ban on plastic: ప్లాస్టిక్ నిషేధంపై రాష్ట్ర ప్రభుత్వానికి చుక్కెదురు

ban on plastic: చదరపు మీటరుకు 60 గ్రాముల కన్నా తక్కువ బరువున్న ప్లాస్టిక్ క్యారీ బ్యాగ్ (ban on plastic carry bags) లను కేరళ ప్రభుత్వం నిషేధించింది. ఈ నిషేధాన్ని సవాలు చేస్తూ కేరళలోని వ్యాపార సంఘాలు కేరళ హై కోర్టును ఆశ్రయించాయి. ఆ పిటిషన్లను విచారించిన న్యాయమూర్తి జస్టిస్ నగరేశ్ మంగళవారం తీర్పును వెలువరించారు.

ban on plastic: బ్యాన్ కుదరదు

ప్లాస్టిక్ ఉత్పత్తులను (ban on plastic carry bags) నిషేధించడానికి సంబంధించి రాష్ట్ర ప్రభుత్వానికి అధికారం లేదని హై కోర్టు తేల్చిచెప్పింది. ఈ మేరకు గత సంవత్సరం కేంద్ర ప్రభుత్వం చేసిన పలు సవరణలను ప్రస్తావించింది. చదరపు మీటరుకు 60 గ్రాముల కన్నా తక్కువ బరువున్న ప్లాస్టిక్ క్యారీ బ్యాగ్ (ban on plastic carry bags) లను కేరళ ప్రభుత్వం 2022 జనవరి 1నుంచి నిషేధించింది. ఈ నిషేధ ఉత్తర్వులను ఉల్లంఘించిన వారికి భారీగా జరిమానాలు విధించడం ప్రారంభించింది. ఈ నిషేధంతో సింగిల్ యూజ్ ప్లాస్టిక్ ప్లేట్స్, కప్స్, గార్బేజ్ బ్యాగ్స్, జ్యూస్ ప్యాకెట్స్, కోటెడ్ పేపర్ బ్యాగ్స్.. తదితర ఉత్పత్తులను తయారు చేసే చాలా సంస్థలపై ప్రతికూల ప్రభావం పడింది. దాంతో, వ్యాపార సంఘాలు హైకోర్టును ఆశ్రయించాయి. అయితే, ప్లాస్టిక బ్యాన్ కు సంబంధించి కేంద్రానికి మాత్రమే అధికారం ఉంటుందని కేరళ హై కోర్టు స్పష్టం చేసింది.