Surya Namaskar | సూర్య నమస్కారాలు మొత్తం ఎన్ని, ఏ విధంగా ఆచరించాలో చూడండి!

శారీరక, మానసిక భావోద్వేగ శ్రేయస్సుకు యోగా అనేది అత్యంత విశిష్టమైన వ్యాయామం. ఈ యోగాలో వివిధ ఆసనాలు, ప్రాణయామం లాంటి శ్వాసక్రియ అభ్యాసాలు, వివిధ భంగిమలతో కూడిన సూర్యనమస్కారాలు అలాగే ధ్యాన ముద్రలు భాగంగా ఉంటాయి. అయితే ఇందులో సూర్య నమస్కారం దీనికిదే ఒక సంపూర్ణ సాధనగా పేర్కొంటారు. యోగా ఆసనాలు, ప్రాణాయామం, మంత్రము, ధ్యానం ఇలా అన్నింటిని కూడుకుని చేసే సంపూర్ణ సాధనే సూర్య నమస్కారం. బ్రహ్మ ముహూర్తంలో ఆచరించే సూర్య నమస్కారాల వలన సంపూర్ణ ఆరోగ్యంతో పాటు ఆధ్యాత్మిక భావన పెరుగుతుందని యోగా గురువులు పేర్కొన్నారు. సూర్యోదయం సమయాన సూర్యునికి అభిముఖంగా నిలబడి సూర్య నమస్కారాలు చేయాలి.

ప్రతిరోజూ క్రమం తప్పకుండా సూర్య నమస్కారాలు చేయడం వలన ఊపిరితిత్తులు, జీర్ణకోశం, నాడీ మండలం, గుండె మొదలైన అవయవాలన్నీ బలోపేతం అవుతాయి. అన్ని అవయవాలకు రక్త ప్రసరణ సక్రమంగా జరిగి అంగసౌష్టవం పెరుగుతుంది. శరీరంలో ఉండే ప్రతి అవయవంలోని విష పదార్థాలను సహజంగా బయటకు పంపివేయడం జరుగుతుంది. నడుము సన్నబడుతుంది. ఛాతీ విస్తరిస్తుంది, రోగ నిరోధక శక్తి పెరుగుతుంది. మొత్తంగా వ్యక్తి సంపూర్ణ శ్రేయస్సుతో దృఢంగా తయారవుతాడు.

సూర్య నమస్కారం 12 శక్తివంతమైన యోగా భంగిమల సమ్మిళితం. ఈ 12 భంగిమలు 12 మంత్రాలతో అనుసంధానమై దేనికదే ప్రత్యేక ఆసనంగా ఉంటుంది. ఇలా 12 దశల సూర్య నమస్కారాలు ఇక్కడ ఇవ్వడమైనది, గమనించండి.

1. ప్రణామాసనం- Prayer pose

ప్రాణామాసనాన్ని ప్రార్థన భంగిమ అని కూడా అంటారు. మీ చాపపై నిటారుగా నిలబడి, నమస్కార ముద్రలో ఛాతీ ముందు మీ చేతులు కలపండి.

సూర్య నమస్కార మంత్రం: ఓం మిత్రాయ నమః.

2. హస్త ఉత్థానాసనం- Raised arms pose

అరచేతులను మునుపటి ప్రార్థన స్థానంలో ఉంచి, ఊపిరి పీల్చుకోండి, మీ చేతులను పైకి ఎత్తండి, కొద్దిగా వెనుకకు వంచండి.

సూర్య నమస్కార మంత్రం: ఓం రవయే నమః.

3. పాదహస్తాసనం- Standing forward bend

శ్వాస తీసుకుంటూనే రెండు చేతుల అరచేతులు పాదాలకు ఇరువైపులా నేలను తాకే వరకు తుంటి నుండి ముందుకు వంగడం ప్రారంభించండి.

సూర్య నమస్కార మంత్రం: ఓం సూర్యాయ నమః

4. అశ్వ సంచలనాసనం- Equestrian pose

ఊపిరి పీల్చుకుని, కుడి కాలుని సౌకర్యవంతంగా ఉన్నంతవరకు వెనక్కి చాచండి. కుడి మోకాలి నేలను తాకనివ్వండి, కుడి పాదం కాలి వేళ్లను నేలపై ఉంచండి.

సూర్య నమస్కార మంత్రం: ఓం భానవే నమః

5. దండాసనం- Staff/ stick Pose

కాళ్ళు, చేతులు నేలమీద ఆనించి నడుము పైకి ఎత్తి శ్వాస వదిలి తిరిగి పీల్చాలి.

సూర్య నమస్కార మంత్రం: ఓం ఖగాయ నమః

6. అష్టాంగ నమస్కారం- Salute with eight parts

పాదాలు, చేతులను 5వ స్థానంలో ఉంచి, మోకాళ్లు, ఛాతీ, గడ్డం నేలను తాకే విధంగా శరీరాన్ని నేలకు తగ్గించడం ప్రారంభించండి.

సూర్య నమస్కార మంత్రం: ఓం పుష్ణే నమః

7. భుజంగాసనం- Cobra Pose

6వ స్థానంలో ఉన్నట్లుగా కాళ్లు, చేతులు నేలపై ఉంచి, తల, భుజాలు, ఛాతీ పొత్తికడుపులను నాభి వరకు పైకి లేపి, పైకి లేపి పడగవిప్పినట్లుగా చూడండి.

సూర్య నమస్కార మంత్రం: ఓం హిరణ్య గర్భాయ నమః.

8. పర్వతాసనం- Mountain Pose

5వ స్థానంలో చేసినట్లుగా కాళ్ళు, చేతులు నేలమీద ఆనించి నడుము పైకి ఎత్తి శ్వాస వదిలి తిరిగి పీల్చాలి. పర్వతం ఆకారం ఏర్పడుతుంది.

సూర్య నమస్కార మంత్రం: ఓం మరీచయే నమః

9. అశ్వ సంచలనాసనం- Equestrian pose

శ్వాస తీసుకుంటూ కుడి కాలును వంచి, కుడి పాదాన్ని చేతుల మధ్య ముందుకు తీసుకురండి. అదే సమయంలో నేలను తాకేలా ఎడమ మోకాలిని తగ్గించండి. తలను వెనుకకు వంచి, వెనుకకు వంచండి.

సూర్య నమస్కార మంత్రం: ఓం ఆదిత్యాయ నమః

10. పాదహస్తాసనం- Standing forward bend

ఇప్పుడు మీరు శ్వాసను వదులుతున్నప్పుడు మీ ఎడమ పాదాన్ని నెమ్మదిగా ముందుకు, కుడి పాదం పక్కన పెట్టండి. మీ చేతుల స్థానాన్ని చెక్కుచెదరకుండా ఉంచుతూ, నెమ్మదిగా మిమ్మల్ని మీరు పైకి ఎత్తండి.

సూర్య నమస్కార మంత్రం: ఓం సవిత్రే నమః

11. హస్త ఉత్థానాసనం- Raised arms pose

ఊపిరి పీల్చుకుంటూ మొండెం పైకి లేపడం ప్రారంభించండి, తలపై చేతులు చాచండి. చేతులు, తల, పైభాగాన్ని వెనుకకు వంచండి. రెండు చేతులు భుజం వెడల్పుగా ఉండాలి.

సూర్య నమస్కార మంత్రం: ఓం అర్కాయ నమః

12. నమస్కారాసనం- Prayer pose

ఊపిరి పీల్చుకునేటప్పుడు అరచేతులను ఒకచోట చేర్చి ఛాతీ ముందు భాగంలో కలపండి.

సూర్య నమస్కార మంత్రం: ఓం భాస్కరాయ నమః

ఇందులో కొన్ని భంగిమలు ఒకేలా ఉన్నప్పటికీ మంత్రోచ్ఛరణతో వైవిధ్యాన్ని ప్రదర్శిస్తాయి.

యోగా గురువు రామ్‌దేవ్ ప్రకారం, రోజుకు 24 సార్లు సూర్య నమస్కారం చేయడం వల్ల 400 కేలరీలు బర్న్ అవుతాయి. ఇది మీ శరీరం నుండి ఒత్తిడిని తొలగించి, విశ్రాంతిని ఇస్తుంది.