍ను మూవీ టీమ్ వెల్లడించింది. కొత్త పోస్టర్ కూడా తీసుకొచ్చింది.
మ్యాన్ ఆఫ్ మాసెస్ జూనియర్ ఎన్టీఆర్ హీరోగా నటించిన దేవర సినిమాలోనూ ‘ఆయుధ పూజ’ పాటపై చాలా హైప్ ఉంది. ఈ సాంగ్ అదిరిపోయేలా ఉంటుందని ఇండస్ట్రీ టాక్ కొంతకాలంగా నడుస్తోంది. దీంతో ఈ సాంగ్ ఎప్పుడు వస్తుందా అనే నిరీక్షణ ఉంది. ఎట్టకేలకు ఈ చిత్రం నుంచి నాలుగో సాంగ్‍గా ‘ఆయుధ పూజ’ పాట వస్తోంది. ఈ సాంగ్ రిలీజ్, డైట్ టైమ్‍ను మూవీ టీమ్ నేడు వెల్లడించింది.
పాట ఎప్పుడు రానుందంటే..
దేవర సినిమా నుంచి ఆయుధ పూజ పాట రేపు (సెప్టెంబర్ 19) ఉదయం 11 గంటల 07 నిమిషాలకు రిలీజ్ కానుంది. ఈ విషయాన్ని మూవీ టీమ్ నేడు (సెప్టెంబర్ 18) అధికారికంగా వెల్లడించింది.
దేవర నుంచి ఆయుధ పూజ పాట గూజ్‍బంప్స్ తెప్పించేలా ఉంటుందని యూనిట్ హైప్‍ను మరింత పెంచింది. దేవర లాంటి ఆయుధం వచ్చినప్పుడు అది సెలెబ్రేషనే అని, ఎంతో ఎదురుచూస్తున్న గూజ్‍బంప్స్ ప్యాక్డ్ ఆయుధపూజ పాట సెప్టెంబర్ 19 ఉదయం 11.07 గంటలకు రానుందని ఎన్టీఆర్ ఆర్ట్స్ ట్వీట్ చేసింది.
ఎన్టీఆర్ కొత్త పోస్టర్
ఈ ఆయుధ పూజ డేట్ అనౌన్స్‌మెంట్‍తో ఓ కొత్త పోస్టర్ రివీల్ చేసింది మూటీ టీమ్. ఈటెల్లాంటి ఆయుధాల మధ్య ఇంటెన్స్ లుక్‍తో ఎన్టీఆర్ ఉన్నారు. ఈ సాంగ్ పవర్‌ఫుల్‍గా ఉంటుందని తెలుస్తోంది. ఈ పాటకు రామజోగయ్య శాస్త్రి రిలిక్స్ ఇచ్చారని సమాచారం. ఇప్పటికే ఈ పాట దుమ్మురేపేలా ఉంటుందని మూవీ వర్గాల నుంచి టాక్ ఉంది. ఈ సాంగ్‍పై అంచనాలు భారీగానే ఉన్నాయి.
దేవర సినిమా రిలీజ్‍కు రెడీ అవుతోంది. కొరటాల శివ దర్శకత్వం వహిస్తున్న ఈ హైవోల్టేజ్ యాక్షన్ మూవీ సెప్టెంబర్ 27వ తేదీన తెలుగు, హిందీ, తమిళం, మలయాళం, కన్నడ భాషల్లో రిలీజ్ కానుంది. ఇప్పటికే ప్రమోషన్లను టీమ్ జోరుగా చేస్తోంది. హిందీ వెర్షన్ కోసం ముంబైలో ప్రమోషన్లను చేశారు ఎన్టీఆర్. ట్రైలర్ లాంచ్ ఈవెంట్ అక్కడే జరిగింది. కరణ్ జోహార్, ఆలియా భట్‍తో ఓ ఇంటర్వ్యూ చేశారు ఎన్టీఆర్. కపిల్ శర్మ కామెడీ షోలో పాల్గొన్నారు. డైరెక్టర్ సందీప్ రెడ్డి వంగాతోనూ ఓ ఇంటర్వ్యూ జరిగింది. ట్రైలర్ తర్వాత ఈ మూవీపై అంచనాలు మరింత పెరిగిపోయాయి.
తమిళ వెర్షన్ కోసం చెన్నైలో మంగళవారం ప్రెస్‍మీట్ నిర్వహించింది మూవీ టీమ్. ఎన్టీఆర్ మరోసారి తన స్పీచ్‍తో మెప్పించారు. గ్లోబల్ హిట్ ఆర్ఆర్ఆర్ తర్వాత ఎన్టీఆర్ నుంచి వస్తున్న మూవీ కావడంతో అన్ని భాషల్లోనూ ఈ చిత్రానికి చాలా క్రేజ్ ఉంది. అనిరుధ్ రవిచందర్ ఈ మూవీకి సంగీతం అందిస్తున్నారు. ఇప్పటికే వచ్చిన మూడు పాటలు పాపులర్ అయ్యాయి.
దేవర ప్రమోషన్లలో హీరోయిన్ జాన్వీ కపూర్ కూడా చురుగ్గా పాల్గొంటున్నారు. చెన్నైలో జరిగిన మీట్‍లో తమిళంలో అనర్గళంగా మాట్లాడి ఆశ్చర్యపరిచారు. ఈ చిత్రంతోనే తెలుగులోకి జాన్వీ ఎంట్రీ ఇస్తున్నారు. ఈ మూవీలో సైఫ్ అలీ ఖాన్, శృతి మరాఠే, శ్రీకాంత్, షైన్ టామ్ చాకో, శ్రీకాంత్, అజయ్ కీలకపాత్రలు చేశారు.
