Brahmamudi Promo: కావ్యకు వరుసగా సర్‌ప్రైజ్‌లు- రాజ్‌తో క్యాండిల్ లైట్ ఫస్ట్ నైట్- చనిపోతానన్న మహేంద్ర

Brahmamudi Serial Promo: బ్రహ్మముడి సీరియల్ లేటెస్ట్ ఎపిసోడ్ ప్రోమోలో రాజ్ కావ్య ఓ రెస్టారెంట్‌కు వెళతారు. అక్కడ హోటల్ గురించి, మనుషుల గురించి జోకులు వేసుకుంటూ సరదాగా గడుపుతారు. ఈరోజు నుంచి నీకు థ్రిల్స్ మాత్రమే ఇవ్వబోతున్నాను అని రాజ్ అంటాడు. తర్వాత వాష్ రూమ్‌కు అని చెప్పి వెళ్లిన రాజ్ కావ్య కోసం ఓ సర్‌ప్రైజ్ ప్లాన్ చేస్తాడు.

కావ్య గారికి సర్‌ప్రైజ్

తర్వాత రెస్టారెంట్ మేనెజర్ అందరికీ గుడ్ ఈవెనింగ్ అని చెప్పి.. ఇవాళ మన రెస్టారెంట్‌కు స్పెషల్ గెస్ట్ వచ్చారు. ఆయన ఎవరో కాదు దుగ్గిరాల ఫ్యామిలీ వారసుడు మిస్టర్ స్వరాజ్ అని చెబుతాడు. దాంతో అంతా క్లాప్స్ కొడతారు. కావ్య ఆశ్చర్యంగా చూస్తూ ఉంటుంది. కొద్ది క్షణాల్లో మిస్టర్ స్వరాజ్ వారి శ్రీమతి కావ్య గారికి ఓ సర్‌ప్రైజ్ ఇవ్వబోతున్నారు అని మేనెజర్ చెబుతాడు.

దానికి ఆ సర్‌ప్రైజ్ ఏంటా అని కావ్య ఆశ్చర్యంగా ఎదురుచూస్తూ ఉంటుంది. రాజ్ కూడా సంతోషంతో నవ్వుతూ ఉంటాడు. రెస్టారెంట్‌లో కావ్య గొప్పదనం గురించి చెబుతూ చివరిగా లవ్ ప్రపోజ్ చేస్తాడని తెలుస్తోంది. ఫ్లవర్ బుకే కానీ లేదా రింగ్ ఇచ్చి మోకాళ్లపై కూర్చుని అందరిముందు కావ్యపై తనకున్న ప్రేమను చాటి చెబుతాడని అర్థం అవుతోంది.

రొమాంటిక్‌గా గది

సర్‌ప్రైజ్ అనంతరం రాజ్ కావ్య ఇంటికి బయలుదేరుతారు. అయితే దారిలో భారీగా వర్షం పడటంతో ఓ చోట ఆగుతారు. వర్షంలో తడవడంతో ఓ ఇంట్లోకి వెళ్తారు. ఆ ఇంట్లో ఎవరైనా ఉన్నారా అని చుట్టూ చూస్తారు. కానీ, ఎవరు ఉండరు. అయితే ఈ ఆ ఇంటిలోని ఓ గదిలో చుట్టూ క్యాండిల్స్‌తో చాలా రొమాంటిక్‌గా డెకరేట్ చేసి ఉంటుంది. అది చూసి కావ్య, రాజ్ చాలా ఆశ్చర్యపోతారు.

కావ్య బాగా వర్షంలో తడవడంతో అక్కడున్న బ్లూ కలర్ సారీని మార్చుకోమ్మని ఇస్తాడు రాజ్. కానీ, కావ్య మాత్రం ఇది ఎవరిదోనండి అని అంటుంది. వర్షంలో తడిచావ్. జలుబు చేస్తుంది. పర్లేదు కట్టుకో అని రాజ్ అనడంతో వెళ్లి కట్టుకుంటుంది. రాజ్ కూడా వెళ్లి డ్రెస్ మార్చుకుంటాడు. ఇద్దరూ డ్రెస్సులు మార్చుకుని వచ్చేటప్పుడు డోర్ కర్టెన్స్ నుంచి ఎవరో పరిగెత్తినట్లు నీడ కనిపిస్తుంది.

క్యాండిల్ లైట్ ఫస్ట్ నైట్

అది చూసి ఇద్దరూ భయంతో దగ్గరిగా వచ్చి కౌగిలించుకుంటారు. కావ్య అలాగే ఉండిపోతుంది. రాజ్‌కు కూడా నచ్చడంతో కావ్యపై చేతులు వేస్తాడు. ఇంట్లో ఫస్ట్ నైట్‌కు ఏదో ఒక అడ్డంకి వస్తుందన్న ఉద్దేశంతో రాజ్ కావాలనే వేరే ఇంట్లో ఇలా క్యాండిల్ లైట్ ఫస్ట్ నైట్ ప్లాన్ చేశాడని తెలుస్తోంది. ఇలా కావ్యకు రాజ్ సర్‌ప్రైజ్‌ల మీద సర్‌ప్రైజ్‌లు ఇచ్చాడు.

Guppedantha Manasu Serial: గుప్పెడంత మనసు సీరియల్‌లో ధన్‌రాజ్ పెళ్లి చూపుల్లో రంగాను చూసి శైలేంద్ర, దేవయాని వణికిపోతారు. ఏసీలో ఉన్నట్లు అలా వణుకుతున్నారు ఏంటని రంగా అంటే.. కారులో ఎక్కువగా పెట్టుకుని వచ్చామని దేవయాని కవర్ చేస్తుంది. తర్వాత వీడు వాడేనా అని ఇద్దరూ అనుమానపడతారు.

టెస్ట్ చేయాలని అలా

మరోవైపు రంగాపై చాలా ప్రేమను కురిపిస్తుంది సరోజ. అది చూసి ధన్‌రాజ్ పెళ్లి క్యాన్సిల్ చేసుకుంటాడని సరోజ అనుకుంటుంది. కానీ, దానికంటే ముందే కావాలనే మిమ్మల్ని టెస్ట్ చేయాలని సినిమా డైలాగ్స్ కొడుతుందని రంగా చెప్పడం, వాళ్లిద్దరి మధ్య ఎలాంటి లవ్ లేదని బుజ్జి చెప్పడంతో ధన్‌రాజ్ పెళ్లికి ఒప్పుకుంటాడు.

దాంతో సరోజ షాక్ అవుతుంది. ఇంత చేసిన పెళ్లికి ఎలా ఒప్పుకున్నాడని ఆలోచనలో పడుతుంది. తర్వాత సరోజ పెళ్లి చూపులకు వచ్చిన అతను ఎలా ఉన్నాడని రంగా దగ్గర ఆరా తీస్తుంది వసుధార. అదంతా పట్టించుకోలేదని రంగా జవాబు ఇస్తాడు. మరోవైపు జగతి, రిషి, వసుధార అంతా తనకు కావాల్సిన వాళ్లు దూరమయ్యారని, తాను ఒంటరినని, చనిపోవాలని ఉందని ధరణితో మహేంద్ర చెప్పుకుంటూ బాధపడతాడు.

ధైర్యం చెప్పిన ధరణి

రిషి బతికి ఉన్నాడని, వసుధార చెప్పిందే నిజం అవుతుందని, రిషితోనే వసుధార వస్తుందనే నమ్మకం తనకు ఉందని మహేంద్రకు ధైర్యం చెబుతుంది ధరణి. ఇంకోవైపు తన అమ్మ కోసం పదవే కాదు ప్రాణమైన ఇస్తానని ఏంజెల్‌తో చెబుతాడు మను. ప్రతిదానికి అమ్మ ప్రస్తావన తీసుకురావడంతో ఏంజెల్ సెటైర్లు వేస్తుంది.