Zee Telugu: సిరిసిల్లలో జీ తెలుగు మెగా ఈవెంట్- సీతే రాముడి కట్నం, నిండు నూరేళ్ల సావాసం హీరోహీరోయిన్ల సందడి- ఏరోజు అంటే?

Seetha Ramula Nindu Noorella Saavasam Mega Event: నిరంతరం ఆకట్టుకునే సీరియల్స్​, ఆసక్తికరమైన కార్యక్రమాలతో తెలుగు ప్రేక్షకులను అలరిస్తున్న ఛానల్​ జీ తెలుగు. ప్రత్యేక కార్యక్రమాలతో మరింత వినోదం పంచుతున్న జీ తెలుగు తాజాగా సిరిసిల్ల వేదికగా అభిమానులకు అద్భుత అవకాశాన్ని అందించింది.

సీరియల్ తారలతోపాటు

విశేషంగా ప్రేక్షకులను ఆకట్టుకుంటున్న జీ తెలుగు సీరియల్స్​ సీతే రాముడి కట్నం, నిండు నూరేళ్ల సావాసం నటీనటులతోపాటు ఇతర తారలు తమ అభిమానులను నేరుగా కలిసేందుకు ‘సీతారాముల నిండు నూరేళ్ల సావాసం’ పేరున ఆత్మీయ సమ్మేళన కార్యక్రమాన్ని నిర్వహించింది. ఈ మెగా ఈవెంట్ ఎంతో సందడిగా సాగింది.

మెగా ఈవెంట్ పోస్టర్

అభిమానుల కోలాహలంతో ఘనంగా జరిగిన ప్రత్యేక కార్యక్రమం ‘సీతారాముల నిండు నూరేళ్ల సావాసం’ నవంబర్​ 3న మధ్యాహ్నం 12 గంటలకు జీ తెలుగు టీవీ ఛానెల్‌లో ప్రసారం చేయనున్నారు. దీనికి సంబంధించి అధికారికంగా ప్రకటించింది జీ తెలుగు. అంతేకాకుండా ‘సీతారాముల నిండు నూరేళ్ల సావాసం’ మెగా ఈవెంట్ పోస్టర్‌ను కూడా రిలీజ్ చేశారు.

యాంకర్ లాస్య సారథ్యంలో

జీ తెలుగు ఇటీవల సిరిసిల్లలో ప్రముఖ నటీనటులతో కార్యక్రమాన్ని నిర్వహించి వీక్షకులకు ఆహ్లాదకరమైన అనుభవాన్ని అందించింది. ప్రముఖ యాంకర్​ లాస్య వ్యాఖ్యాతగా వ్యవహరించిన ఈ కార్యక్రమం ఆద్యంతం ప్రేక్షకులకు వినోదం పంచింది. ఈ ఈవెంట్‌‌లో బుల్లితెర సీరియల్స్ హీరో హీరోయిన్స్ పాల్గొన్నారు.

బహుమతులు పంచి

జీ తెలుగు ప్రేక్షకులను మెప్పిస్తూ విజయవంతంగా కొనసాగుతున్న 'సీతే రాముడి కట్నం', 'నిండు నూరేళ్ల సావాసం' నటీనటులు సిరిసిల్లలోని వేదికపై నుంచి తమ అభిమానులతో సంభాషించడమే కాకుండా పలు బహుమతులను కూడా పంచి వారి సంతోషంలో పాలుపంచుకున్నారు.

ఎవరెవరు వచ్చారంటే?

సీతే రాముడి కట్నం సీరియల్ జోడీ సీత (వైష్ణవి)- రామ్ (సమీర్), అండ్ మహాలక్ష్మి (మంజుల పరిటాల) పాల్గొనగా.. నిండు నూరేళ్ల సావాసం సీరియల్‌లో పాత్రలైన అమరేంద్ర (రిచర్డ్ జోస్)- అరుంధతి (పల్లవి గౌడ), అమరేంద్ర (రిచర్డ్ జోస్)- భాగమతి (నిసర్గ) సందడి చేశారు. వీరు తెరమీదనే కాదు తెర వెనక కూడా తమ మధ్య అనుబంధం ఎలా ఉంటుందో ప్రేక్షకులకు చూపించి వినోదం పంచారు.

హీరో హీరోయిన్లతోపాటు

జీ తెలుగు తారల సందడితో ఉత్సాహవంతంగా సాగిన ఈ రెండు సీరియళ్ల మెగా ఈవెంట్ కార్యక్రమంలో సరిగమప గాయనీగాయకులతో పాటు జానపద గాయకుల పాటలు, డ్రామా జూనియర్స్​ పిల్లల స్కిట్స్​ ప్రేక్షకులను ఆకట్టుకున్నాయి. రెండు సీరియల్స్​పై వచ్చిన సరదా మీమ్స్​ ప్రదర్శిస్తూ సాగిన కామెంటరీ అందరినీ కడుపుబ్బా నవ్వించింది.

సెల్ఫీలు-బహుమతులు

‘అసలైన అమరేంద్ర ఎవరు?’ అంటూ సాగిన డ్రామా జూనియర్స్​ స్కిట్ ఆసక్తికరంగా సాగింది. జీ తెలుగు నటీనటులు తమ అభిమానులతో సెల్ఫీలు దిగడం, బహుమతులతో సర్‌ప్రైజ్ చేయడంతోపాటు వారిని పలకరించి ముచ్చటించారు. నటీనటులు చెరగని అనుభూతులు పంచారు. ఘనంగా జరిగిన ఈ సరదా సంబరాన్ని జీ తెలుగు వేదికగా మీరూ మిస్​ కాకుండా చూసేయండి అని టీమ్ సోషల్ మీడియా వేదికగా చెప్పుకొచ్చింది.