Vishwak OTT Release Date: ఓటీటీలోకి బిగ్‌బాస్ అజ‌య్ క‌తుర్వార్ విశ్వ‌క్ మూవీ - స్ట్రీమింగ్ డేట్ రివీల్‌

Vishwak OTT Release Date: బిగ్‌బాస్ నాన్‌స్టాప్‌లో కంటెస్టెంట్‌గా పాల్గొనితెలుగు ప్రేక్ష‌కుల‌కు చేరువ‌య్యాడు అజ‌య్ క‌తుర్వార్‌. ఆట‌తీరు కంటే ఆటిట్యూడ్ తోనే ఫేమ‌స్ అయ్యాడు. అత‌డు హీరోగా న‌టించిన విశ్వ‌క్ మూవీ ఓటీటీ రిలీజ్ డేట్ ఫిక్స‌యింది. జూన్ 2 నుంచి జీ5 ఓటీటీలో ఈ మూవీ స్ట్రీమింగ్ కానుంది.

తెలంగాణ రాష్ట్ర అవ‌త‌ర‌ణ దినోత్స‌వం సంద‌ర్భంగా జీ5లో రిలీజ్ కానున్న ఈ మంచి సినిమాను ఆద‌రించాల‌ని అజ‌య్ క‌తుర్వార్ ట్విట్ట‌ర్ ద్వారా కోరారు.

విదేశాల‌కు వెళ్ల‌కుండా ఇండియాలోనే స్థిర‌ప‌డాల‌ని క‌ల‌లుక‌న్న ఓ యువ‌కుడికి ఎలాంటి క‌ష్టాలు ఎదుర‌య్యాయ‌న్న‌ది ఈ సినిమా క‌థ‌. విదేశీమోజు లో ప‌డిపోయిన యువతరం ఆలోచ‌నా విధానం మారాల‌నే పాయింట్‌తో ద‌ర్శ‌కుడు వేణు ముల్క‌ల్ల ఈ సినిమాను తెర‌కెక్కించారు.

సందేశాత్మ‌క క‌థాంశంతో తెర‌కెక్కిన ఈ మూవీ గ‌త ఏడాది థియేట‌ర్ల‌లో రిలీజైంది. అజ‌య్ న‌ట‌న బాగుంద‌నే పేరొచ్చినా క‌మ‌ర్షియ‌ల్ స‌క్సెస్‌గా మాత్రం నిల‌వ‌లేక‌పోయింది. ఓటీటీలో ఈ సినిమాను ప్రేక్ష‌కులు ఏ మేర‌కు ఆద‌రిస్తార‌న్న‌ది చూడాల్సిందే.

విశ్వ‌క్ సినిమాలో డింపుల్ హీరోయిన్‌గా న‌టించింది. విశ్వ‌క్ తో పాటు రాగ‌ల ఇర‌వై నాలుగు గంట‌ల్లో, ప్రేమ‌దేశం, మెహ‌బూబా సినిమాల్లో కీల‌క పాత్ర‌ల‌ను పోషించాడు విశ్వ‌క్‌. హీరోగా స‌క్సెస్ కోసం ఎదురుచూస్తోన్నాడు. ప్ర‌స్తుతం అజ‌య్ గాడు తో పాటు మ‌రికొన్ని సినిమాల్లో న‌టిస్తోన్నాడు.