Sardar Twitter Review: సర్దార్‌ బ్లాక్‌బస్టర్‌.. ఫస్టాఫ్‌ అదిరిందంటున్న ఫ్యాన్స్

Sardar Twitter Review: తమిళ స్టార్‌ హీరో కార్తీ నటించిన మూవీ సర్దార్‌. ఈ సినిమా తమిళంతోపాటు తెలుగులోనూ శుక్రవారం (అక్టోబర్‌ 21) రిలీజైంది. ఈ సినిమాకు యూఎస్‌ ప్రీమియర్స్‌ నుంచి పాజిటివ్‌ రివ్యూలు వచ్చాయి. ఈ సినిమా చూసిన ఫ్యాన్స్‌ ఉదయం నుంచీ ట్విటర్‌లో బ్లాక్‌బస్టర్‌ అంటూ ట్వీట్లు చేస్తున్నారు. దీపావళి విన్నర్‌ సర్దార్‌ అని వాళ్లు తేల్చేశారు.

ముఖ్యంగా ఈ సినిమా ఫస్టాఫ్‌, ఇంటర్వెల్‌ సీన్‌ చాలా బాగుందని చాలా మంది ఫ్యాన్స్‌ అభిప్రాయపడ్డారు. ఈ మూవీతో మంచి మెసేజ్‌ ఇచ్చారని, పీఎస్‌ మిత్రన్‌ డైరెక్షన్‌, స్క్రీన్‌ ప్లే అదుర్స్‌ అని కామెంట్స్‌ చేశారు. ఈ సినిమాతో కార్తీ మరో బ్లాక్‌బస్టర్‌ అందుకున్నాడని, 2022 అతనికి చాలా బాగా కలిసి వచ్చిందని మరికొందరు ట్వీట్లు చేశారు.

సర్దార్‌ మూవీని తెలుగులో అక్కినేని నాగార్జున రిలీజ్ చేసిన విషయం తెలిసిందే. ఈ సినిమాను తెలుగులో తీసుకురావడం చాలా గర్వంగా ఉందని ప్రీరిలీజ్‌ ఈవెంట్‌ సందర్భంగా నాగార్జున అన్నాడు. తెలుగులోనూ మంచి ఫాలోయింగ్‌ ఉన్న కార్తీకి ఊహించినట్లే మంచి ఓపెనింగ్స్‌ వస్తున్నాయి. దీపావళి సందర్భంగా మరో మూడు సినిమాలతో పోటీ పడుతున్నా.. సర్దార్‌ రేసులో అన్నింటికంటే ముందే ఉంది.

డిఫరెంట్‌ స్క్రిప్ట్‌లను ఎంచుకొని సినిమాలు చేసే కార్తీ.. సర్దార్‌తో మరోసారి అదే నిరూపించాడని ఫ్యాన్స్‌ ట్విటర్ రివ్యూల్లో అంటున్నారు. సినిమా మొత్తం ఎక్కడా బోర్‌ కొట్టకుండా చాలా అద్భుతంగా తీశారని చెప్పారు. డ్యుయల్‌ రోల్‌లో కార్తీ అదరగొట్టాడని, ముఖ్యంగా సీనియర్‌ రోల్‌లో అతని నటన అద్భుతమని మరో అభిమాని ట్వీట్‌ చేశాడు. స్టోరీ చాలా ఎంగేజింగ్‌గా ఉన్నట్లు ఎక్కువ మంది ట్వీట్స్‌ చేశారు.