Blast hits Kabul mosque: మసీదు లక్ష్యంగా మరో బాంబు పేలుడు

Blast hits Kabul mosque: కాబూల్ లో అఫ్గానిస్తాన్ హోం మంత్రిత్వ శాఖ కార్యాలయానికి, కాబూల్ విమానాశ్రయానికి అత్యంత సమీపంలో బుధవారం భారీ బాంబు పేలుడు సంభవించింది.

Blast hits Kabul mosque: నలుగురు మృతి

కాబూల్ లోని హోం మంత్రిత్వ శాఖ కార్యాలయం సమీపంలోని మసీదులో జరిగిన ఈ బాంబు పేలుడు ఘటనలో నలుగురు ప్రాణాలు కోల్పోయారు. దాదాపు పాతిక మంది వరకు గాయాలపాలయ్యారు. కట్టుదిట్టమైన భద్రత మధ్య ఉండే హోం మంత్రిత్వ శాఖ సమీపంలో ఈ పేలుడు జరగడం గమనార్హం. ఈ మసీదులోకి కూడా ఆ శాఖ ఉద్యోగులే ఎక్కువగా ప్రార్థనల కోసం వెళ్తుంటారు. ఇటీవలి కాలంలో కాబూల్ లో ఇస్లామిస్ట్ మిలిటెంట్లు పలు బాంబు దాడులకు పాల్పడ్డారు.

Blast hits Kabul mosque: ఇటలీ ఎన్జీవో

తమ ఆసుపత్రికి 20 మంది క్షతగాత్రులు వచ్చారని, వారిలో ఇద్దరు చనిపోయారని కాబూల్ లో ఒక ఆసుపత్రిని నిర్వహిస్తున్న ఒక ఇటాలియన్ ఎన్జీవో సంస్థ వెల్లడించింది. కాబూల్ లోని ఒక విద్యాసంస్థలో భారీ పేలుడు సంభవించి 57 మంది చనిపోయి వారం కూడా గడవక ముందే మరో పేలుడు సంభవించడంపై ఆందోళన వ్యక్తమవుతోంది.